Сокинони ноҳияи Муъминобод соҳиби туҳфаи арзишманди Пешвои миллат — «Шоҳнома» мегарданд
ДУШАНБЕ, 18.10.2025. /АМИТ «Ховар»/. Дар доираи иқдоми фарҳангиву маънавии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон шоҳасари безаволи Ҳаким Абулқосим Фирдавӣ — «Шоҳнома» ба ноҳияи Муъминободи вилояти Хатлон расид, хабар медиҳад АМИТ «Ховар».
Тибқи нақша, ин туҳфаи арзишманд ба 13 ҳазору 383 хонаводаи ноҳия дар 7 ҷамоати деҳот аз ҷониби гурӯҳи кории Ҳукумати Ҷумҳурии Тоҷикистон ва дигар масъулони маҳаллӣ тақсим карда мешавад.
Ин иқдоми миллӣ, ки ба ифтихори 35-солагии Истиқлоли давлатии Ҷумҳурии Тоҷикистон роҳандозӣ шудааст, ба таҳкими худшиносию худогоҳии миллӣ, эҳёи ҳофизаи таърихӣ ва боло бурдани ҳисси ватандӯстиву ватанпарастии шаҳрвандон мусоидат менамояд.
Сокинони Муъминобод ҳангоми соҳиб шудан ба ин туҳфаи пурқимат таъкид карданд, ки Пешвои миллат бо ин иқдоми фарҳангпарварона ба эҳёи арзишҳои маънавии гузаштагон ва таҳкими худогоҳии миллӣ саҳми бузург мегузоранд.
Иброз гардид, ки «Шоҳнома» ҳамчун рамзи хирад, мардонагӣ ва ватанпарастӣ ҳамеша илҳомбахши наслҳои имрӯзу фардо хоҳад буд ва туҳфаи Пешвои миллат дар ҳақиқат гавҳари маънавии ҳар як хонадон мебошад.
Ёдовар мешавем, ки дар доираи ҳамин иқдоми маънавӣ соли 2026 Озмуни ҷумҳуриявии «Шоҳномахонӣ» баргузор мегардад. Сарпарасти он Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон мебошанд. Ин озмун бо ҳадафи арҷгузорӣ ба таърихи пурифтихори миллати тоҷик, омӯзиши ҳамаҷонибаи мероси адабии ниёгон ва таҳкими ҳувияти миллӣ роҳандозӣ мегардад. Барои мукофотонидани ғолибони озмун аз Фонди захиравии Президенти Ҷумҳурии Тоҷикистон 2 миллиону 660 ҳазор сомонӣ ҷудо карда шудааст.
АКС: АМИТ «Ховар»
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир гардид
«РАҚС МОРО МУТТАҲИД МЕНАМОЯД». Таҳти чунин унвон дар Тоҷикистон фестивали байналмилалӣ доир мегардад
Дар ноҳияи Айнӣ бахшида ба зодрӯзи Қаҳрамони Тоҷикистон Садриддин Айнӣ ҳамоиши илмӣ-адабӣ баргузор гардид
ИМРӮЗ — ЗОДРӮЗИ САДРИДДИН АЙНӢ. Осори Устод Айнӣ ҳамчун сарчашмаи муҳими илмӣ ва фарҳангӣ истифода мешавад
АЙНИШИНОСЕ ПУРТАЛОШ АЗ КИШВАРИ ҲАМЗАБОН. Эҳдо ба зодрӯзи сардафтари адабиёти муосири тоҷик Садриддин Айнӣ
ИҚТИСОДИ РАҚАМӢ ВА ИННОВАТСИЯ. Дар самти рақамикунонии ёдгориҳои таърихию фарҳангӣ ҳамоиш доир шуд
«ДИДОР». Бахшида ба 35-солагии Истиқлоли давлатӣ намоиши мусаввараҳои нодир ифтитоҳ ёфт
Рӯзҳои фарҳанги Тоҷикистон дар Беларус доир мегарданд
СИМПОЗИУМИ БАЙНАЛМИЛАЛИИ ХУТАЛИ ҚАДИМ. Он таърих ва фарҳанги бостонии халқи тоҷикро ба ҷаҳониён муаррифӣ менамояд
Дабири кулли СААД дар Осорхонаи миллӣ бо таъриху тамаддуни тоҷикон шинос шуд
Дар шаҳри Бӯстон даври шаҳрии Фестивал-озмуни ҷумҳуриявии «Як матову сад ранг» баргузор гардид
Дар шаҳри Душанбе бо мақсади муаррифии дастовардҳои Тоҷикистон дар самти эҳёи ёдгориҳои таърихӣ ҳамоиш доир шуд
