СИНАМОҶАШНВОРАИ БАЙНАЛМИЛАЛИИ «ТОҶИ СОМОН». Дар доираи он форуми байналмилалӣ доир мегардад
ДУШАНБЕ, 16.10.2025. /АМИТ «Ховар»/. Имрӯз дар Осорхонаи миллии Тоҷикистон ба муносибати Рӯзи кинои тоҷик (16 октябр) ва дар доираи Синамоҷашнвораи дуюми байналмилалии Душанбе — «Тоҷи Сомон» дар мавзуи «Синамои Шарқ аз нигоҳи нав» форуми байналмилалӣ баргузор мегардад. Дар ин хусус ба АМИТ «Ховар» аз Муассисаи давлатии «Тоҷикфилм» хабар доданд.
Дар назар аст, ки дар форум чеҳраҳои маъруфи санъату синамои Тоҷикистон ва дигар кишварҳои хориҷӣ, оҳангсозон, коргардонҳо ва наворбардорони синамо иштирок намоянд.
Зимни форум, аз ҷумла китоби «Навори хотира: Зиндагиномаи Бахтиёр» доир ба зиндагиву фаъолияти коргардони маъруфи тоҷик Бахтиёр Худойназаров, ки аз ҷониби Муассисаи давлатии «Тоҷикфилм» бо забонҳои тоҷикӣ ва русӣ нашр гардидааст, расман рӯнамоӣ мегардад.
Инчунин дар доираи синамоҷашнвора дар Донишгоҳи славянии Тоҷикистону Русия дарси «Устод ва шогирд», соати 15:00 дар кинотеатри ба номи Тоҳир Собиров филми ҳунарии «Қиёми рӯз» ва соати 17:00 дар кинотеатри «Наврӯз» нахустнамоиши филми ҳунарии «Пайроҳаи хашм» намоиш дода мешавад.
АКС: Муассисаи давлатии «Тоҷикфилм»
«ЗАБОНИ МО – ҶАҲОНИ МО». 16 октябр Анҷумани сеюми забоншиносони давлатҳои ҳамзабону ҳамфарҳанг баргузор мегардад
ФИЛМҲОИ МИЛЛӢ ДАР ҶАШНВОРАҲОИ БАЙНАЛМИЛАЛӢ ЭЪТИРОФ ВА ҚАДРДОНӢ МЕШАВАНД. Эҳдо ба Рӯзи кинои тоҷик
Дар Минск бахшида бо Рӯзи байналмилалии бузургдошти Ҳофизи Шерозӣ ҳамоиш доир шуд
Дар даври ҷамъбастии Озмуни ҷумҳуриявии «Тоҷикистон-Ватани азизи ман» 581 довталаб иштирок менамояд
«ТОҶИ СОМОН». Меҳмонони синамоҷоизаи миллӣ бо имконоти сайёҳии Тоҷикистон шинос мегарданд
Ҷаласаи комиссияи Озмуни ҷумҳуриявии «Тоҷикистон—Ватани азизи ман» баргузор гардид
Иштирокдорони Форуми ҷавонони СҲШ аз Осорхонаи миллии Тоҷикистон дидан намуданд
Оид ба ҳифзи мероси таърихию фарҳангии тоҷикон конфронси байналмилалӣ доир шуд
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Ғолибони озмуни ҷумҳуриявӣ қадрдонӣ гардиданд
«ТОҶИ СОМОН». Дар доираи синамоҷоизаи миллӣ рӯзҳои кинои Эрон, Русия, Узбекистон ва Қирғизистон баргузор мегардад
«БАРНОМАИ РУШДИ КИТОБХОНАҲОИ ДЕҲОТ». Он фаъолияти китобхонаҳоро ба талаботи замони муосир мутобиқ менамояд
Дар ноҳияи Рӯдакӣ доир ба баланд бардоштани сатҳи огоҳии ҷавонон оид ба хатари терроризм ҳамоиш баргузор шуд
