Намояндаи Тоҷикистон дар ҷаласаи Ташаббуси СММ 80 иштирок намуд
ДУШАНБЕ, 20.11.2025 /АМИТ «Ховар»/. Намояндаи доимии Ҷумҳурии Тоҷикистон дар Созмони Милали Муттаҳид ва Раиси Шурои иҷроияи ЮНИСЕФ Ҷонибек Ҳикмат дар ҷаласаи роҳбарони шуроҳои иҷроияи ЮНИСЕФ, СММ-занон (UN-Women), Барномаи Рушди СММ/Фонди аҳолии СММ/Дафтари СММ оид ба лоиҳа ва хизматрасониҳо (UNDP/UNFPA/UNOPS) ва Барномаи ҷаҳонии озуқа (WFP) оид ба Ташаббуси СММ 80 иштирок намуд.
Тавре ба АМИТ «Ховар» аз Намояндагии доимии Ҷумҳурии Тоҷикистон дар Созмони Милали Муттаҳид хабар доданд, дар ҷаласа, ки ба таври ҳузурӣ ва маҷозӣ дар бинои ЮНИСЕФ дар шаҳри Ню-Йорк баргузор гардид, ҳамраисони гурӯҳи кории ғайрирасмӣ оид ба Баррасии иҷрои мандатҳо (Workstream 2)- Брайан Уоллес, намояндаи доимии Ямайка ва Кэролин Швалгер, намояндаи доимии Зеландияи Нав дар Созмони Милали Муттаҳид иштирок намуданд.
Нишаст роҳбарони шуроҳои иҷроия ва намояндагони сохторҳои Созмони Милали Муттаҳидро ба ҳам оварда, аҳдофи пешниҳодҳо ва Нақшаи амали Дабири кулли Созмони Милали Муттаҳид оид ба Ташаббуси СММ 80-ро баррасӣ намуд. Иштироккунандагон роҷеъ ба ҷанбаҳои асосии раванди ислоҳот, аз ҷумла тақвияти ҳамоҳангсозии гуманитарӣ, густариши хадамоти муштарак ва беҳтарсозии ҳамгироии маълумот дар тамоми низоми Созмони Милали Муттаҳид мубодилаи афкор намуданд.
Намояндаи доимии Тоҷикистон зарурати пешбурди ислоҳоти амалию муассирро таъкид намуда, нақши ЮНИСЕФ-ро дар ҳамраисӣ ва пешбурди корҳои марбут ба маълумоти ягонаи низоми Созмони Милали Муттаҳид дар асоси Нақшаи амал иброз дошт.
Ҷонибек Ҳикмат аҳамияти идомаи ҳамкории густурда байни ниҳодҳо ва шуроҳои иҷроияро ҳангоми пешбурди раванди Ташаббуси СММ 80 таъкид намуд.
АКС: Намояндагии доимии Ҷумҳурии Тоҷикистон дар Созмони Милали Муттаҳид
Ҳамкории дуҷонибаи Тоҷикистону Умон баррасӣ гардид
Сафири Тоҷикистон бо раиси Палатаи савдо ва саноати Салтанати Умон мулоқот намуд
Ҳамкории Тоҷикистон ва Эрон дар соҳаи илму фарҳанг баррасӣ шуд
Дар Берлин консерти ансамбли «Моҳирон» дар доираи фестивали байналмилалии Young Euro Classic баргузор гардид
Ҳамкории Тоҷикистону Кувайт дар соҳаи ҳуқуқи инсон баррасӣ шуд
Дар Кувайт ҳамкорӣ ва ҳамоҳангсозӣ дар самти консулӣ байни Тоҷикистон ва Давлати Кувайт баррасӣ гардид
Дар Вена масъалаҳои таҳкими ҳамкории илмӣ-фарҳангии Тоҷикистон ва Австрия баррасӣ гардиданд
Сироҷиддин Муҳриддин бо ҳамоҳангсози доимии СММ дар Тоҷикистон мулоқот намуд
Дар Анқара машваратҳои сиёсӣ байни вазоратҳои корҳои хориҷии Тоҷикистон ва Туркия баргузор шуданд
Масоили ҳамкорӣ дар соҳаи моликияти зеҳнӣ байни Тоҷикистон ва Корея баррасӣ гардид
Дар Теҳрон ҳамкории дуҷониба байни Тоҷикистон ва Эрон баррасӣ шуд
Сафири Тоҷикистон бо Вазири давлатии вазорати федералии корҳои хориҷии Олмон оид ба корҳои Аврупо мулоқот намуд
