Дар Кувайт ҷашнҳои давлатии Тоҷикистон таҷлил гардиданд
ДУШАНБЕ, 20.11.2025 /АМИТ «Ховар»/. 18 ноябр шаҳри Ал-Кувайти Давлати Кувайт бахшида ба рӯзҳои Истиқлоли давлатӣ, Конститутсия ва Рӯзи Президенти Ҷумҳурии Тоҷикистон ҳамоиши тантанавӣ баргузор карда шуд.
Тавре ба АМИТ «Ховар» аз Сафорати Тоҷикистон дар Давлати Кувайт хабар доданд, дар ҳамоиш намояндагони вазорату идораҳои Давлати Кувайт, намояндагони баландпояи Девони амирӣ, роҳбарони намояндагиҳои дипломатӣ ва созмонҳои байналмилалии муқим, ширкатҳои сайёҳӣ, тоҷикони муқими Кувайт, донишҷӯён ва доираи васеи васоити ахбори омма ҳузур доштанд.
Дар макони чорабинӣ гӯшаҳои махсус, аз ҷумла гӯшаи Президенти Ҷумҳурии Тоҷикистон, Конститутсияи Ҷумҳурии Тоҷикистон ва гӯшаи сайёҳӣ ва хӯрокҳои миллӣ бо шиору овезаҳои ҷашнӣ, китобҳо, манзараҳо ва маҳсулоти ҳунарҳои мардумӣ, меваҳои тару тоза, хушкмева, нону кулча, анвои гуногуни таомҳои миллӣ оро дода шуданд. Ҳамзамон ба меҳмонон оид ба дастовардҳои даврони Истиқлол, хидматҳои бузурги таърихӣ ва ташаббусҳои байналмилалии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар таҳким ва ташаккули давлатдории миллӣ ва рӯйдодҳои муҳимму сарнавиштсози таърихи навини тоҷикон наворҳои кӯтоҳ ба маъраз гузошта шуд.
Сафири Фавқулода ва Мухтори Ҷумҳурии Тоҷикистон дар Давлати Кувайт Зубайдулло Зубайдзода, оид ба ба аҳаммият ва арзишҳои ин санаҳои таърихӣ дар назди ҳозирин сухан гуфта, дастовардҳо ва нақши Пешвои миллат дар барқарор намудани сулҳу суботи комил, ваҳдату пойдории миллӣ, инкишофи иқтисодиву иҷтимоӣ ва тарҳрезӣ ва пешбурди сиёсати хориҷии муваффақ таъкид намуд.
Таъкид гардид, ки маҳз бо роҳбарии Пешвои миллат муҳтарам Эмомалӣ Раҳмон сиёсати хориҷии мо дар тақвияти давлатдорӣ, таҳкими мавқеъ ва пешбурди манфиатҳои миллии мамлакат дар арсаи байналмилалӣ рушд ёфта имрӯз, истиқлолияти Тоҷикистонро 192 кившар расман эътироф ва 186 кишвар бо мо робитаи дипломатӣ барқарор кардаанд.
Ҳамзамон дар рафти чорабинӣ бозии бурднок тавассути қуръакашӣ ба мақсади муаррифӣ намудани иқтидор ва имконоти сайёҳӣ ва сармоягузории кишвар аз ҷониби ширкати ҳавоии ALJAZEERA ду адад чиптаҳои рафтубаргашти ройгон дар масири Ал-Кувайт -Душанбе барои меҳмонон гузаронида шуд.
АКС: Сафорати Ҷумҳурии Тоҷикистон дар Давлати Кувайт
Дар ноҳияи Деваштич иншооти гуногуни иҷтимоӣ ба истифода дода шуданд
Президенти Ҷумҳурии Тоҷикистон Эмомалӣ Раҳмон дар шаҳри Хуҷанд тарабхонаи «Форел Платинум»-ро мавриди истифода қарор доданд
Пешвои миллат Эмомалӣ Раҳмон дар минтақаи озоди иқтисодии Суғд корхонаи нӯшокиҳои ташнагишикани ҶДММ «Райан»-ро ба истифода доданд
Президенти Ҷумҳурии Тоҷикистон Эмомалӣ Раҳмон дар ноҳияи Деваштич муассисаи таҳсилоти миёнаи умумии №70-ро мавриди баҳрабардорӣ қарор доданд
Сарвари давлат Эмомалӣ Раҳмон дар ноҳияи Деваштич корхонаи коркарди меваю сабзавот ва истеҳсоли афшураи ҶДММ «Витаминҳои Тоҷикистон»-ро мавриди баҳрабардорӣ қарор доданд
Президенти Ҷумҳурии Тоҷикистон Эмомалӣ Раҳмон ба таври фосилавӣ дар шаҳри Истаравшан 12 иншоотро мавриди истифода қарор доданд
Пешвои миллат Эмомалӣ Раҳмон дар шаҳри Истаравшан бинои маҷмааи миллии соҳибкории «Роҳи Абрешим»-ро мавриди истифода қарор доданд
Сарвари давлат Эмомалӣ Раҳмон дар ноҳияи Шаҳристон дар Иди картошка иштирок намуданд
Сарвари давлат Эмомалӣ Раҳмон дар ноҳияи Шаҳристон барои бунёди 2 корхона санги асос гузоштанд
Президенти Ҷумҳурии Тоҷикистон Эмомалӣ Раҳмон дар ноҳияи Шаҳристон муассисаи таълимии хусусии литсейи «Идрок»-ро ифтитоҳ намуданд
Пешвои миллат Эмомалӣ Раҳмон ба таври фосилавӣ дар ноҳияҳои Шаҳристон ва Айнӣ 9 иншоотро мавриди истифода қарор доданд
Сарвари давлат Эмомалӣ Раҳмон дар ноҳияи Шаҳристон муассисаи таҳсилоти томактабии хусусии «Ғунчаи баҳор»-ро ба истифода доданд
