«ЗАБОНИ МИЛЛАТ — ҲАСТИИ МИЛЛАТ». Дар «Саноатсодиротбонк» бахшида ба Рӯзи забони давлатӣ ҳамоиш доир гардид
ДУШАНБЕ, 04.10.2025 /АМИТ «Ховар»/. Забони ҳар халқу миллат оиинаи рӯзгори миллат ва донишу фарҳанги мардум мебошад. Инчунин забон дар раванди таъсис ва шаклгирии давлати миллӣ ҳамчун унсури аввалин ва рукни бунёдии давлатдорӣ нақши ниҳоят муҳим ва сарнавиштсоз дорад. Ин матлаб зимни ифтитоҳи ҳамоиш дар Корхонаи воҳиди давлатии Бонки саноатию содиротии Тоҷикистон «Саноатсодиротбонк» ба ифтихори Рӯзи забони давлатӣ баён гардид.
Раиси Раёсати Корхонаи воҳиди давлатии Бонки саноатию содиротии Тоҷикистон «Саноатсодиротбонк» Ҳокимшоҳ Бобозода иброз намуд, ки «забони модарии мо — забони ширину шево ва шоиронаи тоҷикӣ донишу маърифати давоми ҳазорсолаҳо андӯхтаи мардумро дар худ нигоҳ доштааст».
Ҳамчунин гуфта шуд, ки гӯётарин далели ҳастии забони тоҷикӣ ва мақоми ҳаётбахши он дар он зоҳир меёбад, ки миллати шарафманди тоҷик таъриху фарҳанг ва тамаддуни хешро бо ҳамин забон иншо ва дар саҳифаҳои тиллоии таърих сабту ба ҷаҳониён муаррифӣ намудааст.
Дар идомаи ҷаласа меҳмонон оид ба таърих ва бузургдошти забони тоҷикӣ ва хизматҳои шоёни Президенти Ҷумҳурии Тоҷикистон муҳтарам Эмомалӣ Раҳмон дар ҳифзи забони давлатӣ маърузаи илмӣ намуданд.
АКС: Бонки саноатию содиротии Тоҷикистон «Саноатсодиротбонк»
«Саноатсодиротбонк» дар номинатсияи «Беҳтарин соҳибкор дар соҳаи бонкдорӣ» ғолиб гардид
Дар шаҳри Бангкок густариши ҳамкории Тоҷикистон бо Хазинаи байналмилалии асъор баррасӣ гардид
Намояндагони Тоҷикистон дар мулоқоти вазирони молия ва раисони бонкҳои марказии кишварҳои Қафқоз ва Осиёи Марказӣ иштирок намуданд
ҚУРБИ АСЪОР: 1 евро аз 10.0500 то 10.3393 сомонӣ муқаррар шудааст
Роҳбарияти Бонки миллии Тоҷикистон дар ҷаласаҳои солонаи ХБА ва Гурӯҳи Бонки ҷаҳонӣ иштирок менамояд
«Саноатсодиротбонк» ба натиҷаҳои назарраси молиявӣ ноил гардид
Бонки миллии Тоҷикистон ҳушдор медиҳад, ки ҳангоми истифодаи хизматрасонии бонкии рақамӣ эҳтиёткор бошед
