Донишгоҳи байналмилалии сайёҳӣ ва соҳибкории Тоҷикистон ҳамкориро бо Донишгоҳи давлатии Кутаиси тақвият медиҳад
ДУШАНБЕ, 01.10.2025 /АМИТ «Ховар»/. Донишгоҳи байналмилалии сайёҳӣ ва соҳибкории Тоҷикистон ҳамкориро бо Донишгоҳи давлатии Кутаиси ба номи Акакия Серетелии Гурҷистон тақвият медиҳад, иттилоъ медиҳад АМИТ «Ховар» бо истинод ба ин донишгоҳ.
Дар ин замина дар шаҳри Душанбе мулоқоти Ректори Донишгоҳи байналмилалии сайёҳӣ ва соҳибкории Тоҷикистон Убайдулло Асрорзода бо ректори Донишгоҳи давлатии Кутаиси Шалва Киртадзе баргузор гардид.
Зимни мулоқот ҷонибҳо масъалаҳои марбут ба рушди ҳамкории илмӣ-таҳқиқотӣ, барномаҳои таълимӣ, омодасозии мутахассисони соҳаҳои сайёҳӣ, соҳибкорӣ, ҳамчунин ба роҳ мондани барномаҳои мубодилаи устодон ва донишҷӯёнро баррасӣ намуданд.
Убайдулло Асрорзода таъкид кард, ки робитаҳои илмӣ ва таълимӣ бо донишгоҳҳои бонуфузи хориҷӣ барои тақвияти зарфияти таълимӣ ва илмии донишгоҳ, таҳкими нуфузи байналмилалӣ ва омодасозии мутахассисони рақобатпазир аҳамияти калон доранд.
Шалва Киртадзе омодагии Донишгоҳи давлатии Кутаисиро барои ба роҳ мондани ҳамкории муштарак дар самти омӯзиш, таҳқиқот, ташкили семинару конфронсҳои байналмилалӣ ва табодули академии донишҷӯён иброз намуд.
Дар фарҷоми мулоқот ҷонибҳо барои имзои Ёддошти тафоҳум оид ба ҳамкории дуҷониба изҳори омодагӣ намуданд. Ин ёддошт барои рушди муносибатҳои академӣ ва илмии ҳарду донишгоҳ заминаи устувор мегардад.
АКС: Донишгоҳи байналмилалии сайёҳӣ ва соҳибкории Тоҷикистон
ИДИ ТИРГОН — БРЕНДИ САЙЁҲИИ ФАРҲАНГИИ ТОҶИКИСТОН. Андешаҳо дар ин мавзуъ
Дастовардҳои Тоҷикистон дар рушди сайёҳии экологӣ дар Боку муаррифӣ гардид
Сарвари давлат Эмомалӣ Раҳмон дар ноҳияи Ховалинг Деҳкадаи сайёҳиро ифтитоҳ намуданд
Бо мақсади муаррифии бештари имконияти сайёҳии шаҳри Душанбе лоиҳаи инноватсионии «QR-роҳнамо» таҳия гардид
Ҷаласаи Шурои ҳамоҳангсозии фаъолият дар соҳаи сайёҳӣ баргузор гардид
Рушди ҳамкории дуҷонибаи Тоҷикистону Арабистони Саудӣ дар соҳаи сайёҳӣ баррасӣ шуд
Таваҷҷуҳи сайёҳон ба Тоҷикистон зиёдтар шудааст
САЁҲАТРО АЗ ВАТАН ОҒОЗ МЕНАМОЕМ! Кадом мавзеъҳои истироҳатии вилояти Суғдро бояд интихоб намуд?
Ассотсиатсияи миллии сайёҳии Тоҷикистон таъсис дода шуд
Шоҳкориҳои табиии «Чилдухтарон» қалби ҳазорон нафар сайёҳони дохилию хориҷиро тасхир месозад
Бахшида ба Рӯзи Ваҳдати миллӣ дар Донишгоҳи байналмилалии сайёҳӣ ва соҳибкории Тоҷикистон ҳамоиши илмӣ баргузор шуд
Дар Хатлон беш аз 940 ёдгории таърихиву фарҳангӣ мавҷуд аст
