Иҷрои дурнамои кишти зироати кишоварзӣ дар вилояти Хатлон баррасӣ гардид
ДУШАНБЕ, 20.11.2025 /АМИТ «Ховар»/. 18 ноябр зимни машварат дар Мақомоти иҷроияи ҳокимияти давлатии вилояти Хатлон масъалаи иҷрои дурнамои кишти зироати кишоварзӣ, махсусан картошка ва пахта барои ҳосили соли 2026 мавриди баррасӣ қарор дода шуд. Дар ин хусус АМИТ «Ховар» бо истинод ба Кумитаи давлатии идораи замин ва геодезии Ҷумҳурии Тоҷикистон хабар медиҳад.
Дар машварат раиси Кумитаи давлатии идораи замин ва геодезӣ Ориф Хоҷазода ва сардори Раёсати кишоварзӣ ва ҳифзи муҳити зисти Дастгоҳи иҷроияи Президенти Ҷумҳурии Тоҷикистон Салим Салимзода вазъи истифодаи замин, ҳосилнокии зироати кишоварзӣ, мувофиқи дурнамои тасдиқгардида кишт намудани зироати кишоварзӣ, ҳолатҳои вайронкунии қонунгузории замин ва дигар масъалаҳои марбут ба соҳаро мавриди таҳлил қарор доданд. Масъулин ҳамчунин барои бартараф намудани камбудиҳои ҷойдошта вазифадор гардиданд.
Таъкид шуд, ки дар шаҳру ноҳияҳои вилоят бояд гурӯҳҳои кории байниидоравӣ таъсис дода шаванд. Инчунин шакли ягонаи маълумотнома оид ба дурнамои кишти зироат ба заминистифодабарандагон бояд дастрас карда шавад.
Масъулин барои истифодаи самараноку оқилонаи заминҳо, махсусан заминҳои корами обӣ, ба гардиши кишоварзӣ ворид намудани заминҳои холимондаю партов, риояи агротехникии кишти зироати кишоварзӣ ва баланд бардоштани ҳосилнокии заминҳо дастур гирифтанд.
АКС: Кумитаи давлатии идораи замин ва геодезии Ҷумҳурии Тоҷикистон
Дар Душанбе Маркази минтақавии омӯзиш ва мониторинги пиряхҳо ва криосфераи Осиёи Марказӣ таъсис меёбад
Осонкунии ҳаракати воситаҳои нақлиёт тавассути сарҳади гумрукии Тоҷикистон ва Узбекистон баррасӣ гардид
«СУҒД-2026». Дар шаҳри Хуҷанд Намоишгоҳи байналмилалии савдо баргузор мешавад
Ҳукумати Тоҷикистон барориши вомбаргҳои «сабз»-ро амалӣ менамояд
Дар Душанбе Форуми дуҷонибаи соҳибкорӣ баргузор гардид
Дар доираи RES-2026 дар Остона таҳкими ҳамкории Тоҷикистон ва Қазоқистон дар соҳаи энергетика баррасӣ шуд
Эмомалӣ Раҳмон: «Дар Тоҷикистон дар доираи Барномаи давлатии сабзкорӣ то соли 2040 беш аз 1 миллиард бех дарахт шинонида мешавад»
Байни вилояти Суғди Тоҷикистон ва вилояти Могилёви Беларус Харитаи роҳ оид ба ҳамкории дуҷониба ба имзо расид
Маркази илмии саратоншиносии ҷумҳуриявӣ дар шаҳри Душанбе бо таҷҳизоти ташхисии соҳавӣ муҷаҳҳаз гардонида мешавад
Дар Бадахшон беш аз 1 тонна молу маҳсулоти пастсифат ва муҳлатгузашта нобуд карда шуд
Намояндагони Бонки миллии Тоҷикистон ва Бонки ҷаҳонӣ масъалаҳои марбут ба идоракунии захираҳои байналмилалиро баррасӣ намуданд
Роҳбарияти Бонки миллии Тоҷикистон дар Вашингтон дар Форуми баландпоя оид ба идоракунии дороиҳо ва захираҳои байналмилалӣ иштирок намуд
