Дар Душанбе аввалин Муколамаи стратегӣ дар сатҳи вазирони корҳои хориҷии Тоҷикистону Чин баргузор гардид
ДУШАНБЕ, 22.11.2025 /АМИТ «Ховар»/. 22 ноябри соли 2025 дар шаҳри Душанбе ҷаласаи нахустини Муколамаи стратегӣ дар сатҳи вазирони корҳои хориҷии Ҷумҳурии Тоҷикистон ва Ҷумҳурии Мардумии Чин баргузор гардид. Дар ин хусус ба АМИТ «Ховар» аз Вазорати корҳои хориҷии Ҷумҳурии Тоҷикистон хабар доданд.
Зимни гуфтушунидҳо, ки дар фазои ҳусни тафоҳум ва дӯстии анъанавӣ сурат гирифтанд, вазирон аҳаммияти татбиқи саривақтии тавофуқоти бадастомадаи роҳбарони ду кишвар дар солҳои 2024–2025, инчунин санадҳои дуҷонибаи ба имзо расида дар натиҷаи ин мулоқотҳои сатҳи олӣ таъкид намуданд.
Инчунин сатҳи баланди ҳамкорҳои ҳамаҷонибаи стратегии ду кишвар дар самтҳои мухталифи ҳамкориҳои мутақобилан судманд таъкид гардид.
Ҷонибҳо ҳамчунин ба рушду тақвияти ҳамкориҳои ҳамаҷонибаи судманд дар тамоми соҳаҳои авлавиятнок, аз ҷумла тиҷорат, иқтисод, сармоягузорӣ, саноат, энергетика, нақлиёт, соҳаи аграрӣ, иқтисоди рақамӣ ва тиҷорати электронӣ, технологияҳои инноватсионӣ ва зеҳни сунъӣ, экология ва иқтисоди сабз, амният ва дигар самтҳо таваҷҷуҳи хоса зоҳир гардид.
Дар доираи Муколамаи стратегӣ роҳҳои рушди баъдӣ ва тавсеаи ҳамкориҳои дуҷониба дар соҳаҳои фарҳангӣ ва гуманитарӣ низ мавриди баррасӣ қарор гирифтанд.
Дар мулоқот ҳамчунин оид ба масъалаҳои муҳимми минтақавӣ ва байналмилалӣ табодули афкор сурат гирифт.
Дар навбати худ, ҷониби Тоҷикистон таъкид намуд, ки айни замон раванди баррасии созандаи масъалаи имзои «Конвенсия дар бораи таъсиси созмони Байналмилалии миенаравӣ» аз ҷониби Ҷумҳурии Тоҷикистон идома дорад.
Дар фарҷом вазирони корҳои хориҷӣ Изҳороти муштараки нишасти нахустини Муколамаро ба имзо расониданд.
Механизми Муколамаи Стратегӣ дар сатҳи вазирони корҳои хориҷӣ дар асоси мувофиқаҳои бадастомада байни сарони кишварҳои Тоҷикистону Чин ва Ёддошти тафоҳуми байни вазоратoҳи корҳои хориҷии ду кишвар оид ба таъсиси механизми ҳамкориҳои вазирони корҳои хориҷии ду кишвар, ки моҳи июни соли 2025 ба имзо расида буд, таъсис гардид.
АКС: АМИТ «Ховар»
Нишасти 5-уми Гурӯҳи кории муштараки Тоҷикистону Ҳиндустон оид ба мубориза бар зидди терроризм доир шуд
Ҳамкории Тоҷикистон бо Иттиҳоди байналмилалии алоқа дар соҳаи технологияҳои рақамӣ густариш меёбад
Иҷлосияи шастуми Комиссияи СММ оид ба аҳолӣ ва рушд таҳти раёсати Тоҷикистон мегузарад
Дастовардҳои Тоҷикистон дар рушди сайёҳии экологӣ дар Боку муаррифӣ гардид
Тоҷикистон ҳамоҳангсози Гурӯҳи кишварҳои рӯ ба тараққии маҳсур дар хушкӣ интихоб гардид
Сафири Тоҷикистон бо намояндагони ширкати нассоҷии швейтсарии Rieter AG мулоқот намуд
Сафари расмии Сарвазири Гурҷистон Ираклий Кобахидзе дар Ҷумҳурии Тоҷикистон ба анҷом расид
Дар Душанбе мулоқоти вазирони корҳои хориҷии Тоҷикистону Гурҷистон доир гардид
Маросими имзои санадҳои нави ҳамкорӣ миёни Тоҷикистон ва Гурҷистон
Музокироти расмии Тоҷикистону Гурҷистон баргузор шуд
Сарвазири Гурҷистон Ираклий Кобахидзе дар пояи муҷассамаи асосгузори давлати тоҷикон Исмоили Сомонӣ гулчанбар гузошт
Сарвазири Гурҷистон Ираклий Кобахидзе бо сафари расмӣ ба Тоҷикистон ташриф овард
