Вазирони энергетикаи Тоҷикистон ва Эрон масъалаҳои иҷрои протоколи Комиссияи муштараки байниҳукуматиро баррасӣ намуданд
ДУШАНБЕ, 23.10.2025 /АМИТ «Ховар»/. Дар доираи ҷаласаи панҷуми Конфронси исломии вазирони масъул оид ба масъалаҳои об дар шаҳри Чиддаи Арабистони Саудӣ маҷмуи ҳамкории дуҷонибаи Тоҷикистону Эрон ва ҷараёни иҷрои протоколи ҷаласаи 17-уми Комиссияи муштарак, ки моҳи майи соли 2025 дар шаҳри Шероз ба имзо расида буд, баррасӣ ва натиҷаҳои он қаноатбахш арзёбӣ гардид.
Тавре АМИТ «Ховар» бо истинод ба Вазорати энергетика ва захираҳои оби Ҷумҳурии Тоҷикистон иттилоъ медиҳад, иҷрои протоколи ҷаласаи 17-уми Комиссияи муштарак зимни мулоқоти ҳамраисони Комиссияи муштараки Тоҷикистону Эрон оид ба ҳамкории тиҷоратӣ, иқтисодӣ, техникӣ, илмӣ ва фарҳангӣ- Вазири энергетика ва захираҳои оби Ҷумҳурии Тоҷикистон Далер Ҷумъа ва Вазири неруи Ҷумҳурии Исломии Эрон Аббос Алиободӣ баррасӣ карда шуд.
Мусоҳибон вобаста ба ҷаласаи навбатии Комиссия, ки баргузории он дар Ҷумҳурии Тоҷикистон дар назар аст, табодули афкор намуданд.
Дар идома ба муҳтавои масъалаҳое, ки дар ҷаласаи панҷуми Конфронси исломии вазирони масъул оид ба масъалаҳои об баррасӣ шуданд, таваҷҷуҳ зоҳир гардид.
Вазири энергетика ва захираҳои оби Ҷумҳурии Тоҷикистон аз фаъолияти Неругоҳи барқи обии «Сангтӯда-2», ки ҳудуди 4-5 фоизи ҳаҷми умумии неруи барқи истеҳсолшавандаро таъмин менамояд, изҳори қаноатмандӣ карда, онро намунаи ҳамкории муваффақи Тоҷикистону Эрон дар соҳаи энергетика номид.
Ҳарду ҷониб дар анҷом барои боз ҳам тақвият додани робитаҳои мутақобил, хусусан дар самти энергетика ва захираҳои об изҳори омодагӣ намуданд.
АКС: Вазорати энергетика ва захираҳои оби Ҷумҳурии Тоҷикистон
Дар Душанбе Форуми байналмилалии нассоҷии Тоҷикистон – 2026 доир мегардад
РАШТ ДАР ДАВРОНИ СОҲИБИСТИҚЛОЛӢ. Мулоҳизаҳо оид ба нақши сиёсати давлатӣ дар рушди иқтисодию иҷтимоии ин ноҳия
Дар Тоҷикистон шумораи субъектҳои хоҷагидори амалкунанда беш аз 100 ҳазор зиёд гардидааст
Дар Тоҷикистон дар 25 соли охир ҳаҷми истеҳсоли маҳсулоти кишоварзӣ 122 баробар афзоиш ёфтааст
Кормандони Бонки миллии Тоҷикистон ҷашни Истиқлоли давлатиро бошукуҳ таҷлил намуданд
Эмомалӣ Раҳмон: «Даромади буҷети давлатӣ дар солҳои соҳибистиқлолӣ беш аз 250 баробар зиёд гардид»
Пешвои миллат Эмомалӣ Раҳмон: «То соли 2037 Тоҷикистонро пурра ба кишвари «сабз» табдил медиҳем»
РОҲИ 35-СОЛАИ НИЗОМИ БОНКИИ ТОҶИКИСТОН: аз бунёди низоми мустақили бонкӣ то бонкдории рақамӣ
РУШДИ САНОАТ. Дар давраи Истиқлолияти давлатӣ Душанбе ба маркази воқеии саноат, савдо ва хизматрасонӣ табдил ёфт
Эмомалӣ Раҳмон: «Бо саҳми соҳибкорони ватандӯст ва шахсони саховатпеша зиёда аз 10 ҳазор километр роҳҳои маҳаллӣ навсозӣ гардида, 273 пул бунёд гардид»
Ҷамшед Ҷумахонзода: «Соҳаи сайёҳӣ ба яке аз самтҳои афзалиятноки рушди иқтисоди Тоҷикистон табдил ёфтааст»
Абдураҳмон Абдураҳмонзода: «Тоҷикистон дар солҳои соҳибистиқлолӣ чун давлати дорои суръати баланди рушди иқтисодӣ шинохта шуд»
