Дар Донишгоҳи технологии Тоҷикистон бахшида ба Рӯзи Мавлоно конференсияи илмӣ-амалӣ доир шуд
ДУШАНБЕ, 01.10.2025. /АМИТ «Ховар»/. Дар Донишгоҳи технологии Тоҷикистон таҳти унвони «Нақши Мавлоно Ҷалолуддини Балхӣ дар рушди адабиёти тоҷик» конференсияи илмӣ-амалӣ баргузор гардид. Дар ин хусус ба АМИТ «Ховар» аз ин донишгоҳ хабар доданд.
Зимни конфронс иброз гардид, ки осори гаронбаҳои Мавлоно, аз ҷумла «Маснавии маънавӣ» ҳамчун ганҷи бебаҳо садсолаҳо боз ҷомеаи башариро ба сӯи маърифат, худшиносӣ ва ваҳдати маънавӣ раҳнамоӣ менамояд.
Пешвои миллат муҳтарам Эмомалӣ Раҳмон борҳо таъкид намудаанд, ки омӯзиш ва ҳифзи мероси гаронбаҳои адибону орифони гузашта вазифаи муқаддаси ҳар фарди ҷомеа мебошад. Зеро маҳз тавассути ин мерос мо метавонем пояҳои маънавӣ ва фарҳангии давлатдории миллиро таҳким бахшем.
«Мавлоно бо андешаҳои ирфонӣ ва шеърияти баланд дар адабиёти тоҷик роҳи нав кушодааст. Осори Мавлоно то имрӯз илҳомбахши муҳаққиқону донишмандон буда, ҳамчун дастури маънавӣ барои ҷомеа хизмат менамояд»,-баён гардид дар конфронс.
Ёдовар мешавем, ки чунин ҳамоишҳо бо мақсади таҳкими худшиносӣ, омӯзиши мероси ғании гузаштагон ва арҷгузорӣ ба шахсиятҳои фарҳанги ҷаҳонӣ баргузор гардида, дар баланд бардоштани маърифати ҷавонон ва эҳёи суннатҳои арзишманди илму адаб нақши муҳим мегузоранд.
АКС: Донишгоҳи технологии Тоҷикистон
Имрӯз даври асосии имтиҳонҳои марказонидаи дохилшавӣ ба муассисаҳои таълимии таҳсилоти миёнаи касбӣ ва олии касбӣ оғоз гардид
Доир ба ташаббуси навбатии ҷаҳонии Тоҷикистон конфронси илмӣ-назариявӣ баргузор шуд
Дар Донишгоҳи байналмилалии забонҳои хориҷии Тоҷикистон бахшида ба Даҳсолаи байналмилалӣ оид ба таҳкими сулҳ ҳамоиши илмӣ баргузор шуд
Ректори Донишгоҳи давлатии Кӯлоб: «Фарҳанги сулҳ пурарзиштарин неъмат ва беҳтарин дастоварди халқи тоҷик мебошад»
Дар Донишгоҳи миллӣ аз саҳми намоёни Тоҷикистон дар густариши сулҳи ҷаҳонӣ ёдовар шуданд
ПЕШВОИ ВАҲДАТОФАРУ СУЛҲПАРВАР — ИҚБОЛИ БАЛАНДИ МИЛЛАТ. Андешаҳои ректори Донишгоҳи давлатии Бохтар дар ин хусус
МАСЛИҲАТ БА ДОВТАЛАБ. Дар рӯзи имтиҳонҳои дохилшавӣ чӣ бояд кард?
Ваҳдати миллӣ шарти асосии ҳифз, таҳким ва пойдории истиқлолият гардид
Аз 1 июл даври асосии имтиҳонҳои марказонидаи дохилшавӣ ба муассисаҳои миёна ва олии касбӣ оғоз мегардад
ЭМОМАЛӢ РАҲМОН – ПЕШВОИ ВАҲДАТОФАР! Ба қадри неъмати бебаҳо – Ваҳдати миллӣ бирасем
Дар Донишгоҳи байналмилалии сайёҳӣ ва соҳибкории Тоҷикистон неругоҳи офтобӣ бо иқтидори 150 кВт ба истифода дода шуд
Дар Донишгоҳи давлатии Кӯлоб оид ба нақши Ваҳдати миллӣ дар ташаккули ҷомеаи шаҳрвандӣ ҳамоиш баргузор шуд
