«TELECOM AWARDS TAJIKISTAN – 2025». Барои баҳодиҳӣ ба фаъолияти операторони алоқаи барқӣ озмун гузаронида мешавад
ДУШАНБЕ, 27.10.2025 /АМИТ «Ховар»/. Бо ташаббуси Хадамоти алоқаи назди Ҳукумати Ҷумҳурии Тоҷикистон барои баҳодиҳӣ ба фаъолияти операторони алоқаи барқӣ озмун барои дарёфти ҷоизаи миллии «Telecom Awards Tajikistan 2025» баргузор мегардад.
Тавре аз Хадамоти алоқаи назди Ҳукумати Ҷумҳурии Тоҷикистон ба АМИТ «Ховар» хабар доданд, имрӯз бо мақсади дар сатҳи баланд ва шаффоф баргузор намудани озмун ҷаласаи Кумитаи тадорукот доир шуд. Дар ҷаласа масъалаҳои марбут ба ташкил ва гузаронидани озмун мавриди баррасӣ қарор гирифт.
Таъкид шуд, ки минбаъд ин ҷоизаи соҳавӣ ҳамасола байни операторони мобилӣ ва интернет-провайдерҳои ҷумҳурӣ доир мегардад.
Ҳадафи асосии таъсиси ин ҷоиза — такмили сифату суръати хизматрасонӣ дар соҳаи алоқа, рушди рақобати солим ва ҳавасмандгардонии ширкатҳои ватанӣ мебошад.
Иттилоъ дода шуд, ки ҷоизаи миллӣ аз рӯйи 15 категория ва номинатсия; беҳтарин оператори мобилӣ, беҳтарин интернет-провайдер, инноватсияи сол дар соҳаи алоқа, хидмати инноватсионии сол, интихоби муштариён, беҳтарин хизматрасонии муштариён, беҳтарин саҳм дар рушди соҳаи алоқа, лоиҳаи сармоягузории сол, иқдоми иҷтимоии сол, ширкати босуръат рушдёбанда, таносуби нарх ва сифат, беҳтарин ҳалли корпоративӣ, беҳтарин хидмати рақамии сол,зудтарин шабакаи мобилӣ, зудтарин шабакаи ноқилӣ гузаронида мешавад.
Меъёрҳои баҳогузорӣ сифати хизматрасонӣ, таносуби нарх ва сифат, дастгирии муштариён, сатҳи навовариҳои техникӣ ва инфрасохторӣ, масъулияти иҷтимоиву иқтисодӣ ва инчунин эътирофи коршиносону муштариёнро дар бар мегиранд.
Арзёбии фаъолият бо чанд усул анҷом дода мешавад:
– CATI (пурсиши телефонии муштариён) — барои муайян кардани сатҳи қаноатмандӣ ва садоқати муштариён;
– Mystery Shopping (харидори махфӣ) — арзёбии сатҳи хизматрасонӣ дар нуқтаҳои фурӯш;
– OOKLA Speedtest Intelligence — таҳлили суръат, фарогирӣ ва сифати интернет;
– DMTEL — таҳлили техникии шабакаҳои мобилӣ ва мутобиқат ба стандартҳои байналмилалии ETSI.
Маросими ҷамъбасти озмун ва супоридани ҷоизаҳо моҳи декабр баргузор мегардад.
АКС: Хадамоти алоқаи назди Ҳукумати Ҷумҳурии Тоҷикистон
Мудири кулли ФАО Тсюй Дунъюй: «Ба Президенти Тоҷикистон барои дар сатҳи баланд баргузор намудани Конфронси 35-уми минтақавии СММ изҳори миннатдорӣ менамоям»
Беш аз 8 миллиард доллар сармоягузорӣ: натиҷаҳои мулоқоти Пешвои миллат Эмомалӣ Раҳмон бо роҳбарони ширкатҳои Чин дар Пекин
Дар Душанбе модели ҳамкории минтақавӣ ва табодули дониш баррасӣ гардид
Тсюй Дунъюй ба муборизаи муштарак бо таҳдидҳои иқлимию иқтисодӣ даъват намуд
Агаси Арутюнян: «Конфронси 35-уми минтақавии ФАО барои муаррифии дастовардҳои Тоҷикистон ва иқтидори кишоварзии он имконияти васеъ фароҳам меорад»
Байни ширкатҳои Тоҷикистону Чин 28 санади ҳамкорӣ ба маблағи умумии 647 миллион доллари амрикоӣ ба имзо расид
Дар Душанбе Конфронси 35-уми минтақавии Созмони озуқаворӣ ва кишоварзии СММ ифтитоҳ гардид
Иқтидори кишоварзии Тоҷикистон дар доираи Конфронси 35-уми минтақавии ФАО дар Душанбе муаррифӣ карда шуд
Имрӯз дар доираи Конфронси 35-уми минтақавии Созмони озуқаворӣ ва кишоварзӣ муколаимаи инвеститсионӣ баргузор гардид
ТОҶИКИСТОН — ДАВЛАТИ ТАШАББУСКОР. Иқдомҳои Президенти Тоҷикистон ба пешгирии тағйирёбии иқлим ва обшавии босуръати пиряхҳои минтақаю ҷаҳон нигаронида шудаанд
Форуми «Сармоягузорӣ ба илм ва навоварии ҷавонон: Назари минтақавии форуми ҷаҳонии озуқаворӣ барои Аврупо ва Осиёи Марказӣ» оғоз гардид
Дар Душанбе Конфронси 35-уми минтақавии Созмони озуқаворӣ ва кишоварзии СММ барои Аврупо ва Осиёи Марказӣ оғоз мешавад
