Дар Ашқобод дурнамои рушди муносибатҳои Тоҷикистону Туркманистон дар соҳаи фарҳанг баррасӣ гардид
ДУШАНБЕ, 02.10.2025 /АМИТ «Ховар»/. 2 октябр Сафири Фавқулода ва Мухтори Ҷумҳурии Тоҷикистон дар Туркманистон Вафо Ниятбекзода бо Роҳбари Китобхонаи давлатии Маркази давлатии фарҳангии Туркманистон Лачин Нурмухаммедова мулоқот намуд.
Тавре ба АМИТ «Ховар» аз Сафорати Тоҷикистон дар Туркманистон хабар доданд, зимни мулоқот ҷонибҳо ҳолати кунунӣ ва дурнамои рушди муносибатҳои Тоҷикистону Туркманистонро дар соҳаҳои фарҳангӣ-гуманитарӣ, хусусан дар самти табъу нашр ва китобдорӣ баррасӣ карда, оид ба имконият ва роҳҳои боз ҳам тақвият бахшидани додугирифти мутақобил ибрози андеша намуданд.
Аз ҷониби Сафорати Тоҷикистон ба Китобхонаи давлатии Туркманистон якчанд китоб оид ба Тоҷикистон ва нақши Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар таҳкими давлатдории навини тоҷикон тақдим карда шуд.
АКС: Сафорати Тоҷикистон дар Туркманистон
«ЧОДАРИ ХАЁЛ». Дар Душанбе Ҷашнвораи ҳаштуми байналмилалии театрҳои лӯхтак баргузор мегардад
Имрӯз дар ноҳияҳои кӯҳии Тоҷикистон ҳаво то 29 дараҷа гарм мешавад
ФАРДОИ ТОҶИКИСТОН ИМРӮЗ ДАР МАКТАБ АСТ. Андешаҳо дар ҳошияи суханронии Президенти Ҷумҳурии Тоҷикистон дар Рӯзи дониш
DEEPFAKE ҲАМЧУН ТАҲДИДИ НАВИ АМНИЯТИ ИТТИЛООТӢ. Назари мутахассис дар ин мавзуъ
«МЕГАФОН ТОҶИКИСТОН»: Ду роҳи ҳал барои истифодабарандагони интернет
АМНИЯТИ ЗЕҲНИ СУНЪӢ ВА ДУРНАМОИ РУШДИ ОН ДАР ТОҶИКИСТОН. Мутахассис ин мавзуъро шарҳ медиҳад
