Оид ба муоширати бисёрфарҳангӣ, нақши забонҳо, адабиёт ва илм дар рушди ҷомеаи муосир конфронси байналмилалӣ доир шуд
ДУШАНБЕ, 22.11.2025 /АМИТ «Ховар»/. Дар Донишгоҳи байналмилалии забонҳои хориҷии Тоҷикистон ба номи Сотим Улуғзода таҳти унвони «Муоширати бисёрфарҳангӣ, нақши забонҳо, адабиёт ва илм дар рушди ҷомеаи муосир» конференсияи байналмилалии илмӣ-амалӣ баргузор шуд.
Тавре аз ин донишгоҳ ба АМИТ «Ховар» хабар доданд, дар конфронс мушовири калони бахши Ёрдамчии Президенти Ҷумҳурии Тоҷикистон оид ба рушди иҷтимоӣ ва робита бо ҷомеа Масрур Абдуллозода ва олимону донишмандони сатҳи байналмилалӣ аз Федератсияи Русия, Узбекистон ва Қазоқистон ба таври ҳузурӣ ва маҷозӣ иштирок намуданд.
Масрур Абдуллозода иброз намуд, ки баррасии бисёрфарҳангӣ ва забону адабиёт яке аз мавзуъҳое мебошад, ки бояд мавриди таваҷҷуҳи аҳли илм қарор гирад ва беҳтарин бозёфтҳо барои насли нав пешниҳод карда шаванд. Бо ин роҳ ҷавонон бо асли худ ва забону адабиёти пурғановати хеш бештар шиносоӣ пайдо менамоянд.
Дар замони ҷаҳонишавӣ ва рушди босуръати иттилоотӣ масъалаи муоширати бисёрфарҳангӣ ва нақши забонҳо, адабиёт ва илм дар ҷомеаи муосир аҳамияти муҳим дорад. Забон на танҳо воситаи муошират, балки оинаи фарҳанг ва таҷассумгари тафаккури миллӣ мебошад. Омӯзиши забонҳои гуногун ва шиносоӣ бо адабиёти гуногуни миллӣ ва ҷаҳонӣ имкон медиҳад, ки одамон ба маърифати фарҳангии васеъ даст ёбанд ва ҳамзамон қобилияти ҳамкорӣ ва ҳамдардӣ байни фарҳангҳо зиёд гардад.
Таъкид шуд, ки омӯзиши илм ва адабиёт ба насли ҷавон имкон медиҳад, ки ба қадри мероси фарҳангии худ расида, ҳамзамон бо арзишҳои ҷаҳонӣ шинос шаванд. Муоширати бисёрфарҳангӣ, ки забонҳои гуногун ва манфиатҳои фарҳангиро муттаҳид мекунад, на танҳо асоси ҳамкории байналмилалӣ аст, балки барои рушду таҳкими ҷомеаи муосир, таҳкими мафкураи демократӣ ва ташаккули афкори эҷодӣ нақши калидӣ мебозад.
«Рушди ҷомеаи муосир бо омезиши забон, адабиёт ва илм сахт алоқаманд буда, ба ҳалли мушкилоти ҷаҳонӣ ва тақвияти робитаҳои фарҳангӣ мусоидат мекунад. Ҳамкории байналмилалӣ ва шиносоӣ бо бисёрфарҳангӣ заминаи устувори пешрафти маънавӣ ва иҷтимоии ҷомеа мебошад»,-баён гардид дар конфронс.
АКС: Донишгоҳи забонҳои хориҷии Тоҷикистон ба номи Сотим Улуғзода
Иштирокчиёни Симпозиуми байналмилалии Хутали қадим бо ҳафриёти бостоншиносӣ дар шаҳристони Ҳулбук шинос мешаванд
ИМРӮЗ — РӮЗИ ШАШМАҚОМ. Дар Суғд таҳти унвони «Ушшоқи Раҳмонӣ» фестивал–озмуни байналмилалӣ доир шуд
Имрӯз дар Бохтар Симпозиуми байналмилалии «Хутали қадим — пойгоҳи зуҳури забони тоҷикӣ-форсӣ ва тамаддуни бостонии Осиёи Марказӣ» оғоз мегардад
«Барномаи давлатии рушди адабиёти бачагона дар Ҷумҳурии Тоҷикистон барои солҳои 2026-2030» таҳия мегардад
Имрӯз дар Душанбе ғолибони Фестивал-озмуни «Як матову сад ранг» муайян мегарданд
ЁДИ ШОИР. Дар Ҳисор ба ифтихори 115-солагии Шоири халқии Тоҷикистон Мирзо Турсунзода маҳфили адабӣ доир шуд
7 МАЙ — РӮЗИ ТЕЛЕВИЗИОН, РАДИО ВА КОРМАНДОНИ СОҲАИ АЛОҚА. Рушди соҳаи иттилоот ва алоқа дар Тоҷикистон ба рақамикунонии миллӣ равона гардидааст
Масъалаи баргузории Рӯзҳои фарҳанги Покистон дар Тоҷикистон баррасӣ карда шуд
Намояндаи САҲА оид ба озодии ВАО Ян Браату: Дастрасӣ ба иттилои расмӣ дар Ҷумҳурии Тоҷикистон дар сатҳи баланд аст
«ХУТТАЛИ ҚАДИМ…». Ба муносибати 35–солагии Истиқлоли давлатии Тоҷикистон маҷмуаи илмӣ аз чоп баромад
Дар ноҳияи Рӯдакӣ таҳти унвони «Тоҷикона мепӯшем!» ҳамоиши занону духтарон баргузор гардид
