Дар милитсияи пойтахт Рӯзи забони давлатӣ ва Рӯзи касбии кормандони оперативиро таҷлил намуданд
ДУШАНБЕ, 04.10.2025. /АМИТ «Ховар»/. Имрӯз дар Раёсати Вазорати корҳои дохилӣ дар шаҳри Душанбе ба ифтихори Рӯзи забони давлатӣ ва Рӯзи касбии кормандони оперативӣ чорабинии тантанавӣ баргузор гардид.
Дар ин ҳамоиш сардори Раёсати Вазорати корҳои дохилӣ дар шаҳри Душанбе Шоҳрух Саидзода, мудири шуъбаи дин ва танзими ҷашну маросими Мақомоти иҷроияи ҳокимияти давлатии шаҳри Душанбе Абдуалим Аҳтамзода ва ҳайати шахсии милитсияи пойтахт иштирок намуданд.
Зимни баргузории чорабинӣ иштирокдорон доир ба эҳтиром ва бузургдошти забони давлатӣ сухан гуфтанд. Таъкид карда шуд, ки маҳз забон дар тӯли таърих нигоҳдорандаи арзишҳои миллию фарҳангӣ ба шумор меравад.
Дар идома доир ба фаъолияти кормандони оперативии милитсия ва саҳми онҳо дар ошкор ва пешгирии ҷинояткорӣ, таъмини волоияти қонун ва ҳифзи ҳуқуқҳои шаҳрвандон андешаронӣ карда шуд.
Ҳамзамон дар доираи озмуни «Беҳтарин корманди оперативӣ» ва бо назардошти натиҷаҳои назарраси корӣ як зумра кормандони сохторҳои оперативии милитсияи пойтахт бо туҳфаҳои арзишманд қадрдонӣ карда шуданд.
АКС: Раёсати Вазорати корҳои дохилӣ дар шаҳри Душанбе
Имрӯз дар якчанд идора нишасти матбуотӣ баргузор мегардад
ДАР МАСИРИ ИЛМУ МАЪРИФАТ. Эҳдо ба рӯзи таъсисёбии Коллеҷи омори шаҳри Ваҳдат
Имрӯз дар доманакӯҳҳои Тоҷикистон ҳаво то 37 дараҷа гарм мешавад
НИШАСТИ МАТБУОТӢ. Дар корхонаҳои саноатии ноҳияи Шоҳмансур ба маблағи беш аз 600 миллион сомонӣ маҳсулот истеҳсол шудааст
Имрӯз дар шаҳри Душанбе ҳаво то 40 дараҷа гарм мешавад
Имрӯз дар водиҳои Тоҷикистон ҳаво то 42 дараҷа гарм мешавад
