«ДУШАНБЕ ИНВЕСТ-2025». Барои меҳмонону иштирокдорони Форуми байналмилалии сармоягузорӣ барномаи рангини фарҳангӣ доир карда шуд
ДУШАНБЕ, 15.10.2025. /АМИТ «Ховар»/. Шоми имрӯз дар Боғи «Куруши Кабир»-и пойтахт барои меҳмонону иштирокдорони Форуми байналмилалии сармоягузории «Душанбе Инвест-2025» барномаи рангину ҷолиби консертӣ ташкил карда шуд.
Дар барномаи фарҳангӣ, ки бо ташаббуси Кумитаи давлатии сармоягузорӣ ва идораи амволи давлатии Ҷумҳурии Тоҷикистон дар ҳамкорӣ бо Мақомоти иҷроияи ҳокимияти давлатии шаҳри Душанбе ташкил гардид, сарояндагони шинохтаи Тоҷикистон ва Русия иштирок намуданд.
Ҳамчунин дар доираи барномаи фарҳангӣ ҳунарҳои дастӣ, хӯрокҳои миллӣ, урфу одатҳои мардуми тоҷик, анъанаҳои миллии тоҷикон ва ҳамзамон маҳсулоти кишоварзию саноатӣ низ ба маърази тамошо гузошта шуданд.
Бояд гуфт, ки 16 октябр дар Боғи «Куруши Кабир» бахшида ба Форуми байналмилалии сармоягузории «Душанбе Инвест-2025» бо иштироки ҳунармандони шинохтаи Тоҷикистон ва Русия барномаи консертии дигар баргузор гардид.
Ёдовар мешавем, ки аз 14 то 16 октябр шаҳри Душанбе мизбони чорабинии сатҳи баланди иқтисодӣ — Форуми байналмилалии сармоягузории «Душанбе Инвест-2025» буд. Дар форум ҳайатҳои баландпояи ҳукуматҳои давлатҳои хориҷӣ, созмонҳои бонуфузи байналмилалӣ, сармоягузорону соҳибкорон ва коршиносон иштирок намуданд.
Марзия САИДЗОДА,
АМИТ «Ховар»
АКС: АМИТ «Ховар»
Дар Минск бахшида бо Рӯзи байналмилалии бузургдошти Ҳофизи Шерозӣ ҳамоиш доир шуд
Дар даври ҷамъбастии Озмуни ҷумҳуриявии «Тоҷикистон-Ватани азизи ман» 581 довталаб иштирок менамояд
«ТОҶИ СОМОН». Меҳмонони синамоҷоизаи миллӣ бо имконоти сайёҳии Тоҷикистон шинос мегарданд
Ҷаласаи комиссияи Озмуни ҷумҳуриявии «Тоҷикистон—Ватани азизи ман» баргузор гардид
Иштирокдорони Форуми ҷавонони СҲШ аз Осорхонаи миллии Тоҷикистон дидан намуданд
Оид ба ҳифзи мероси таърихию фарҳангии тоҷикон конфронси байналмилалӣ доир шуд
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Ғолибони озмуни ҷумҳуриявӣ қадрдонӣ гардиданд
«ТОҶИ СОМОН». Дар доираи синамоҷоизаи миллӣ рӯзҳои кинои Эрон, Русия, Узбекистон ва Қирғизистон баргузор мегардад
«БАРНОМАИ РУШДИ КИТОБХОНАҲОИ ДЕҲОТ». Он фаъолияти китобхонаҳоро ба талаботи замони муосир мутобиқ менамояд
Дар ноҳияи Рӯдакӣ доир ба баланд бардоштани сатҳи огоҳии ҷавонон оид ба хатари терроризм ҳамоиш баргузор шуд
Бинои нави маъмурии Муассисаи давлатии «Мамнуъгоҳи таърихию фарҳангии Ҳисор» ба истифода дода шуд
Дар Душанбе бахшида ба Рӯзи фалак ҳамоиш доир гардид
