Ҷаласа доир ба таъсиси Шурои миллии ҳамоҳангсозӣ оид ба Чаҳорчӯбаи васеъшудаи шаффофият баргузор гардид
ДУШАНБЕ, 04.10.2025 /АМИТ «Ховар»/. 2-3 октябр дар Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон бо иштироки намояндагони вазорату идораҳои ҷумҳурӣ ҷаласаи машваратии миллӣ оид ба таъсиси Шурои миллии ҳамоҳангсозӣ оид ба Чаҳорчӯбаи васеъшудаи шаффофият дар доираи Созишномаи Париж баргузор гардид. Дар ин хусус ба АМИТ «Ховар» аз Агентии обуҳавошиносии ҷумҳурӣ хабар доданд.
Зимни ҷаласа масъалаи таъсиси Шурои миллии ҳамоҳангсозӣ оид ба Чаҳорчӯбаи васеъшудаи шаффофият, интихоби раис, котиби Шуро аз ҳисоби намояндагони вазорату идораҳои дахлдори ҷумҳурӣ ва тасдиқи Низомномаи Шуро баррасӣ гардид.
Ҷумҳурии Тоҷикистон ҳамчун мамлакати аз ҷиҳати иқлимӣ осебпазир ба мушкилоти зиёд, аз ҷумла тағйирёбии реҷаи обшиносӣ, обшавии пиряхҳо, афзоиши хатари зуҳуроти табиӣ рӯ ба рӯ аст. Аз ин рӯ, таъсиси чунин Шуро ба ҳайси сохтори миллии ҳамоҳангсоз муҳим арзёбӣ мегардад.
Шуро ба ҳайси платформаи миллии ҳамоҳангсозӣ имкон медиҳад, ки равишҳо ва нақшҳои дастурӣ дар самти тағйирёбии иқлим мувофиқа карда шаванд, иқтидори миллӣ таҳким ёбад ва ҳамкорӣ байни вазорату идораҳо мустаҳкам гардад.
Ин раванд имкон медиҳад, ки мамлакат уҳдадориҳои худро тибқи Созишномаи Париж ва дигар ҳуҷҷатҳои байналмилалӣ самаранок ва сари вақт иҷро намояд.
АКС: Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон
Ваколатдор оид ба ҳуқуқи инсон дар вохӯрии машваратии ниҳодҳои миллии ҳуқуқи инсони давлатҳои аъзои СҲШ иштирок намуд
Дар Душанбе даври сеюми Форуми марказҳои таҳлилии «Осиёи Марказӣ ва Ҷумҳурии Корея» баргузор гардид
Дар соҳили Сирдарёи шаҳри Хуҷанд шиногоҳи нав ба истифода дода шуд
«ВАҲДАТИ МИЛЛӢ — АСОСИ ШУКУФОИИ ВАТАН». Таҳти ин унвон конференсияи ҷумҳуриявӣ баргузор шуд
Ҷавонони Тоҷикистон дар Форуми 6-уми «Сарварони ҷавони эҷодкори Осиёи Марказӣ ва Русия» иштирок менамоянд
РӮЗИ ХИЗМАТЧИИ ДАВЛАТӢ. Дар Тоҷикистон ташкили ин ниҳод яке аз дастовардҳои давраи соҳибистиқлолӣ мебошад
Байни Тоҷикистон ва Қирғизистон Ёддошти тафоҳум оид ба ҳамкорӣ дар соҳаи ҳуқуқи инсон ба имзо расид
Форуми ҷумҳуриявии «Маърифати ҳуқуқӣ — омили рушди давлати ҳуқуқбунёд» доир мегардад
Душанбе мизбони Форуми марказҳои таҳлилии «Осиёи Марказӣ ва Ҷумҳурии Корея» мегардад
Дар Тоҷикистон дар даҳ сол як маротиба барӯйхатгирии аҳолӣ ва фонди манзил гузаронида мешавад
Дар Ховалинг соҳибкорон аз хонаводаҳои Каримовҳо ва Одинаевҳо барои ятимону маъюбон осоишгоҳ сохтанд
Барои гирифтор нашудани кӯдакон ба бемории дарунравӣ чӣ бояд кард?
