Ҳайати вакилони Тоҷикистон дар Муколамаи дуюми минтақавии парламентӣ оид ба рушди технологияҳои «сабз» иштирок намуд
ДУШАНБЕ, 14.10.2025 /АМИТ «Ховар»/. Ҳайати вакилони Маҷлиси намояндагони Маҷлиси Олии Ҷумҳурии Тоҷикистон дар Муколамаи дуюми минтақавии парламентӣ оид ба иқтисодиёти давравӣ ва истеъмолу истеҳсоли устувор, ки аз ҷониби барномаи SWITCH-Asia Иттиҳоди Аврупо дар ҳамкорӣ бо Маркази минтақавии муҳити зисти Осиёи Марказӣ (CAREC) дар шаҳри Алматои Қазоқистон идома дорад, иштирок ва суханронӣ намуд. Дар ин хусус ба АМИТ «Ховар» аз Маҷлиси намояндагон хабар доданд.
Дар муколама вакилони парламентҳо, намояндагони вазоратҳо, доираҳои тиҷорат ва ташкилоти байналмилалӣ аз кишварҳои Қазоқистон, Қирғизистон, Тоҷикистон, Туркманистон ва Узбекистон ҷамъ омаданд.
Дар ҳамоиш намояндагони Ассотсиатсияи миллии соҳибкории хурду миёнаи Ҷумҳурии Тоҷикистон ва ширкати «Тоҷиксемент» низ иштирок карда, ташаббуси мамлакатро дар рушди ҳамкорӣ байни сохторҳои давлатӣ ва бахши хусусӣ барои тарғиби иқтисодиёти «сабз» ва давравӣ баён менамоянд.
Ҳадафи асосии муколама таҳкими ҳамкории минтақавӣ ва иштироки парламентӣ дар пешбурди асосҳои иқтисодиёти давравӣ ҳамчун воситаи калидии рушди устувор мебошад.
Раиси Комиссияи экологии Маҷлиси намояндагон Ориф Амирзода изҳор намуд, ки гузариш ба иқтисодиёти давравӣ на танҳо ташаббуси экологӣ, балки самти нави иқтисодӣ буда, барои навоварӣ, шуғли аҳолӣ ва рушди устувор имконият фароҳам меорад.
«Бо супориши Президенти Ҷумҳурии Тоҷикистон муҳтарам Эмомалӣ Раҳмон дар мамлакат «Стратегияи миллии идоракунии партовҳо то соли 2035» ва «Барномаи рушди миёнамуҳлати солҳои 2026–2030» таҳия карда мешавад, ки унсурҳои иқтисодиёти давравӣ — истеҳсолу истеъмоли устувор, бозистифодаи захираҳо ва рушди технологияҳои «сабз»-ро дар бар мегиранд»,-гуфт вакил.
Зимни мулоқот вакилони парламентҳои кишварҳои аъзои Осиёи Марказӣ пешрафтҳои миллӣ дар самти иқтисодиёти давравиро баррасӣ намуда, мубодилаи таҷрибаи қонунгузориро зарур шумориданд.
АКС: Маҷлиси намояндагони Маҷлиси Олии Ҷумҳурии Тоҷикистон
Дар Маҷлиси намояндагон оид ба аҳаммияти гузариш ба низоми дувоздаҳсолаи таълим ҳамоиш доир гардид
Дар иҷлосияи дуюми Маҷлиси намояндагони Маҷлиси Олӣ, даъвати ҳафтум ду созишнома ба тасвиб расид
Дар Маҷлиси намояндагон бахшида ба Рӯзи Қувваҳои Мусаллаҳ ҳамоиши идона доир шуд
Вакили Маҷлиси намояндагони Тоҷикистон дар ҷаласаҳои муштараки зимистонаи Ассамблеяи парлумонии САҲА иштирок намуд
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон баргузор гардид
Дар Маҷлиси намояндагон муҳокимаи парламентӣ баргузор гардид
ИЛМУ МАОРИФ БА ОЯНДАИ БОСАОДАТИ ДАВЛАТУ МИЛЛАТ ТАВЪАМ АСТ. Андешаҳо дар ҳошияи Паёми Президенти Тоҷикистон ба Маҷлиси Олӣ
Намояндагони Тоҷикистон дар ҷаласаи кумитаҳои парлумонии СААД иштирок намуданд
Дар ҷаласаи навбатии Маҷлиси намояндагон ба Қонуни Ҷумҳурии Тоҷикистон «Дар бораи маориф» тағйиру иловаҳо ворид карда шуд
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Вакилони Маҷлиси намояндагон барои иштирок дар барномаи табодули байнипарлумонӣ ба Амрико сафар намуданд
Иҷлосияи панҷуми Маҷлиси миллии Маҷлиси Олии Ҷумҳурии Тоҷикистон, даъвати ҳафтум баргузор гардид
