Феҳристи муштараки шоҳкориҳо ва бозёфтҳои нодири осорхонаҳои миллии Осиёи Марказӣ нашр мегардад
ДУШАНБЕ, 17.10.2025 /АМИТ «Ховар»/. Ояндаи наздик феҳристи муштараки шоҳкориҳо ва бозёфтҳои нодири осорхонаҳои миллии Осиёи Марказӣ нашр мегардад, иттилоъ медиҳад АМИТ «Ховар» бо истинод ба Осорхонаи миллии Тоҷикистон.
Ин масъала зимни мулоқоти маҷозии директори Осорхонаи миллии Тоҷикистон Зафаршо Иброҳимзода бо роҳбарони осорхонаҳои миллии давлатҳои Осиёи Марказӣ баррасӣ гардид.
Иштирокдорони мулоқот аҳамияти нашри феҳристи муштараки шоҳкориҳо ва бозёфтҳои нодири осорхонаҳои миллии Осиёи Марказиро барои тарғиби мероси фарҳангии минтақа, таҳкими робитаҳои илмӣ ва касбӣ байни осорхонаҳо ва ҳамчунин муаррифии нигораҳои нодир дар сатҳи байналмилалӣ таъкид намуданд.
Дар доираи муҳокимаҳо масоили марбут ба консепсияи феҳрист ва паҳнсозии он, ташкили аксбардории нигораҳо ва талабот ба сифати расмҳо, раванд, интихоби макон ва забони нашр, инчунин марҳилаҳо ва муҳлатҳои татбиқи он баррасӣ гардиданд.
Ҷонибҳо бо изҳори омодагӣ барои ҳамкории фаъолона оид ба таъсиси гурӯҳи корӣ, ки намояндагони ҳама осорхонаҳои манфиатдорро дар бар мегирад, ба мувофиқа расиданд.
Дар анҷом роҳбарони осорхонаҳои миллии кишварҳои Осиёи Марказӣ аҳамияти ҳифз ва тарғиби мероси муштараки фарҳангии минтақаро таъкид намуда, изҳори боварӣ карданд, ки нашри феҳрист ба ташаккули минбаъдаи ҳамкории байниосорхонавӣ такони ҷиддӣ мебахшад.
АКС: Осорхонаи миллии Тоҷикистон
35-СОЛАГИИ ИСТИҚЛОЛИ ДАВЛАТӢ. Кинотеатри «Ватан» навсозӣ ва бо технологияи муосири намоиши филмҳо муҷаҳҳаз гардонида шуд
Рӯзи фарҳанги вилояти Хатлон бо шукуҳу шаҳомати хос баргузор гардид
Таҳти унвони «Нақши китобхонаҳои шахсӣ дар рушди китобдории миллати тоҷик дар замони ҷаҳонишавӣ» ҳамоиш доир шуд
Пагоҳ дар Душанбе Рӯзи фарҳанги вилояти Хатлон баргузор мешавад
Соли 2027 дар Тоҷикистон Рӯзҳои фарҳанги Покистон баргузор мегарданд
«АЗ СУЛҲИ ТОҶИКОН ТО СУЛҲИ ҶАҲОН». Таҳти чунин унвон дар Душанбе конфронси илмӣ-амалӣ доир шуд
«Барномаи рушди мактабҳои бачагонаи мусиқӣ, рассомӣ, санъат ва мактаб-интернатҳои миёнаи махсуси ҷумҳуриявии мусиқӣ ва санъат дар Ҷумҳурии Тоҷикистон барои солҳои 2027-2031» қабул гардид
Аз ҳудуди ноҳияи Данғара ёдгории нодири меъмории мансуб ба асрҳои IX–XII ёфт гардид
Дар Душанбе бахшида ба 35-солагии Истиқлолияти давлатӣ ҳамоиши тантанавӣ баргузор гардид
29 август дар Душанбе Рӯзи фарҳанги вилояти Хатлон баргузор мешавад
«ЯК МЕРОС, ДУ САРЗАМИН». Намоишгоҳи муштараки маҷозии Тоҷикистон ва Эрон ифтитоҳ ёфт
Оид ба таҳаввули мутолиаи китоб дар даврони Истиқлолияти давлатӣ маҳфили адабӣ баргузор гардид
