Вакили Маҷлиси намояндагон дар Саммити минтақавии парлумонии кишварҳои Аврупои Шарқӣ ва Осиёи Марказӣ иштирок намуд
ДУШАНБЕ, 02.10.2025. /АМИТ «Ховар»/. Имрӯз дар шаҳри Алматои Ҷумҳурии Қазоқистон Саммити минтақавии парлумонии кишварҳои Аврупои Шарқӣ ва Осиёи Марказӣ доир ба бемории сил, инчунин Конфронси байналмилалии «Осиёи Марказӣ озод аз бемории сил: аз дастовардҳои миллӣ то пешсафии минтақавӣ» баргузор гардид, ки дар он вакили Маҷлиси намояндагони Маҷлиси Олии Ҷумҳурии Тоҷикистон Маҳмадшоҳ Гулзода иштирок намуд. Дар ин хусус ба АМИТ «Ховар» аз Маҷлиси намояндагон хабар доданд.
Дар ҳамоиш вакилони парлумон, вазирони тандурустӣ ва коршиносони Созмони ҷаҳонии тандурустӣ, шарикони «Стоп ТБ» ва дигар созмонҳои байналмилалӣ иштирок намуданд.
Иштирокчиён зимни ҳамоиш иҷрои Эъломияи сиёсии Созмони Милали Муттаҳид оид ба бемории сил (2023) ва нақши ҷомеаи шаҳрвандӣ ва инноватсияро баррасӣ намуданд.
Иштирокчиён ҳамзамон зарурати густариши ташхиси саривақтӣ, дастрасӣ ба навоварӣ ва пурзӯр намудани дастгирии иҷтимоии беморонро иброз намуданд.
Иҷрои тавсияҳои ҳамоиши қаблан дар Тоҷикистон доиршуда, мутобиқсозии буҷети миллӣ ба коҳиши маблағгузории берунӣ, омодагӣ ба соли 2026 ва ҳамкории байнисоҳавӣ барои коҳиш додани хатарҳои марбут ба ин бемориҳо мавриди таваҷҷуҳи иштирокдорон қарор гирифт.
Ҳамоиш платформаи калидӣ барои баррасии ҷараёни иҷрои Эъломияи сиёсии Созмони Милали Муттаҳид оид ба бемории сил (2023), баррасии мушкилоти эпидемиологӣ дар Осиёи Марказӣ ва нақши вакилони парлумон дар таъмини маблағгузории устувор ва дастгирии қонунгузорӣ гардид.
Ҳамоиш бо қабули Қарори минтақавӣ оид ба суръат бахшидан ба мубориза бар зидди бемории сил барои солҳои 2026-2028 анҷом ёфт.
АКС: Маҷлиси намояндагони Маҷлиси Олии Ҷумҳурии Тоҷикистон
Раиси Маҷлиси намояндагони Тоҷикистон бо Раиси Жогорку Кенеши Қирғизистон вохӯрӣ намуд
Ҳайати Тоҷикистон дар ҷаласаи 152-юми Иттиҳоди байнипарламентӣ ва иҷлосияи ҳамоҳангсози Ассамблеяи парламентии Осиё иштирок менамояд
Ҷаласаи навбатии иҷлосияи дуюми Маҷлиси намояндагони Маҷлиси Олӣ, даъвати ҳафтум баргузор гардид
ДУШАНБЕ — НИГИНИ КИШВАРИ ОФТОБИИ ТОҶИКОН. Ба Рӯзи пойтахти Тоҷикистон бахшида мешавад
Вакилони парлумонҳои кишварҳои аъзои ИДМ тарҳи таҳрири нави қонуни намунавии «Дар бораи мақоми ваколатдори ҳуқуқи инсон»-ро тасдиқ намуданд
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Дар Душанбе масъалаҳои таълиму тарбия, сифати таҳсил ва гузариш ба низоми 12-солаи таълим баррасӣ гардиданд
Ҳамкории Тоҷикистон ва Иттиҳоди Аврупо дар самти такмили низоми идоракунии молияи давлатӣ густариш меёбад
Дар Душанбе тавсияҳои Кумитаи СММ оид ба бартараф намудани ҳама гуна ҳуқуқпоймолкунӣ нисбат ба занон муҳокима гардид
Ҷаласаи навбатии иҷлосияи дуюми Маҷлиси намояндагони Маҷлиси Олии Ҷумҳурии Тоҷикистон баргузор гардид
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Ҷаласаи навбатии Шурои Маҷлиси намояндагони Маҷлиси Олӣ, даъвати ҳафтум баргузор гардид
