Маркази барномаҳои байналмилалӣ қабули ҳуҷҷатҳоро ба муассисаҳои олии Ҷумҳурии Маҷористон оғоз намуд
ДУШАНБЕ, 16.10.2025. /АМИТ «Ховар»/. Муассисаи давлатии «Маркази барномаҳои байналмилалӣ» қабули ҳуҷҷатҳоро дар доираи барномаи «Stipendium Hungaricum» ба муассисаҳои олии Ҷумҳурии Маҷористон оғоз намуд. Дар ин хусус ба АМИТ «Ховар» аз Маркази барномаҳои байналмилалӣ хабар доданд.
Бар асоси ин барнома, довталабон метавонанд барои таҳсил дар зинаҳои бакалавриат, магистратура, аспирантура ва докторантура дар муассисаҳои таҳсилоти олии Ҷумҳурии Маҷористон дархост пешниҳод намоянд.
Қабули ҳуҷҷатҳо то 1 феврали соли 2026 идома ёфта, хоҳишмандон барои дарёфти ин бурсия метавонанд ҳуҷҷатҳои худро ба Маркази барномаҳои байналмилалӣ пешниҳод намоянд. Ҳамзамон тибқи талаботи барномаи мазкур довталабон бояд худро дар сомонаи расмии “Stipendium Hungaricum” ба қайд гиранд.
Хоҳишмандон метавонанд барои гирифтани маълумоти бештар ба Муассисаи давлатии «Маркази барномаҳои байналмилалӣ» (суроға: ш. Душанбе, кӯчаи Мирзо Турсунзода – 47) муроҷиат намоянд.
АКС: АМИТ «Ховар»
Имрӯз дар шаҳри Душанбе ҳавои тағйирёбанда пешгӯӣ мешавад
Дар қаламрави Тоҷикистон заминларза ба амал омад
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
