Тоҷикистон дар самти гузариш ба энергетикаи «сабз» саъю талоши пайваста менамояд
ДУШАНБЕ, 04.10.2025 /АМИТ «Ховар»/. Мутобиқи Стратегияи дарозмуддати рушд Тоҷикистон нақша дорад, ки то соли 2032 пурра ба истифодаи манбаъҳои барқароршавандаи энергия гузарад. Ин нуктаро Вазири энергетика ва захираҳои оби Ҷумҳурии Тоҷикистон Далер Ҷумъа дар ҳамоиши Агентии байналмилалӣ оид ба манбаъҳои барқароршавандаи энергия (IRENA) таҳти унвони «Суръат бахшидан ба ҷорӣ намудани манбаъҳои барқароршавандаи энергия дар Осиёи Марказӣ», ки дар доираи «Kazakhstan Energy Week – 2025» дар Остона баргузор гардид, иброз намуд. Дар ин хусус АМИТ «Ховар» бо истинод ба Вазорати энергетика ва захираҳои оби Ҷумҳурии Тоҷикистон иттилоъ медиҳад.
Ҳамоиш ба масъалаи тезонидани гузариш ба энергетикаи «сабз» дар Осиёи Марказӣ дар доираи ташаббуси APRECA аз ҷониби IRENA бахшида шуд. Дар он қадамҳои амалӣ оид ба се маротиба зиёд кардани иқтидори манбаъҳои барқароршавандаи энергия ва боло бурдани самаранокии энергетикӣ то соли 2030 баррасӣ гардиданд.
Вазири энергетика ва захираҳои оби Ҷумҳурии Тоҷикистон доир ба дурнамои мамлакат дар самти гузариши пурра ба энергетикаи «сабз» ибрози назар намуд. Гуфта шуд, ки «имрӯз тақрибан 98 фоизи неруи барқ дар Тоҷикистон дар неругоҳҳои барқи обӣ истеҳсол карда мешавад. Бо шарофати ин Тоҷикистон ба шумораи давлатҳое дохил мешавад, ки сатҳи пасттарини ихроҷи гази карбон доранд. Ҳадафи дурнамои Тоҷикистон ба даст овардани мақоми комилан «сабз» то соли 2037 мебошад».
Ҳамзамон дар маркази таваҷҷуҳи иштирокдорони ҳамоиш масъалаҳои рушди инфрасохтор, ҳамгироии минтақавӣ, маҳаллӣ гардиши истеҳсолот, такмили қонунгузорӣ ва ҷалби сармоягузорӣ қарор доштанд.
Ҷонибҳо барои суръат бахшидани ҳамкорӣ оид ба манбаъҳои барқароршавандаи энергия дар Осиёи Марказӣ, мубодилаи таҷрибаҳои пешқадам ва таҳкими амнияти энергетикии минтақавӣ изҳори омодагӣ намуданд.
АКС: Вазорати энергетика ва захираҳои оби Ҷумҳурии Тоҷикистон
Қоҳир Расулзода бо вазири федералии энергетикии Покистон Авайс Аҳмад Хан Леғарӣ мулоқот намуд
Ҷаласаи Гурӯҳи кории намояндагони мақомоти гумруки Тоҷикистон ва Узбекистон баргузор гардид
Дар Душанбе рафти татбиқи лоиҳаҳои муштарак бо Бонки Олмонии рушд баррасӣ гардид
Аҳамияти муҳими «CASA -1000» дар ҷаласаи 8-уми Комиссияи муштараки ҳамкории иқтисодии Тоҷикистон ва Покистон баррасӣ шуд
«Амонатбонк» ҳамкориро бо Бонки кишоварзии Чин тақвият медиҳад
Ҳаракати қатораи мустақими мусофирбар дар масири Душанбе — Москва барқарор карда шуд
Шурои Гурӯҳи Бонки ҷаҳонӣ Барномаи шарикии кишварӣ барои Тоҷикистонро қабул намуд
Барои ҳаракати нақлиёти боркаши гаронвазн дар роҳҳои мошингард маҳдудият ҷорӣ гардид
Ҷаласаи 8-уми Комиссияи муштараки ҳамкории тиҷоратӣ, иқтисодӣ ва илмӣ-техникии Тоҷикистон ва Покистон баргузор шуд
Дар ноҳияи Зафаробод ҷамъоварии ҳосили ғалладонагиҳо оғоз гардид
«ХАТЛОН — САРЗАМИНИ ТАМАДДУНҲО ВА САЁҲАТ». Дар Чилдухтарон форум ва намоишгоҳи байналмилалии сайёҳӣ баргузор мешавад
Дар Бохтар масъалаи таҳкими ҳамкорӣ дар соҳаи тандурустӣ бо Агентии байналмилалии неруи атомӣ баррасӣ шуд
