Ба гиромидошти Рӯзи Мавлоно дар Донишгоҳи байналмилалии сайёҳӣ ва соҳибкории Тоҷикистон ҳамоиши илмӣ-фарҳангӣ доир шуд
ДУШАНБЕ, 01.10.2025 /АМИТ «Ховар»/. Мавлоно на танҳо шоир ва мутафаккири замони худ буд, балки ӯ бо андешаҳои оламшумул инсонро ба сӯи худшиносӣ ва маърифати ҳақиқӣ ҳидоят менамояд. Чунин таъкид гардид дар хамоиши илмӣ-фарҳангие, ки имрӯз дар Донишгоҳи байналмилалии сайёҳӣ ва соҳибкории Тоҷикистон ба бузургдошти Рӯзи Мавлоно Ҷалолуддини Балхӣ баргузор гардид. Дар ин хусус ба АМИТ «Ховар» аз Донишгоҳи байналмилалии сайёҳӣ ва соҳибкории Тоҷикистон иттилоъ доданд.
Дар ҳамоиши илмӣ-фарҳангӣ доир ба шахсият, осор ва таълимоти ин орифи бузурги Шарқ сухан гуфта шуд. Мавлоно Ҷалолуддини Балхӣ бо асарҳои безаволи худ, аз ҷумла «Маснавии маънавӣ», «Девони Кабир» ва «Фиҳӣ мо фиҳӣ» на танҳо адабиёти тоҷик, балки фарҳанги умумибашариро низ ғанӣ гардонидааст.
Муовини ректор оид ба илм ва инноватсияи донишгоҳ Исломбек Зоирзода иброз дошт, ки «Мавлоно Ҷалолуддини Балхӣ бо андешаҳои сулҳпарварона, инсондӯстона ва маърифатпарваронаи худ имрӯз низ барои ҷомеаи ҷаҳонӣ намунаи ибрат аст. Ӯ бо шеърҳои оламшумул ва андешаҳои ирфонӣ тавонист мардумро ба муҳаббат, ваҳдат ва хизмат ба инсон роҳнамоӣ кунад».
Иштирокдорони ҳамоиши илмӣ-фарҳангӣ иброз намуданд, ки осори Мавлоно бо мафҳуми умумибашарии худ имрӯз ҳам аҳамияти бузург дошта, барои ҷомеаи муосир ҳамчун манбаи ҳикмату маърифат хизмат мекунад. Андешаҳои инсонпарваронаи Мавлоно барои тарбияи маънавии насли ҷавон ва таҳкими ваҳдату ҳамбастагӣ дар ҷомеа нақши калидӣ доранд. Мавлоно инсониятро ба муҳаббат, ростӣ ва эҳтироми якдигар даъват менамояд, ки ин арзишҳо имрӯз беш аз ҳар вақти дигар муҳим мебошанд.
Дар ҳамоиши илмӣ-фарҳангӣ донишҷӯён ғазалиёт ва маснавиҳои Мавлоноро қироат намуда, инчунин оҳангҳои классикӣ садо доданд.
Таҷлили Рӯзи Мавлоно дар Донишгоҳи байналмилалии сайёҳӣ ва соҳибкории Тоҷикистон баёнгари таваҷҷуҳи ин боргоҳи илму маърифат ба мероси гаронбаҳои фарҳангию маънавии халқи тоҷик ва нақши он дар тарбияи маънавии ҷавонон арзёбӣ мегардад.
АКС: Донишгоҳи байналмилалии сайёҳӣ ва соҳибкории Тоҷикистон
Пешвои миллат: «Ба мо, пеш аз ҳама, мутахассис зарур аст, на ҷавоне, ки танҳо соҳиби диплом аст»
МАКТАБУ МАОРИФ — ВАСИЛАИ ҲИФЗУ ТАҲКИМИ СУЛҲУ ОРОМӢ ВА СУБОТИ СИЁСӢ. Иқтибосҳо аз суханрониҳои Пешвои миллат бахшида ба Рӯзи дониш
Эмомалӣ Раҳмон: «29 ҳазор хатмкардагони муассисаҳои таҳсилоти миёнаи умумӣ бо квотаи президентӣ ба таҳсил фаро гирифта шуданд»
Суханронии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба муносибати Рӯзи дониш ва Дарси сулҳ дар муассисаи таҳсилоти миёнаи умумии №105-и шаҳри Душанбе
Пешвои миллат Эмомалӣ Раҳмон дар шаҳри Душанбе муассисаи таҳсилоти миёнаи умумии рақами 105-ро ифтитоҳ намуданд
ИСТИҚЛОЛИЯТ ВА РУШДИ МАОРИФ. Давоми 35 соли соҳибистиқлолӣ модели муосири мактаби миллӣ ташаккул ёфт
ИСТИҚЛОЛИЯТ ВА РУШДИ МАОРИФ. Давоми панҷ соли охир маоши омӯзгорон 135 фоиз зиёд гардид
31 август дар тамоми муассисаҳои таълимии Тоҷикистон Рӯзи дониш бо Дарси сулҳ оғоз меёбад
Дар ноҳияи Синои пойтахт Муассисаи таҳсилоти томактабии хусусии «Нури миллат» ба истифода дода шуд
Покистон тасмим гирифтааст, ки ҳамкориро бо Тоҷикистон дар соҳаи сайёҳӣ густариш диҳад
ИСТИҚЛОЛИЯТ ВА РУШДИ МАОРИФ. Давоми 35 сол дар Тоҷикистон шумораи омӯзгорон беш аз 41 ҳазор зиёд гардид
Маркази миллии тестӣ: «Бақайдгирии довталабон барои иштирок дар даври сеюми имтиҳонҳои марказонидаи дохилшавӣ оғоз гардид»
