«ДУШАНБЕ ИНВЕСТ-2025». Шоми имрӯз дар Боғи Куруши Кабир барномаи рангини фарҳангӣ доир мешавад
ДУШАНБЕ, 15.10.2025. /АМИТ «Ховар»/. Кумитаи давлатии сармоягузорӣ ва идораи амволи давлатии Ҷумҳурии Тоҷикистон дар хамкорӣ бо Мақомоти иҷроияи ҳокимияти давлатии шаҳри Душанбе шоми имрӯз дар Боғи Куруши Кабири пойтахт барои меҳмонону иштирокдорони Форуми байналмилалии сармоягузории «Душанбе Инвест — 2025» барномаи рангину ҷолиби консертӣ ташкил менамояд. Дар ин хусус Раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон Султон Раҳимзода имрӯз зимни баргузории ҷаласаи сармоягузории Тоҷикистон иттилоъ дод.
Интизор меравад, ки дар барномаи фарҳангӣ сарояндагони шинохтаи Тоҷикистон ва инчунин Русия иштирок намоянд. Инчунин ҳунарҳои дастӣ, хӯрокҳои миллӣ, урфу одатҳои мардуми тоҷик, анъанаҳои миллии тоҷикон ва ҳамзамон маҳсулоти кишоварзию саноатӣ ба маърази тамошо гузошта мешаванд.
Ҳамзамон пагоҳ, 16 октябр дар Боғи Куруши Кабир бахшида ба Форуми байналмилалии сармоягузории “Душанбе Инвест-2025” бо иштироки ҳунармандони шинохтаи Тоҷикистон ва Русия барномаи консертӣ доир мешавад.
Бояд иброз намуд, ки аз 14 то 16 октябр шаҳри Душанбе мизбони чорабинии сатҳи баланди иқтисодӣ- Форуми байналмилалии сармоягузории “Душанбе Инвест-2025” мебошад. Дар форум ҳайатҳои баландпояи ҳукуматҳои давлатҳои хориҷӣ, созмонҳои бонуфузи байналмиллалӣ, сармоягузорону соҳибкорон ва коршиносон иштирок доранд.
Марзия САИДЗОДА,
АМИТ «Ховар»
АКС: шуъбаи иттилооти Дастгоҳи Раиси шаҳри Душанбе
Иштирокчиёни Симпозиуми байналмилалии Хутали қадим бо ҳафриёти бостоншиносӣ дар шаҳристони Ҳулбук шинос мешаванд
ИМРӮЗ — РӮЗИ ШАШМАҚОМ. Дар Суғд таҳти унвони «Ушшоқи Раҳмонӣ» фестивал–озмуни байналмилалӣ доир шуд
Имрӯз дар Бохтар Симпозиуми байналмилалии «Хутали қадим — пойгоҳи зуҳури забони тоҷикӣ-форсӣ ва тамаддуни бостонии Осиёи Марказӣ» оғоз мегардад
«Барномаи давлатии рушди адабиёти бачагона дар Ҷумҳурии Тоҷикистон барои солҳои 2026-2030» таҳия мегардад
Имрӯз дар Душанбе ғолибони Фестивал-озмуни «Як матову сад ранг» муайян мегарданд
ЁДИ ШОИР. Дар Ҳисор ба ифтихори 115-солагии Шоири халқии Тоҷикистон Мирзо Турсунзода маҳфили адабӣ доир шуд
7 МАЙ — РӮЗИ ТЕЛЕВИЗИОН, РАДИО ВА КОРМАНДОНИ СОҲАИ АЛОҚА. Рушди соҳаи иттилоот ва алоқа дар Тоҷикистон ба рақамикунонии миллӣ равона гардидааст
Масъалаи баргузории Рӯзҳои фарҳанги Покистон дар Тоҷикистон баррасӣ карда шуд
Намояндаи САҲА оид ба озодии ВАО Ян Браату: Дастрасӣ ба иттилои расмӣ дар Ҷумҳурии Тоҷикистон дар сатҳи баланд аст
«ХУТТАЛИ ҚАДИМ…». Ба муносибати 35–солагии Истиқлоли давлатии Тоҷикистон маҷмуаи илмӣ аз чоп баромад
Дар ноҳияи Рӯдакӣ таҳти унвони «Тоҷикона мепӯшем!» ҳамоиши занону духтарон баргузор гардид
