Вакили Маҷлиси намояндагон дар ҷаласаи 23-юми тирамоҳии Ассамблеяи парлумонии САҲА иштирок дорад

ДУШАНБЕ, 17.11.2025 /АМИТ «Ховар»/. Раиси кумитаи Маҷлиси намояндагони Маҷлиси Олӣ оид ба корҳои байналмилалӣ, иттиҳодияҳои ҷамъиятӣ ва иттилоот Маҳмадшоҳ Гулзода дар ҷаласаи 23-юми тирамоҳии Ассамблеяи парлумонии Созмони амният ва ҳамкорӣ дар Аврупо дар шаҳри Истанбули Ҷумҳурии Туркия иштирок  дорад. Дар ин хусус ба АМИТ «Ховар» аз Маҷлиси намояндагон хабар доданд.

Рӯзномаи кории ҷаласа, ки онро Маҷлиси бузурги миллии Туркия мизбонӣ менамояд, баргузории конфронси парлумонӣ таҳти унвони «50 соли САҲА: Эҳёи бисёрҷониба тавассути муколама ва ҳамкорӣ», инчунин Форуми баҳри Миёназамин ва ҷаласаи кумитаи доимиро дар бар мегирад.

Зимни баргузории ҷаласа вакилони парлумонҳои кишварҳои аъзои Созмони амният ва ҳамкорӣ дар Аврупо ба тақвияти муколама ва эътимоди сиёсӣ, тиҷорати ҷаҳонӣ, пайвастагӣ ва рушди устувор, эҳтиром ба ҳуқуқи инсон ва дастгирии арзишҳои оилавӣ таваҷҷуҳ зоҳир менамоянд.

         АКС: Маҷлиси намояндагони Маҷлиси Олии Ҷумҳурии Тоҷикистон