Файзалӣ Идизода бо раисони кумитаҳо, комиссияҳои мудофиа ва амнияти парламентҳои давлатҳои СААД мулоқот намуд
ДУШАНБЕ, 23.10.2025 /АМИТ «Ховар»/. Имрӯз Раиси Маҷлиси намояндагони Маҷлиси Олии Ҷумҳурии Тоҷикистон Файзалӣ Идизода бо раисони кумитаҳо, комиссияҳои мудофиа ва амнияти парламентҳои давлатҳои аъзои Созмони Аҳдномаи амнияти дастҷамъӣ, ки барои иштирок дар ҷаласаи мушовара оид ба мудофиа ва амнияти парламентҳои давлатҳои аъзои ин Созмони назди Шурои Ассамблеяи парламентии Созмони Аҳдномаи амнияти дастҷамъӣ ба шаҳри Душанбе омадаанд, мулоқот намуд.
Тавре ба АМИТ «Ховар» аз Маҷлиси намояндагон хабар доданд, зимни вохӯрӣ Файзалӣ Идизода иброз намуд, ки ҷаласаи имрӯза ҳамчун механизми зарурии густариши ҳамкорӣ байни парламентҳои кишварҳоямон дар соҳаи мудофиа ва амният бори дигар масъулияти баланди Созмони Аҳдномаи амнияти дастҷамъиро дар ҳифзи сулҳ, оромӣ, субот ва амният дар минтақа собит менамояд.
Иброз гардид, ки ҳамкорӣ дар доираи Созмони Аҳдномаи амнияти дастҷамъӣ ва Ассамблеяи парламентӣ барои Ҷумҳурии Тоҷикистон аҳаммияти аввалиндараҷа дорад.
«Маҳз Ассамблеяи парламентӣ фаъолияти дастҷамъонаро тақвият дода, ба ҳамоҳангсозии фаъолияти қонунгузорӣ, мубодилаи таҷриба ва ташаккули асосҳои ҳуқуқии ҳамкории самараноки сохторҳои қудратӣ ва ҷомеаи шаҳрвандии кишварҳои аъзо мусоидат мекунад. Саҳми шумо дар таҳкими заминаи ҳуқуқии амнияти дастҷамъӣ ва такмил додани низомҳои миллии мудофиа ва тартиботи ҳуқуқӣ бисёр баланд аст»,-гуфт Файзалӣ Идизода.
Ҷумҳурии Тоҷикистон сиёсати пайгиронаи сулҳ, ҳамсоягии нек ва ҳамдигарфаҳмиро пеш мебарад. Изҳори боварӣ карда шуд, ки ин ҷаласа имконияти зарурӣ фароҳам меорад, то роҳҳои такмили механизмҳои ҳуқуқии дифои дастҷамъӣ баррасӣ, таҷрибаи амалӣ мубодила ва афзалият барои ояндаи наздик муайян карда шаванд.
АКС: Маҷлиси намояндагони Маҷлиси Олии Ҷумҳурии Тоҷикистон
Дар ҷаласаи кумитаи Маҷлиси миллӣ оид ба масъалаҳои аграрӣ, шуғли аҳолӣ ва экология қонунҳои соҳавӣ баррасӣ гардиданд
Иҷлосияи ҳафтуми Маҷлиси миллии Маҷлиси Олии Ҷумҳурии Тоҷикистон, даъвати ҳафтум доир мегардад
Оид ба таҳкими робитаҳои байнипарлумонӣ ва густариши ҳамкории дуҷонибаи Тоҷикистону Муғулистон вохӯрӣ доир шуд
Дар шаҳри Улан-Батори Муғулистон Форуми ҷаҳонии занони аъзои парлумон баргузор гардид
Дар шаҳри Душанбе ҷаласаи Шурои Маҷлиси миллии Маҷлиси Олии Ҷумҳурии Тоҷикистон баргузор мешавад
Файзалӣ Идизода бо иштирокчиёни Муколамаи чоруми минтақавӣ оид ба иқтисоди даврӣ дар Осиёи Марказӣ вохӯрӣ намуд
Ҷаласаи кумитаи Маҷлиси миллӣ оид ба таъмини асосҳои конститутсионӣ, ҳуқуқу озодиҳои инсон, шаҳрванд ва қонуният доир шуд
Ҷаласаи навбатии кумита оид ба масъалаҳои иҷтимоӣ, ҳифзи сиҳатӣ, илм, маориф, фарҳанг ва сиёсати ҷавонону занони Маҷлиси миллӣ доир гардид
Ҷаласаи навбатии кумитаи Маҷлиси миллии Маҷлиси Олӣ доир гардид
Ҷаласаи навбатии иҷлосияи сеюми Маҷлиси намояндагони Маҷлиси Олӣ, даъвати ҳафтум баргузор гардид
Иҷлосияи ҳафтуми Маҷлиси миллии Маҷлиси Олии Ҷумҳурии Тоҷикистон, даъвати ҳафтум доир мегардад
