Директори Маркази тадқиқоти стратегӣ дар Симпозиуми байналмилалӣ иштирок намуд
ДУШАНБЕ, 20.11.2025 /АМИТ «Ховар»/. 18–19 ноябр дар Пекин таҳти унвони «Бунёди муштарак ва босифати ташаббуси «Як камарбанд, як роҳ»: консепсияҳо ва амал» симпозиуми байналмилалӣ баргузор гардид, ки дар он директори Маркази тадқиқоти стратегии назди Президенти Ҷумҳурии Тоҷикистон Хайриддин Усмонзода иштирок ва суханронӣ намуд. Дар ин хусус ба АМИТ «Ховар» аз хадамоти матбуоти Маркази тадқиқоти стратегии назди Президенти Ҷумҳурии Тоҷикистон хабар доданд.
Симпозиум бо ташаббуси Институти Русия, Аврупои Шарқӣ ва Осиёи Марказии назди Академияи илмҳои ҷамъиятии Чин ташкил шуда, коршиносон, муҳаққиқон ва намояндагони кишварҳои гуногун, ки дар татбиқи ин ташаббусҳо саҳм доранд, иштирок намуданд.
Барномаи симпозиум аз якчанд бахш иборат буд, ки ба самтҳои асосии татбиқи ташаббуси «Як камарбанд, як роҳ» бахшида шуда буданд. Иштирокчиён идоракунии глобалӣ, дурнамои ҳамкории амалӣ, таъсири иҷтимоию иқтисодии ин ташаббус ва аҳамияти мубодилаи фарҳангиро баррасӣ карданд.
Дар симпозиум Хайриддин Усмонзода аҳамияти ташаббуси Чин оид ба идоракунии глобалиро, ки дар саммити Созмони ҳамкории Шанхай пешниҳод шудааст, ҳамчунин муҳимияти мутобиқсозии сохторҳои байналмилалиро ба таҳдидҳои муосир таъкид кард. Ба назари мавсуф, ташаббусҳои глобалии Чин ба рушди инсоният такони нави зеҳнӣ мебахшанд ва нақши Созмони ҳамкории Шанхайро дар равандҳои ҷаҳонӣ тақвият медиҳанд.
Хайриддин Усмонзода рушди фаъолонаи ҳамкории Тоҷикистону Чин, хусусан дар соҳаҳои саноат ва сармоягузориро таъкид намуд. Директори Маркази тадқиқоти стратегии Тоҷикистон махсусан оид ба сармоягузориҳои назарраси Чин дар соҳаи истихроҷи маъдани мамлакат, аз ҷумла татбиқи лоиҳаҳои бузург дар шаҳри Истиқлол ба маблағи умумии зиёда аз 600 миллион доллар, ҳамчунин нақшаҳо оид ба густариши минбаъда ва татбиқи технологияҳои муосир маълумот дод.
Таъкид гардид, ки кишварҳои Осиёи Марказӣ ба марҳилаи нави рушд ворид мешаванд ва дастгирии ташаббусҳои Чин бори дигар мувофиқати онҳоро ба талаботи замон дар шароити муосир собит мекунад.
АКС: Хадамоти матбуоти Маркази тадқиқоти стратегии назди Президенти Ҷумҳурии Тоҷикистон
Ҳайатҳои вазоратҳои корҳои хориҷии Тоҷикистон ва Лаос мулоқот намуданд
Интишори мусоҳибаи сафири Тоҷикистон дар Кувайт дар рӯзномаи кувайтии «Алҷарида»
Рӯзномаи «The Times Kuwait» мусоҳибаи сафири Тоҷикистонро нашр намуд
Сафири Тоҷикистон бо ҳамватанони муқими Ҷумҳурии Чехия мулоқот намуд
Дар Женева ҷаласаи махсус таҳти унвони «Афзалиятҳои рушди савдо барои кишварҳои рӯ ба тараққии маҳсур дар хушкӣ» баргузор гардид
Сафири Тоҷикистон дар Ҳамоиши байналмилалии «Ҳафтаи оби Қоҳира-2026» иштирок намуд
Сафири Тоҷикистон бо Дабири кулли Вазорати федералии молияи Австрия мулоқот намуд
Ҷаласаи 26-уми Кумитаи роҳбарони воҳидҳои ҳифзи ҳуқуқи Шурои роҳбарони хадамотҳои гумруки давлатҳои иштирокдори ИДМ баргузор гардид
Дар Вашингтон масъалаи омодагӣ ба Форуми сеюми соҳибкории кишварҳои Осиёи Марказӣ ва Амрико баррасӣ гардид
Дар Минск ҷаласаи навбатии Шурои намояндагони ваколатдории доимии ИДМ баргузор гардид
Ҳамкории судманди Тоҷикистон ва Миср баррасӣ гардид
Дар Москва ба хотири гиромидошти Шоири халқии Тоҷикистон Лоиқ Шералӣ маҳфили адабӣ доир шуд
