Дар Тоҷикистон шумораи аҳолии аз 100-сола боло 415 нафарро ташкил медиҳад
ДУШАНБЕ, 01.10.2025. /АМИТ «Ховар»/. Дар Тоҷикистон то моҳи июли соли 2025 шумораи аҳолии аз 100-сола боло 415 нафарро ташкил медиҳад. Дар ин хусус ба АМИТ «Ховар» сардори Раёсати назорати нафақаи Агентии суғуртаи иҷтимоӣ ва нафақаи назди Ҳукумати Ҷумҳурии Тоҷикистон Қудратулло Саъдулло иттилоъ дод.
Дар Тоҷикистон дарозумртарин нафарон сокини ноҳияи Дарвоз Марзиямоҳ Ибодоваи 120-сола (соли таваллудаш 1905) ва сокини ноҳияи Данғара Гулракат Назароваи 117-сола (соли таваллудаш 1908) мебошанд.
Тибқи маълумоти оморӣ, ба ҳолати 1 январи соли 2025 дар Тоҷикистон 306 шаҳрванди аз 100-сола боло умр ба сар мебаранд, ки аз ин 169 нафар мард ва 137 нафар зан мебошанд.
Ҳамчунин дар ин давра дарозумрии миёнаи аҳолӣ ба 76,6 сол расидааст.
Дарозумрии миёнаи аҳолӣ дар Тоҷикистон нисбат ба даҳсолаҳои қаблӣ боло рафтааст, ки инро масъулин ба беҳбуди шароити зиндагӣ, таъмини иҷтимоӣ ва хизматрасонии тиббӣ барои куҳансолон рабт медиҳанд.
Тибқи пажӯҳишҳои Созмони Милали Муттаҳид, сабабҳои зиёд шудани умри инсон рушди иқтисодӣ, кам шудани фавти кӯдакон, кам шудани фавт дар байни аҳолии қобили меҳнат, коҳиш ёфтани истеъмоли машрубот ва тамоку, «инқилоби дилу рагҳо» (муборизаи муваффақона бар зидди бемориҳои дил ва рагҳои хунгард, аз ҷумла инсулт); кам гаштани шумораи куштор ва худкушӣ мебошанд.
Ҳукумати Тоҷикистон бо мақсади боз ҳам беҳтар намудани хизматрасонии тиббӣ ба аҳолӣ тадбирҳои судманд меандешад. Дар айни замон дар мамлакат «Стратегияи ҳифзи солимии аҳолии Ҷумҳурии Тоҷикистон барои давраи то соли 2030» мавриди амал қарор дорад.
АКС: АМИТ «Ховар»
Татбиқи лоиҳаи «Барқарорсозии зерсистемаи системаи ВМК-и канали Қумсангир» ба 95 фоиз расид
ЗИМИСТОНГУЗАРОНӢ. Дар Сангвор ситоди ноҳиявӣ оид ба омодагии пурра ба фаслҳои тирамоҳу зимистон таъсис ёфтааст
Дар Москва конгресси 5-уми миллӣ дар соҳаи тиб доир гардид
Дар Ҳисор бахшида ба 32-солагии қабули Конститутсияи Ҷумҳурии Тоҷикистон конференсия доир шуд
Оид ба Конститутсия ва ҷойгоҳи он дар танзими муносибатҳои идоракунии давлатӣ ҳамоиши ҷумҳуриявӣ доир шуд
«КОНСТИТУТСИЯ-КАФИЛИ АДОЛАТИ СУДӢ». Дар Суди Олии иқтисодии Тоҷикистон ҳамоиш доир гардид
Муассисаи «Шабакаи гармидиҳии шаҳри Душанбе»: «Муштариён метавонанд барои ҳалли мушкилот ба рақами кӯтоҳи 14-44 занг зананд»
Доир ба саҳми академик Муҳаммадҷони Шакурӣ дар рушди илму адаб конференсияи илмӣ баргузор шуд
«КОНСТИТУТСИЯ–ПОЙДОРИИ ДАВЛАТИ ҲУҚУҚБУНЁД». Таҳти чунин унвон конференсияи ҷумҳуриявӣ доир гардид
Роҳҳои баланд бардоштани ҳосилнокии зироатро дар шаҳри Кӯлоб баррасӣ намуданд
Дар мавзуи «Конститутсия ва таъмини ҳуқуқ ба озодии эътиқод» конференсияи ҷумҳуриявӣ доир шуд
Дар ҷаласаи Шурои ҷамъиятии Ҷумҳурии Тоҷикистон механизмҳои нави ҳимояи ҳуқуқи муҳоҷирони меҳнатӣ баррасӣ гардид
