Дар ноҳияи Бобоҷон Ғафуров вобаста ба таъмини бехатарии радиатсонӣ машварат баргузор шуд
ДУШАНБЕ, 23.10.2025 /АМИТ «Ховар»/. 22 октябр бо ташаббуси Агентии амнияти химиявӣ, биологӣ, радиатсионӣ ва ядроии Академияи миллии илмҳои Тоҷикистон дар ноҳияи Бобоҷон Ғафурови вилояти Суғд дар мавзуи «Огоҳонидани аҳолӣ дар бораи чораҳои бехатарии радиатсонӣ» машварат баргузор гардид.
Тавре ба АМИТ «Ховар» аз ин Агентӣ хабар доданд, ҳадафи ҳамоиш аз баланд бардоштани огоҳии ҷомеа дар бораи хатарҳои эҳтимолии марбут ба мавзеъҳои мероси уран дар минтақа, шарҳ додани чораҳои ҳифзи саломатӣ ва муҳити зист иборат буд. Коршиносон дар баробари пешниҳоди маълумоти муҳим ҳамчунин доир ба асосҳои бехатарии радиатсионӣ, мониторинги радиатсионӣ, қоидаҳои рафтор дар минтақаҳои хавфнок, истифодаи таҷҳизоти муҳофизатии инфиродӣ ва аҳамияти мунтазами муоинаи тиббӣ ҷаласаҳои интерактивӣ баргузор намуданд.
Таваҷҷуҳи хосса ба партовгоҳҳои уран дар ноҳияи Бобоҷон Ғафуров дода шуд, ки дар он ҷо миқдори зиёди партовҳо боқӣ мондааст. Иштирокчиён барои кам кардани таъсири радиатсионӣ дар ҳаёти ҳаррӯза, аз ҷумла истифодаи бехатари заминҳои кишоварзӣ ва манбаъҳои об тавсияҳои амалӣ гирифтанд.
Машварат бо муҳокимаи масъалаҳои муҳим байни иштирокчиён ва коршиносони амнияти радиатсионӣ анҷом ёфт.
АКС: Агентии амнияти химиявӣ, биологӣ, радиатсионӣ ва ядроии Академияи миллии илмҳои Тоҷикистон
Имрӯз дар шаҳри Душанбе ҳавои тағйирёбанда пешгӯӣ мешавад
Дар қаламрави Тоҷикистон заминларза ба амал омад
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
