Ҳайати Тоҷикистон бо муовини директори иҷроияи Хазинаи байналмилалии асъор вохӯрӣ намуд
ДУШАНБЕ, 16.10.2025 /АМИТ «Ховар»/. 14 октябр дар шаҳри Вашингтони Иёлоти Муттаҳидаи Амрико дар ҳошияи ҷаласаҳои солонаи Бонки ҷаҳонӣ ва Хазинаи байналмилалии асъор дар дафтари марказии Хазинаи байналмилалии асъор вохӯрии ҳайати Ҷумҳурии Тоҷикистон таҳти роҳбарии Вазири молияи Ҷумҳурии Тоҷикистон Файзиддин Қаҳҳорзода ва Раиси Бонки миллии Тоҷикистон Фирдавс Толибзода бо муовини директори иҷроияи Хазинаи байналмилалии асъор Бо Ли баргузор гардид.
Тавре ба АМИТ «Ховар» аз Вазорати молияи Ҷумҳурии Тоҷикистон хабар доданд, дар мулоқот ҷонибҳо ҳамкориро мусбат арзёбӣ намуда, раванди татбиқи муваффақонаи Барномаи воситаи ҳамоҳангсозии сиёсат (PCI) дар Тоҷикистон ва нақши онро дар рушди ҳамкорӣ бо Хазинаи байналмилалии асъор таъкид карданд.
Ҷонибҳо аҳамияти идомаи ислоҳот, тақвияти рақамикунонии низоми молиявӣ, рушди иқтидор ва дастгирии техникии Хазинаи байналмилалии асъорро баррасӣ намуданд. Илова бар ин ҷониби Тоҷикистон оид ба масъалаи истифодаи механизми Фонди устуворӣ ва пойдорӣ (RSF) пешниҳод намуд, ки дар доираи он маблғгузории имтиёзнок ҷалб карда шавад.
Дар анҷоми мулоқот тарафҳо зарурати таҳкими минбаъдаи ҳамкорӣ дар самти идоракунии молияи давлатӣ, беҳсозии муҳити сармоягузорӣ, густариши кумакҳои техникӣ ва инчунин баррасии имконияти гузариш ба барномаи молиявии Хазинаи байналмилалии асъорро дар оянда таъкид намуданд.
АКС: Вазорати молияи Ҷумҳурии Тоҷикистон
Вазири молияи Тоҷикистон дар Бангкок бо роҳбарияти Фонди кувайтии рушди иқтисодиёти араб мулоқот намуд
Дар доираи Форуми соҳибкории «Тоҷикистон, ба пеш!» ду Ёддошти тафоҳум дар соҳаи энергетика ба имзо расид
Дар 25 соли охир аз ҷониби соҳибкорон зиёда аз 4 миллион ҷойи кор таъсис дода шудааст
Дар Душанбе татбиқи «Барномаи рушди таҳвилгарон ва содирот» бо ҳайати Гурӯҳи Бонки ҷаҳонӣ баррасӣ гардид
Дурнамои рушди ҳамкорӣ байни Тоҷикистон ва Чехия дар соҳаи нақлиёти роҳи оҳан баррасӣ гардид
Масъалаи истифодаи механизмҳои нави маблағгузорӣ барои татбиқи лоиҳаҳои афзалиятноки Тоҷикистон дар Бангкок баррасӣ шуд
РУШДИ ИҚТИСОДИ МИЛЛӢ. Дар нуҳ моҳи соли 2026 8,3 фоиз таъмин гардид
Олимони тоҷик парвариши гандуми тирамоҳӣ ва пахтаро дар шароити тағйирёбии иқлим баррасӣ намуданд
Ҷалби сармоя барои татбиқи лоиҳаҳои афзалиятноки Тоҷикистон дар Бангкок баррасӣ гардид
«СОҲИБКОРИИ ЗАНОН: ИМКОНИЯТҲО, НАВОВАРӢ ВА РУШДИ УСТУВОР».Таҳти ин унвон ҳамоиш баргузор шуд
Дар мавзуи дастгирии соҳибкорӣ дар 35 соли Истиқлоли давлатӣ ҳамоиш баргузор шуд
Дар Рим имкониятҳои содиротии маҳсулоти кишоварзии Тоҷикистон муаррифӣ гардиданд
