«ДУШАНБЕ ИНВЕСТ-2025». Аз рӯи натиҷаҳои Форуми байналмилалии сармоягузорӣ нишасти матбуотӣ доир шуд
ДУШАНБЕ, 15.10.2025. /АМИТ «Ховар»/. Раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон Султон Раҳимзода дар нишасти матбуотӣ, ки имрӯз аз рӯи натиҷаҳои баргузории Форуми байналмилалии сармоягузории «Душанбе Инвест-2025» доир шуд, иттилоъ дод, ки дар форум беш аз аз 1500 иштирокчӣ зиёда аз 50 давлати ҷаҳон иштирок намуд. Дар кори форум намояндагони ҳукуматҳо, созмонҳои байналмилалӣ, муассисаҳои молиявӣ, ширкатҳои бузург ва бахши хусусӣ иштирок доштанд.
Тавре мухбири АМИТ «Ховар» аз ҷараёни баргузории ин нишасти матбуотӣ иттилоъ медиҳад, ҳадафҳои асосии форум муаррифии захира ва имкониятҳои фарохи Тоҷикистон барои сармоягузорӣ, омодагии кишвар ба ҳамкорӣ ва фановариву ғояҳои нав, инчунин тасмими Ҳукумати кишвар ба идомаи ислоҳоту дигаргуниҳое, ки шароити мусоидро барои рушди устувор ва ташаккули шарикии дарозмуддат фароҳам меоранд, арзёбӣ гардид.
Раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон Султон Раҳимзода сипоси Ҳукумати мамлакатро ба шарикони рушд, аз ҷумла АМИТ «Ховар» барои инъикоси саривақтии раванди баргузориии чорабинӣ расонид.
Ёдовар мешавем, ки дар маросими расмии кушодашавии Форуми байналмилалии сармоягузории «Душанбе Инвест-2025» Президенти Ҷумҳурии Тоҷикистони муҳтарам Эмомалӣ Раҳмон иштирок ва суханронӣ намуданд.
Сарвари давлат зимни суханронӣ таъкид намуданд, ки Тоҷикистон омода аст, имкониятҳои сармоягузории худро дар самтҳои энергетикаи сабз, саноати коркард, рақамикунонӣ, инфрасохтор ва логистика ба шарикони байналмилалӣ пешниҳод намояд, ва иштирокчиёнро ба ҳамкории амалӣ ва татбиқи лоиҳаҳои дарозмуддат даъват карданд.
Дар нишасти матбуотӣ ҳамчунин иттилоъ дода шуд, ки дар раванди форум 3 ҷаласаҳои пленарӣ, аз ҷумла ҷаласаи махсуси пленарӣ бахшида ба имкониятҳои сармоягузории шаҳри Душанбе, 12 ҷаласаҳои панелӣ ва як қатор ҳамоишҳо баргузор гардиданд, ки мавзӯъҳои сармоягузориҳои сабз, рақамикунонӣ ва зеҳни сунъӣ, рушди шаҳрҳо, саноат, кишоварзӣ, сайёҳӣ, молия ва ҳамкории давлату бахши хусусиро дар бар гирифтанд.
Ҳамчунин, дар чорчӯби форум 21 чорабинии канорӣ баргузор шуд, ки ба самтҳои соҳибкорӣ, технологияҳои сабз, нақши занон дар иқтисодиёт, франчайзинг, бозори суғурта ва рушди минтақавӣ бахшида шуданд.
Марзия САИДЗОДА,
АМИТ «Ховар»
АКС: АМИТ «Ховар»
Корхонаи коркарди пахтаи ноҳияи Фархор баъд аз таъмир ба истифода дода шуд
РӮЗИ ҶАҲОНИИ ПАХТА. Як килограмм нахи пахта дар бозори ҷаҳонӣ ба 16 килограмм гандум баробар аст
«БАРНОМАИ РУШДИ САЙЁҲИИ ДОХИЛӢ». Дар Тоҷикистон беш аз 400 захираи сайёҳӣ, 1000 дара, 1000 кӯл ва мавзеъҳои дигари ҷолиб мавҷуд аст
Дурнамои рушди соҳаи сохтмони Тоҷикистон дар форуми байналмилалӣ дар Екатеринбург муаррифӣ гардид
Лоиҳаи «Дастрасӣ ба бозорҳо ва мутобиқшавӣ барои чорводорӣ» татбиқ мегардад
Дар Конфронси C5+1 SI дастовардҳои Тоҷикистон дар самти рушди зеҳни сунъӣ муаррифӣ шуданд
Коршиносони БОР соҳаи нақлиёт ва логистикаро яке аз муҳаррикони рушди иқтисодиёт арзёбӣ менамоянд
Байни Тоҷикистон ва палатаҳои савдою саноати кишварҳои ИДМ густариши робитаҳои тиҷоратӣ баррасӣ гардид
Барои фурӯши неруи барқ тавассути истгоҳҳои пуркунии воситаҳои нақлиёти барқӣ талаботи нав амалӣ гардид
ИСТИҚЛОЛИЯТИ ДАВЛАТӢ. То 1 октябр дар шаҳри Кӯлоб 493 иншооти истеҳсолию иҷтимоӣ ба истифода дода шудааст
Дар Минтақаи озоди иқтисодии «Кӯлоб» бинои гузаргоҳи гумрукӣ ва чоҳи амудӣ ба истифода дода шуд
Истифодаи таҷрибаи байналмилалӣ дар самти рушди ҳудудҳои табиии махсус муҳофизатшаванда баррасӣ шуд
