Сокинони Рашт ба густариш бахшидани худшиносию худогоҳии миллӣ ва ватандӯстӣ даъват карда шуданд

РАШТ, 17.09.2025 /АМИТ «Ховар»/. Дар ноҳияи Рашт бо фаъолону сокинон оид ба ватандӯстию ватанпарварӣ ва баланд бардоштани маърифати сиёсию ҳуқуқии аҳолӣ, бахусус наврасону ҷавонон вохӯрӣ баргузор гардид. Дар ин хусус ба хабарнигори минтақавии АМИТ «Ховар» Субҳониддини Маҳмуд аз Мақомоти иҷроияи ҳокимияти давлатии ноҳияи Рашт иттилоъ доданд.

Зимни вохӯрӣ иброз гардид, ки саҳми Раиси муаззами Ҳизби Халқии Демократии Тоҷикистон муҳтарам Эмомалӣ Раҳмон дар таҳким бахшидани сулҳу субот ва пешрафти ҷомеа хеле назаррас мебошад. Роҳбари давлат ҳамеша таъкид менамоянд, ки фаъолият дар самти густариш бахшидани худшиносию худогоҳии миллӣ, ҳисси ватандӯстию ватанпарварии мардум, баланд бардоштани маърифати сиёсию ҳуқуқии аҳолӣ, бахусус наврасону ҷавонон бояд тақвият бахшида шавад.

«Мо ҳама дар якҷоягӣ бояд барои пойдории сулҳу субот талош намоем ва бобати боз ҳам пешрафта шудани сарзамини аҷдодиамон содиқона кору зиндагӣ намоем. Зарур аст, ки зери сиёсати Пешвои миллат, Раиси муаззами Ҳизби Халқии Демократии Тоҷикистон муҳтарам Эмомалӣ Раҳмон барои рушди ин сарзамин ва расидан ба зиндагии шоистаи мардум беш аз беш заҳмату талош намоем», — иброз гардид дар вохӯрӣ.

Дар ҳамоиш як зумра фаъолону собиқадорон бо Сипосномаю туҳфаҳои Кумитаи иҷроияи марказии Ҳизби Халқии Демократии Тоҷикистон ва Кумитаи иҷроияи ноҳияи Рашт қадрдонӣ гардиданд.

АКС: Мақомоти иҷроияи ҳокимияти давлатии ноҳияи Рашт