Тоҷикистон ҳамкориро бо Қирғизистон ва Русия дар самти муқовимат ба коррупсия густариш медиҳад
ДУШАНБЕ, 04.10.2025 /АМИТ «Ховар»/. 3 октябр Ёддошти тафоҳум байни Агентии назорати давлатии молиявӣ ва мубориза бо коррупсияи Ҷумҳурии Тоҷикистон ва Прокуратураи генералии Ҷумҳурии Қирғизистон ба имзо расид. Дар ин хусус ба АМИТ «Ховар» аз Агентии назорати давлатии молиявӣ ва мубориза бо коррупсияи Ҷумҳурии Тоҷикистон хабар доданд.
Санади мазкур дар шаҳри Еревани Ҷумҳурии Арманистон дар доираи ҷаласаи 10-уми Шурои байнидавлатии муқовимат ба коррупсияи давлатҳои иштирокчии Иттиҳоди Давлатҳои Мустақил аз ҷониби директори Агентӣ Сулаймон Султонзода ва Прокурори генералии Ҷумҳурии Қирғизистон Максат Асаналиев ба имзо расид.
Ёддошти тафоҳум бар принсипҳои соҳибихтиёрӣ, истиқлолияти миллӣ, баробарҳуқуқӣ ва манфиатҳои мутақобил асос ёфта, ба таҳкими робитаҳо байни мақомоти дахлдори ду давлат нигаронида шудааст.
Таъкид гардид, ки татбиқи муқаррароти ин санад ба тақвияти муносибатҳои дӯстонаи Тоҷикистон ва Қирғизистон мусоидат намуда, самаранокии талошҳои муштаракро дар мубориза бо коррупсия афзоиш медиҳад.
Ҳамзамон дар доираи ҷаласа вохӯрии Сулаймон Султонзода бо муовини прокурори генералии Федератсияи Русия Петр Городов баргузор гардид.
Зимни вохӯрӣ Барномаи ҳамкорӣ байни Агентии назорати давлатии молиявӣ ва мубориза бо коррупсияи Ҷумҳурии Тоҷикистон ва Прокуратураи генералии Федератсияи Русия барои солҳои 2026-2027 ба имзо расонида шуд.
Ҷонибҳо аҳамияти истисноии густариши ҳамкориро, бахусус дар самти муқовимат ба коррупсия ҳамчун омили муҳими таъмини субот ва пешрафти устувор арзёбӣ намуданд.
Санадҳои баимзорасида барои мубодилаи таҷриба, амалисозии лоиҳаҳои муштарак ва ҳамоҳангсозии фаъолият дар самти муқовимат ба коррупсия имконияти нав фароҳам меоранд.
АКС: Агентии назорати давлатии молиявӣ ва мубориза бо коррупсияи Ҷумҳурии Тоҷикистон
Дар соҳили дарёҳои шаҳри Ваҳдат корҳои соҳилмустаҳкамкунӣ ҷараён доранд
РУШДИ САЙЁҲӢ. Дар Суғд шумораи сайёҳони дохилӣ ва хориҷӣ афзоиш ёфта, инфрасохтори соҳа тақвият меёбад
Дар Вашингтон имкони роҳандозии парвозҳои мустақим байни Тоҷикистон ва ИМА баррасӣ гардид
Дар шаҳри Вашингтон мизи мудаввари сатҳи баланди соҳибкорӣ байни Ҷумҳурии Тоҷикистон ва Иёлоти Муттаҳидаи Амрико баргузор гардид
Дар шаҳри Даҳва ҷалби маблағгузории Қатарӣ барои татбиқи лоиҳаҳои афзалиятноки Тоҷикистон баррасӣ шуд
Дар Кумитаи ҳифзи муҳити зист Рӯзи Конститутсияи Тоҷикистонро бо тантана ҷашн гирифтанд
Кишоварзони вилояти Хатлон нақшаи ҷамъоварии ҳосили пахтаро пурра иҷро намуданд
Шурои машваратии Комиссияи байнидавлатӣ оид ба рушди устувори Фонди байналмилалии наҷоти Арал баргузор гардид
Ҳаҷми маблағгузории иқлимӣ барои кишварҳои дар ҳоли рушд ҷиҳати татбиқи 22 лоиҳа тасдиқ гардид
Дар Суғд ба 60 нафар занони ҳунарманд гранти Раиси вилоят супорида шуд
Тоҷикистон ва Қатар роҳҳои густариши ҳамкорӣ дар соҳаи авиатсияи гражданиро баррасӣ карданд
Дар Тоҷикистон тайи ду даҳсолаи охир беш аз чор миллион ҷойи кор таъсис ва барқарор гардидааст
