35-СОЛАГИИ ИСТИҚЛОЛИ ДАВЛАТӢ. Истироҳатгоҳи «Санги сипар» дар Панҷакент барқарор карда мешавад
ДУШАНБЕ, 07.11.2025 /АМИТ «Ховар»/. Дар доираи корҳои омодагӣ ба ҷашни 35-солагии Истиқлоли давлатӣ, дар шаҳри Панҷакент бо дастгирии мақомоти иҷроияи маҳаллии ҳокимияти давлатии шаҳр ва сармоягузории соҳибкор Матлуб Халифаев Истироҳатгоҳи «Санги сипар» барқарор карда мешавад. Дар ин хусус АМИТ «Ховар» бо истинод ба Мақомоти иҷроияи маҳаллии ҳокимияти давлатии шаҳри Панҷакент иттилоъ медиҳад.
Истироҳатгоҳи «Санги сипар» дар канори деҳаи Амондара воқеъ буда, қаблан аз мавзеъҳои писандидаи фароғатии сокинон ва меҳмонони шаҳри Панҷакент маҳсуб мешуд. Чанд сол қабл ба асари омадани сел як қисмати истироҳатгоҳ корношоям гашта буд.
Ҳоло бо ҷалби техникаи калонҳаҷм сойи канори истироҳатгоҳ тоза, ҳавзи болопӯшида, хонаҳои фароғатӣ, ошхона, айвону дигар иншооти он таъмиру таҷдид гардида, бо оғози мавсими ниҳолшинонӣ дар ҳудуди он беш аз ҳазор бех ниҳолҳои ороишӣ шинонида мешавад.
Дар маҷмуъ дар шаҳри Панҷакент дар доираи нақшаи омодагиҳо ба ҷашни 35- солагии Истиқлоли давлатӣ, зиёда аз 760 иншооти гуногун мавриди истифода қарор гирифтаанд. Ҳоло дар беш аз 220 иншоот, аз ҷумла 48 бинои истиқоматии бисёрошёна бо марказҳои савдо ва хизматрасонӣ, 4 бинои муассисаи тандурустӣ, 14 бинои муассисаи таълимӣ, 2 бинои муасссисаи томактабӣ, 10 корхонаву коргоҳҳои истеҳсолӣ, 4 меҳмонхона, 4 бинои маъмурӣ, 15 иншооти варзишӣ ва дигар иншооти хизматрасонӣ корҳои сохтмонӣ идома доранд.
АКС: Мақомоти иҷроияи маҳаллии ҳокимияти давлатии шаҳри Панҷакент
Дар Суди Олӣ оид ба нақши Конститутсия дар таҳкими давлати демократию ҳуқуқбунёд конференсия баргузор шуд
Бахшида ба Рӯзи Конститутсия бо иштироки судяҳо конфронси ҷумҳуриявии илмӣ-амалӣ баргузор гардид
«КОНСТИТУТСИЯ- ШОҲСУТУНИ ДАВЛАТИ ОБОДИ МО». Таҳти ин унвон дар Кумитаи хоҷагии манзилию коммуналӣ ҳамоиш доир гардид
Ҳаракати навбатии пиряхи Деҳдал мушоҳида гардид
Дар Академияи миллии илмҳо бахшида ба 31-солагии Конститутсия конференсияи илмию амалӣ баргузор шуд
Музаффар Ашуриён: «Конститутсияи Тоҷикистон санади тақдирсоз ва муайянкунандаи сарнавишти халқу миллати мо мебошад»
Дар пойтахт Симпозиуми байналмилалии «Саҳми Абӯалӣ ибни Сино дар рушди илм, фалсафа ва тамаддуни ҷаҳонӣ» идома дорад
Доир ба нақши Конститутсия дар рушди давлатдории миллӣ ҳамоиш баргузор гардид
Моҳи ноябр Тоҷикистонро чӣ гуна ҳаво интизор аст?
Ҳуҷраи кории аввалин президенти Академияи фанҳои Тоҷикистон Садриддин Айнӣ навсозӣ гардид
Дар Душанбе Форуми ёздаҳуми миллӣ оид ба волоияти қонун оғоз гардид
Симпозиуми байналмилалӣ таҳти унвони «Саҳми Абуалӣ ибни Сино дар рушди илм, фалсафа ва тамаддуни ҷаҳонӣ» оғоз гардид
