Дар Душанбе масъалаи татбиқи хизматрасонии давлатии мақомоти андоз дар шакли электронӣ баррасӣ шуд
ДУШАНБЕ, 24.10.2025 /АМИТ «Ховар»/. 23 октябр дар Вазорати рушди иқтисод ва савдои Тоҷикистон машғулияти омӯзишӣ оид ба муқаррароти Кодекси андоз, рақамикунонии соҳа ва татбиқи хизматрасониҳои давлатии мақомоти андоз дар шакли электронӣ бо иштироки намояндагони вазорат ва Кумитаи андоз баргузор гардид. Дар ин хусус ба АМИТ «Ховар» аз Вазорати рушди иқтисод ва савдои ҷумҳурӣ хабар доданд.
Дар машғулият иброз гардид, ки ташаккул додани маърифати молиявии шаҳрвандон ва баланд бардоштани фарҳанги андозсупорӣ ҳамчун яке аз омилҳои асосии татбиқи самараноки сиёсати андозу буҷет, аз ҷумла дар масъалаи гузариш ба низоми пардохтҳои ғайринақдӣ барои ноил гардидан ба устувории молиявии давлат ва рушди иқтисодӣ нақши муҳим дорад.
Муовини Вазири рушди иқтисод ва савдо Фарҳод Восидиён баргузор намудани ин машғулиятро саривақтӣ дониста, изҳор дошт, ки он ба татбиқ намудани Фармони Президенти Ҷумҳурии Тоҷикистон «Дар бораи «Солҳои рушди иқтисоди рақамӣ ва инноватсия» эълон намудани солҳои 2025-2030» мусоидат мекунад.
Муовини раиси Кумитаи андози Тоҷикистон Нарзулло Маликзода дар бораи дастовардҳо ва самтҳои афзалиятноки рушди низоми андозбандӣ, махсусан дар заминаи рақамикунонии хизматрасониҳо сухан гуфт.
Ҳамзамон рӯнамои муфассал оид ба механизмҳои татбиқи Кодекси андоз, бартариҳои системаи электронии пардохт ва пешниҳоди ҳисобот, ҳамчунин нақши рақамикунонӣ дар беҳтарсозии муносибатҳо байни давлат ва андозсупорандагон пешниҳод гардид.
АКС: Вазорати рушди иқтисод ва савдои Ҷумҳурии Тоҷикистон
Президенти Тоҷикистон: «Дар 25 соли охир ба рушди иқтисоди мамлакат 760 миллиард сомонӣ сармоя равона гардидааст»
Дар хиёбони Саъдии Шерозии шаҳри Душанбе сохтмони як гузаргоҳ ва як пули мошингард оғоз меёбад
Султон Раҳимзода: «Тоҷикистон ба марҳилаи нави рушди шарикии давлат ва бахши хусусӣ ворид мешавад»
Дар Душанбе ғолибони Озмуни ҷумҳуриявии «Соҳибкори сол – 2026» бо ҷоизаҳо қадрдонӣ карда шуданд
Густариши фаъолияти Корпоратсияи байналмилалии молиявӣ дар Тоҷикистон баррасӣ гардид
Дар Ҷумҳурии Тоҷикистон шумораи соҳибкорзанони фаъол ба 110 ҳазор нафар расид
«Саноатсодиротбонк» дар номинатсияи «Беҳтарин соҳибкор дар соҳаи бонкдорӣ» ғолиб гардид
Маҷмуи маҳсулоти дохилии Вилояти Мухтори Кӯҳистони Бадахшон дар нуҳ моҳ ба 1,5 миллиард сомонӣ расонида шуд
Дар шаҳри Бангкок густариши ҳамкории Тоҷикистон бо Хазинаи байналмилалии асъор баррасӣ гардид
Дар Форуми ҷаҳонии озуқаворӣ имконоти соҳаи кишоварзии Тоҷикистон муаррифӣ гардид
MADE IN TAJIKISTAN. Дар доираи Форуми соҳибкории «Тоҷикистон, ба пеш!» маҳсулоти истеҳсоли ватанӣ муаррифӣ гардид
14 ОКТЯБР–РӮЗИ СОҲИБКОРОН. Соҳибкорон неруи бузургу пешбарандаи иқтисодиёти Тоҷикистон мебошанд
