Дар шаҳри Даҳва ҷалби маблағгузории Қатарӣ барои татбиқи лоиҳаҳои афзалиятноки Тоҷикистон баррасӣ шуд
ДУШАНБЕ, 06.11.2025 /АМИТ «Ховар»/. 6 ноябр дар шаҳри Даҳваи Давлати Қатар мулоқоти Вазирони молияи Ҷумҳурии Тоҷикистон ва Давлати Қатар Файзиддин Қаҳҳорзода ва Алӣ бин Аҳмад Ал — Куварӣ баргузор гардид, хабар доданд ба АМИТ «Ховар» аз Вазорати молияи Ҷумҳурии Тоҷикистон.
Зимни мулоқот ҷонибҳо масъалаҳои ҷалби маблағгузории Қатарӣ барои татбиқи лоиҳаҳои афзалиятноки Тоҷикистон, бахусус Неругоҳи барқи обии «Роғун» баррасӣ намуданд.
Вазири молияи Тоҷикистон вобаста ба рушди иқтисодии мамлакат, бахусус нишондиҳандаҳои асосии макроиқтисодии кишвар маълумоти муфассал пешниҳод намуда, аҳамияти стратегӣ ва раванди сохтмони лоиҳаи афзалиятноки кишвар — НБО “Роғун” -ро муаррифӣ намуд.
Ҳамзамон, нақши лоиҳаи мазкур дар таъмини амнияти энергетикии натанҳо Тоҷикистон, балки минтақаи Осиёи Марказӣ, афзоиши иқтидори содироти нерӯи барқ ва таъсири иҷтимоию иқтисодӣ таъкид гардида, даъват ба амал оварда шуд, ки ниҳодҳои дахлдори Давлати Қатар ҷиҳати идомаи сохтмони иншооти НБО «Роғун» маблағгузории иловагӣ намоянд.
Вазири молияи Қатар омодагии худро ҷиҳати мусоидат ба мақомоти дахлдори Қатарӣ, аз ҷумла Фонди Қатар оид ба рушд (QFFD) ва Бонки Қатарии рушд (QDB) барои маблағгузорӣ намудан ба лоиҳаҳои афзалиятноки Тоҷикистон, махсусан НБО Роғун, баён намуд.
Бояд таъкид намуд, ки Фонди Қатар оид ба рушд дар баробари 12 ташкилоти бонуфузи байналмилалӣ дар идомаи сохтмони НБО “Роғун” сармоягузорӣ намудааст.
АКС: Вазорати молияи Ҷумҳурии Тоҷикистон
Дар ҷумҳурӣ «Стратегияи миллии мутобиқшавӣ ба тағйирёбии иқлими Ҷумҳурии Тоҷикистон барои давраи то соли 2030» татбиқ мегардад
Созишномаи маблағгузории лоиҳаи «Дастрасӣ ба бозорҳо ва мутобиқшавӣ ба чорводорӣ» ба имзо расид
Ҳамкории Тоҷикистон бо СММ дар самти инноватсия ва зеҳни сунъӣ густариш меёбад
РАВАНДИ ОБИ ДУШАНБЕ. Президенти Тоҷикистон пешниҳод намуданд, ки «Чаҳорчӯби Душанбе барои об» таъсис дода шавад
Ҳоким Холиқзода бо муовини якуми Президенти Бонки аврупоии таҷдид ва рушд Марк Боуман мулоқот намуд
Кормандони Агентии авиатсияи гражданӣ дар Осорхонаи миллӣ бо мероси таърихию фарҳангии ниёгон шинос шуданд
Ҳайати Тоҷикистон дар Форуми байналмилалии M360 Eurasia 2026 масъалаҳои рушди рақамиро баррасӣ намуд
Тоҷикистон тасмим гирифтааст, ки то соли 2040 дастрасии ҳадди ақалл 90 фоизи аҳолиро ба оби мутамарказ таъмин намояд
Татбиқи лоиҳаҳои иҷтимоию иқтисодӣ дар Тоҷикистон бо Бонки аврупоии таҷдид ва рушд баррасӣ гардид
Эмомалӣ Раҳмон: «Тоҷикистон тасмим гирифтааст, ки то соли 2040 рақамикунонии мудирияти захираҳои обро то 80 фоиз афзоиш диҳад»
РАВАНДИ ОБИ ДУШАНБЕ. Дар намоишгоҳи байналмилалӣ иқтидори обию энергетикӣ ва шаҳсозии Тоҷикистон муаррифӣ гардид
РАВАНДИ ОБИ ДУШАНБЕ. Дар Душанбе таҳти унвони «Об — манбаи ҳаёти инсоният» Фестивали об ва барномаи фарҳангӣ доир шуд
