Тоҷикистонро дар моҳи октябр чӣ гуна ҳаво интизор аст?
ДУШАНБЕ, 29.09.2025. /АМИТ «Ховар»/. Моҳи октябр дар Тоҷикистон ҳарорати ҳаво аз меъёри иқлимӣ 1-2 дараҷа баландтар пешгӯӣ мешавад. Дар даҳрӯзаҳои дуюм ва сеюми моҳ пастшавӣ ва тағйирёбии ҳарорат дар назар аст. Ҳавои моҳи октябри имсола ба соли 2017 монандӣ дорад. Дар ин хусус АМИТ «Ховар» бо истинод ба Агентии обуҳавошиносии мамлакат хабар медиҳад.
Ҳарорати ҳаво дар вилояти Хатлон, баъзе ноҳияҳо ва водиҳои ноҳияҳои тобеи ҷумҳурӣ аз меъёри иқлимӣ 1-2 дараҷа баландтар пешгӯӣ мешавад. Дар водиҳо ҳаво 13+19 ва дар ноҳияҳои доманакӯҳӣ 12+14 дараҷа гарм мешавад. Дар даҳрӯзаҳои дуюм ва сеюми моҳ пастшавӣ ва тағйирёбии ҳарорат аз эҳтимол дур набуда, дар водиҳо шабона аз 9+14 то 3+8 дараҷа гарм, рӯзона аз 20+25 то 14+19 дараҷа гарм ва дар ноҳияҳои доманакӯҳӣ шабона аз 5+10 то 2+7 дараҷа гарм, рӯзона аз 17+22 то 10+15 дараҷа гарм мешавад.
Дар водиҳои вилояти Суғд моҳи октябр ҳаво 13+16 дараҷа гарм ва дар ноҳияҳои кӯҳӣ 5+9 дараҷа гарм мешавад. Дар ноҳияҳои кӯҳӣ шабона аз 1+6 дараҷа гарм то 0-5 дараҷа хунук, рӯзона аз 12+17 то 6+11 дараҷа гарм мешавад. Микдори моҳонаи бориши атмосферӣ дар баъзе ноҳияҳо аз меъёри иқлимӣ кам пешгӯӣ мешавад. Дар баъзе ноҳияҳо шамол бо суръати 15-20 метр дар як сония мевазад.
Моҳи октябр дар минтақаҳои кӯҳии ноҳияҳои тобеи ҷумҳурӣ ва ғарби Вилояти Мухтори Кӯҳистони Бадахшон ҳарорати ҳаво дар баъзе ноҳияҳо аз меъёри иқлимӣ 1-2 дараҷа баландтар дар назар аст. Ҳаво 9+17 дараҷа гарм пешгӯӣ мешавад. Дар даҳрӯзаҳои дуюм ва сеюми моҳ пастшавӣ ва тағйирёбии ҳаво пешгӯӣ шуда, шабона аз 4+9 дараҷа гарм то 3 дараҷа хунук-2 дараҷа гарм ва рӯзона аз 14+19 то 8+13 дараҷа гармӣ дар назар аст. Миқдори моҳонаи бориши атмосферӣ дар ҳадди меъёри иқлимӣ, дар баъзе ноҳияҳо аз меъёри иқлимӣ камтар пешгӯӣ мешавад.
Дар даҳрӯзаи аввали моҳи октябр дар шарқи Вилояти Мухтори Кӯҳистони Бадахшон ҳаво шабона 0-5 дараҷа хунук ва рӯзона 8+13 дараҷа гарм пешгӯӣ мешавад. Дар даҳрӯзаҳои дуюм ва сеюми моҳ пастшавӣ ва тағйирёбии ҳаво дар назар буда, шабона аз 4-9 дараҷа хунук то 9-14 дараҷа хунук, рӯзона аз 3+8 дараҷа гарм то 1 дараҷа хунук- 4 дараҷа гармӣ дар назар аст.
Дар рӯзҳои алоҳидаи давоми моҳ дар баъзе ноҳияҳо шамол бо суръати то 15-20 метр дар як сония мевазад.
АКС: АМИТ «Ховар»
10 оилаи аз офати табиӣ зарардидаи деҳаи Баррӯшон соҳиби манзилҳои нав мешаванд
Бахшида ба Рӯзи кормандони хадамоти ҳолатҳои фавқулода ва мудофиаи гражданӣ ҳамоиши тантанавӣ доир шуд
ИМРӮЗ — РӮЗИ КОРМАНДОНИ ХАДАМОТИ ҲОЛАТҲОИ ФАВҚУЛОДА ВА МУДОФИАИ ГРАЖДАНӢ. Ҳифзи аҳолӣ аз ҳолатҳои фавқулода самти асосии фаъолияти ин ниҳод аст
САЙЁҲИИ ЗИЁРАТӢ. Дар 35 соли Истиқлоли давлатӣ Мамнуъгоҳи Султон Увайси Қаранӣ аз нав эҳё гардида, инфрасохтори сайёҳии он рушд намуд
ПУРСИДЕД, ҶАВОБ МЕДИҲЕМ. Дар кадом ҳолат вуруди шаҳрванди хориҷӣ ба Федератсияи Русия манъ карда мешавад?
Рафти татбиқи Стратегияи рушди ҳифзи иҷтимоии аҳолии Ҷумҳурии Тоҷикистон барои давраи то соли 2040 натиҷагирӣ карда шуд
Дар Душанбе доир ба саҳми шоистаи Абуалӣ ибни Сино дар илми тиб конференсия баргузор гардид
Муовини Сарвазири Тоҷикистон бо ҷараёни сохтмони иншооти соҳаи маорифу тандурустӣ дар шаҳри Ҳисор шинос шуд
Дар вилояти Суғд бахшида ба Рӯзи кормандони соҳаи тиб ҳамоиш доир гардид
Дар Хуҷанд даври шаҳрии Озмуни ҷумҳуриявии «Беҳтарин хизматчии давлатӣ аз ҳисоби занон» доир шуд
ИСТИҚЛОЛ ВА ФАРДОИ ДУРАХШОНИ ВАТАН. Доир ба он ҳамоиши ҷумҳуриявӣ баргузор шуд
12 АВГУСТ — РӮЗИ БАЙНАЛМИЛАЛИИ ҶАВОНОН. Беш аз 1700 нафар ҷавонони Тоҷикистон дар вазифаҳои роҳбарӣ фаъолият доранд
