Дар Донишгоҳи технологии Тоҷикистон татбиқи лоиҳаҳоии CirculEC ва OFINU баррасӣ шуд
ДУШАНБЕ, 17.10.2025. /АМИТ «Ховар»/. Дар Донишгоҳи технологии Тоҷикистон бо иштироки намояндагони донишгоҳҳо ва муассисаҳои таҳсилоти олии Тоҷикистон, Испания, Латвия, Италия, Ӯзбекистон, Қазоқистон, Қирғизистон ва Туркманистон ҳамоиши байналмилалӣ баргузор гардид, хабар медиҳад АМИТ «Ховар» бо истинод ба ин донишгоҳ.
Ҳамоиш дар доираи лоиҳаҳои CirculEC (Таълими инноватсионӣ барои иқтисодиёти даврӣ) ва OFINU (Донишгоҳи кушодаи инноватсияҳо дар озуқаворӣ) баргузор шуда, ҳадафи он гузаронидани мониторинги сатҳи татбиқи иқтисодиёти даврӣ, баррасии нақшаҳои таълимӣ ва таҳияи модулҳои инноватсионии таълим оид ба ин соҳаи наву муосир буд.
Ректори Донишгоҳи технологии Тоҷикистон Зоир Раҳмонзода аҳамияти ҳамкории байналмилалиро дар рушди таҳсилоти олӣ ва татбиқи иқтисодиёти «сабз» таъкид намуд.
Меҳмонон зимни суханронӣ омодагии худро барои густариши ҳамкорӣ ва мубодилаи таҷриба иброз доштанд.
Ҳамчунин аз ҷониби тарафҳо рӯнамоӣ дар бораи фаъолияти лоиҳаҳоии CirculEC ва OFINU дар Донишгоҳи технологӣ баррасӣ гардид.
Иштирокчиён бо инфрасохтори донишгоҳ, озмоишгоҳҳо ва барномаҳои таълимии марбут ба иқтисодиёти даврӣ шинос шуданд.
Иштироки намояндагони муассисаҳои таҳсилоти олӣ дар ин ҳамоиши байналмилалӣ дар самти таҳкими муносибатҳои академии минтақавӣ ва байналмилалӣ қадами муҳим арзёбӣ гардида, ба таҳкими платформаи илмӣ-таълимии муштарак ва татбиқи амалии лоиҳаҳоии CirculEC ва OFINU мусоидат менамояд.
АКС: Донишгоҳи технологии Тоҷикистон
Ваҳдати миллӣ шарти асосии ҳифз, таҳким ва пойдории истиқлолият гардид
Аз 1 июл даври асосии имтиҳонҳои марказонидаи дохилшавӣ ба муассисаҳои миёна ва олии касбӣ оғоз мегардад
ЭМОМАЛӢ РАҲМОН – ПЕШВОИ ВАҲДАТОФАР! Ба қадри неъмати бебаҳо – Ваҳдати миллӣ бирасем
Дар Донишгоҳи байналмилалии сайёҳӣ ва соҳибкории Тоҷикистон неругоҳи офтобӣ бо иқтидори 150 кВт ба истифода дода шуд
Дар Донишгоҳи давлатии Кӯлоб оид ба нақши Ваҳдати миллӣ дар ташаккули ҷомеаи шаҳрвандӣ ҳамоиш баргузор шуд
Дар Донишгоҳи миллии Тоҷикистон маҷаллаи нави илмии байналмилалӣ «Дипломатияи тоҷик» таъсис ёфт
Ҷаласаи даҳуми вазирони маорифи давлатҳои аъзои Созмони ҳамкории Шанхай доир гардид
Дар шаҳри Душанбе масъалаи воридсозии зеҳни сунъӣ ба таҳсилоти умумӣ баррасӣ шуд
ХОНАНДАИ СОЛ. Мадина Саидализода ғолиби даври ҷумҳуриявии озмун гардид
Намояндагони Тоҷикистон дар Машварати байналмилалии «Забони чинӣ + малакаҳои касбӣ» иштирок намуданд
Дар ноҳияи Муъминобод фарогирии кӯдакон ба муассисаҳои таҳсилоти томактабӣ бештар мегардад
Дар Вазорати маориф ва илм бахшида ба Рӯзи Ваҳдати миллӣ ҳамоиши илмӣ-назариявӣ доир гардид
