Бонувони Академияи миллии илмҳо бахшида ба Рӯзи Парчами Тоҷикистон иқдоми тарғиботӣ гузарониданд
ДУШАНБЕ, 20.11.2025 /АМИТ «Ховар»/. Занону духтарони Академияи миллии илмҳои Тоҷикистон таҳти шиори «Рамзҳои муқаддаси давлатӣ-шаъну шарафи миллат» моҳи ноябрро даҳаи арҷгузорӣ ба муқаддасоти миллӣ эълон намуда, дар кӯчаю хиёбонҳои шаҳри Душанбе ба сокинону меҳмонон Парчами давлатӣ туҳфа намуданд.
Тавре АМИТ «Ховар» бо истинод ба Академияи миллии илмҳо хабар медиҳад, мақсаду мароми иқдом — ифодаи меҳру муҳаббат ба рамзҳои муқаддаси миллӣ, ба ватани азиз ва шукргузорӣ аз сиёсати давлат ва Пешвои миллат мебошад.
Бо ифтихор аз рамзҳои давлатӣ занони академия иброз доштанд, ки «мо муҳимияти тарбияи ватандӯстию садоқат ба арзишҳои миллӣ, пайравӣ аз иқдоми созандаи Пешвои миллатро дуруст дарк намуда, содиқона ваъда медиҳем, ки тамоми неруи худро барои рушди неруи зеҳнӣ, илму маорифи миллӣ ва татбиқи идеяҳои Президенти Тоҷикистон муҳтарам Эмомалӣ Раҳмон барои ба насли пешқадам, хирадманд ва накухислат табдил додани духтарони тоҷик сарф менамоем».
Бояд гуфт, ки ҳар сол 24 ноябр дар Ҷумҳурии Тоҷикистон Рӯзи Парчами давлатӣ ҷашн гирифта мешавад. Ҳоло Парчами давлати соҳибистиқлоли Тоҷикистон дар радифи парчамҳои давлатии дигар кишварҳои олам дар созмонҳои бузурги байналмилалӣ парафшон мебошад. Ин ҳолат дар баробари эҳсоси ифтихор масъулияти ҳар фарди ҷомеаро баланд мебардорад.
Эҳтироми Парчами давлатӣ ва дигар муқаддасоти миллӣ ҳамчун рамзҳои муқаддаси давлати соҳибистиқлол аз ҷумлаи вазифаҳои пурифтихор ва қарзи виҷдонию инсонии ҳар шаҳрванд дар дохил ва хориҷи мамлакат ба ҳисоб меравад.
АКС: Академияи миллии илмҳои Тоҷикистон
ПУРСИДЕД, ҶАВОБ МЕДИҲЕМ. Дар кадом ҳолатҳо муҳоҷирон ба рӯйхати шахсони назоратшаванда ворид мешаванд?
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
Истифодаи барномаи «Амина» барои шаҳрвандони хориҷие, ки ба Русия бе раводид ворид мешаванд, ҳатмӣ мегардад
ТАВСИЯҲОИ МУФИД. Доир ба тарзи нави захира кардани меваҷоту сабзавот барои фасли зимистон
«ЭЪЛОМИЯИ ҲУҚУҚИ БАШАР». Таҳти чунин унвон ҳамоиши ҷумҳуриявӣ доир гардид
Китоби Пешвои миллат Эмомалӣ Раҳмон таҳти унвони «Ҳизби Халқии Демократии Тоҷикистон ва марҳилаҳои рушди Тоҷикистони соҳибистиқлол» рӯнамоӣ гардид
Дар Хадамоти иҷро оид ба татбиқи хизматрасониҳои электронӣ машварати омӯзишӣ доир гардид
Тақвияти ҳамкории Тоҷикистон ва Британияи Кабир дар соҳаи муҳоҷирати меҳнатии бехатар баррасӣ шуд
Дар фурудгоҳҳои байналмилалии Тоҷикистон оид ба муҳоҷирати меҳнатии қонунӣ ва бехатар корҳои фаҳмондадиҳӣ гузаронида шуданд
Дар Тоҷикистон Даҳаи дастгирии шири модар оғоз гардидааст
«ҲУҚУҚ БА САЛОМАТӢ». Таҳти чунин унвон озмуни байналмилалӣ доир мегардад
