ПЕШСАФИ ПАХТАЧИНӢ. Дар Мастчоҳ зиёда аз 7 ҳазор тонна пахта ҷамъоварӣ карда шудааст

ДУШАНБЕ, 16.09.2025 /АМИТ «Ховар»/. Ноҳияи Мастчоҳ дар маъракаи имсолаи ҷамъоварии пахта дар вилояти Суғд пешсаф мебошад. Ҳар рӯз зиёда аз 10 ҳазор саҳмдор ва кормандони ташкилоту муассисаҳо ба саҳро баромада, дар як рӯз аз 520 то 550 тонна пахта ҷамъоварӣ менамоянд.

Тавре АМИТ «Ховар» бо истинод ба Мақомоти иҷроияи ҳокимияти давлатии ноҳияи Мастчоҳ хабар медиҳад, ҳаҷми умумии ҳосили ба хирман воридшуда то 16 сентябр ба зиёда аз 7175 тонна расидааст. Ин нишондиҳанда 26,2 фоизи нақшаи солонаро ташкил дода, ноҳияи Мастчоҳро дар радифи пешсафони вилоят қарор медиҳад.

Ба иттилои Раёсати кишоварзии ноҳия, дар айни замон беш аз 4 ҳазор гектар пахтазор дар марҳилаи чиниши якум қарор дошта,  ҷамъоварии пахта бо суръати баланд идома дорад.

АКС: Мақомоти иҷроияи ҳокимияти давлатии ноҳияи Мастчоҳ