Намояндаи Тоҷикистон дар Форуми иқтисодии Авруосиё 2025 иштирок намуд
ДУШАНБЕ, 25.09.2025. /АМИТ «Ховар»/. Аз 23 то 25 сентябр дар шаҳри Сиани Ҷумҳурии Мардумии Чин Форуми иқтисодии Авруосиё 2025 ва ҷаласаи молиявии Бонки давлатии рушди Чин доир шуд, ки дар он Раиси Раёсати Бонки саноатию содиротии Тоҷикистон «Саноатсодиротбонк» Ҳокимшоҳ Бобозода иштирок намуд.
Тавре аз Корхонаи воҳиди давлатии Бонки саноатию содиротии Тоҷикистон «Саноатсодиротбонк» ба АМИТ «Ховар» иттилоъ доданд, форум ба рушди ҳамкории иқтисодии мамлакатҳои минтақаи Авруосиё равона гардид.
Дар доираи форум ҷаласаи пленарӣ, конфронси молиявӣ, конфронс доир ба ташаббуси «Як камарбанд, як роҳ», конфронс доир ба рушди сармояи инсонӣ, ҳамоиш доир ба сармоягузорӣ ва дигар чорабиниҳои муҳим баргузор гардиданд. Дар онҳо ҳамкории иқтисодӣ-молиявӣ мавриди муҳокима қарор дода шуд.
Дар ҳошияи форум вохӯрии намояндагони Бонки саноатию содиротии Тоҷикистон «Саноатсодиротбонк» бо Бонки давлатии рушди Чин, Бонки содироту воридоти Чин, Беларусбанк ва Бонки рушди Қазоқистон доир гардид.
Дар ҷараёни вохӯрӣ ҷонибҳо оид ба масъалаҳои ҷалби сармояи хориҷӣ, маблағгузории савдо, ба роҳ мондани ҳамкории муросилотӣ, ҳамчунин табодули таҷриба ва рушди сармояи инсонӣ мубодилаи афкор намуданд.
АКС: Корхонаи воҳиди давлатии Бонки саноатию содиротии Тоҷикистон «Саноатсодиротбонк»
Хатсайри қатораи Душанбе – Москва — Душанбе пас аз 6 сол барқарор гардид
Дар Панҷакент корхонаи мурғпарварӣ ва ҳавзҳои моҳидорӣ ба фаъолият оғоз намуданд
Дар Тоҷикистон «Барномаи давлатии рушди инноватсионии соҳаи пахтакорӣ барои солҳои 2026–2030» қабул гардид
Намояндагони Тоҷикистон дар Форуми байналмилалии зиддикоррупсионӣ иштирок намуданд
Дар Тоҷикистон аввалин маҷмааи муосири истеҳсоли шиша бунёд мегардад
Дар ноҳияи Сино низоми «Пардохти ягонаи коммуналӣ» дар марҳилаи пилотӣ ҷорӣ мегардад
Тоҷикистон бо чанд давлати ҷаҳон муносибати савдои хориҷӣ дорад?
Дар Душанбе Форуми рушди технологияҳои иттилоотию коммуникатсионӣ баргузор шуд
Дар доираи ҷаласаи 45-уми Шурои идоракунандагони GCF барои Тоҷикистон 2 лоиҳаи нави муҳим ба маблағи 190 миллион доллар тасдиқ гардид
ҚУРБИ АСЪОР: 1 доллари ИМА аз 9.2725 то 9.3000 сомонӣ муқаррар шудааст
Дар Душанбе ҷараёни корҳои пешакии лоиҳаи сохтмони метро дар пойтахт муҳокима гардид
Палатаи савдо ва саноати Тоҷикистон ҳамкориро бо Чин ва кишварҳои Осиёи Марказӣ густариш медиҳад
