Ба тарбиятгирандагони Хонаи кӯдакон ва Мактаб-интернати шаҳри Исфара туҳфаҳои Президенти Тоҷикистон тақдим гардиданд
ДУШАНБЕ, 30.12.2025 /АМИТ «Ховар»/. Барои 91 нафар тарбиятгирандагони Хонаи кӯдакон ва Мактаб-интернат барои кӯдакони қувваи босираашон суст ва зарири шаҳри Исфара дастархони идона ороста шуда, туҳфаҳои Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон, ки аз маҷмуи сару либос, пойафзол ва шириниҳо иборат буданд, тақдим гардид.
Тавре аз Мақомоти иҷроияи ҳокимияти давлатии шаҳри Исфара ба АМИТ «Ховар» иттилоъ доданд, дастгирии ятимону бепарасторон, маъюбону барҷомондагон ва оилаҳои ниёзманд дар сиёсати иҷтимоии Ҳукумати мамлакат мақоми меҳварӣ дошта, Президенти Ҷумҳурии Тоҷикистон муҳтарам Эмомалӣ Раҳмон ҳамеша дар ҳаққи чунин нафарон ғамхорӣ зоҳир менамоянд.
Иброз гардид, ки имрӯз таваҷҷуҳи Ҳукумати Ҷумҳурии Тоҷикистон, хосса Президенти мамлакат муҳтарам Эмомалӣ Раҳмон ба ин қишри ҷомеа зиёд буда, пайваста дар тамоми иду ҷашнҳо ба онҳо кумак ва туҳфаҳо расонида мешаванд.
Омӯзгорону парасторон ва волидайни тарбиятгирандагони Хонаи кӯдакон ва Мактаб-интернат барои кӯдакони қувваи босираашон суст ва зарири шаҳри Исфара барои ғамхорию дастгирии ҳамешагии Роҳбари давлат муҳтарам Эмомалӣ Раҳмон арзи сипосу миннатдорӣ намуданд.
Иброз гардид, ки ҳоло барои таълиму тарбияи кӯдакону наврасон шароити мусоид фароҳам буда, биноҳои маъмурию таълимӣ, хобгоҳ, ошхона ва дигар иншооти ёрирасон таъмиру навсозӣ карда шудаанд. Маводи ғизоӣ, сару либос ва лавозимоти зарурии таълимӣ аз ҷониби Ҳукумати мамлакат ва сарпарасон сари вақт расонида мешавад.
АКС: Мақомоти иҷроияи ҳокимияти давлатии шаҳри Исфара
ОГОҲӢ! Аз 27 то 30 июн дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Дар КВД «Роҳи оҳани Тоҷикистон» ба муносибати Рӯзи Ваҳдати миллӣ ва қабули ташаббуси нави ҷаҳонии Тоҷикистон ҳамоиш доир гардид
Дар Рашт дар мавзуи «Ваҳдати миллӣ – асоси таҳкими давлатдории тоҷикон» конференсияи илмӣ-амалӣ баргузор гардид
Имрӯз дар шаҳри Душанбе ҳаво то 39 дараҷа гарм мешавад
Дар Бохтар бахшида ба Рӯзи Ваҳдати миллӣ ҳамоиши сиёсӣ-фарҳангӣ баргузор гардид
Дар назди Муассисаи таҳсилоти миёнаи умумии рақами 2-и шаҳри Норак бинои иловагӣ сохта мешавад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Беш аз ду километр роҳи деҳаи Ниликони ноҳияи Рӯдакӣ мумфарш гардид
Дар ҷаласаи 45-уми Шурои идоракунандагони GCF масъалаҳои стратегии марбут ба татбиқи Созишномаи Париж баррасӣ мешаванд
Хизматрасонӣ 24/7: чӣ тавр оператори мобилӣ бо муштариён муошират менамояд
Имрӯз дар водиҳои Тоҷикистон ҳаво то 40 дараҷа гарм мешавад
ҚУРБИ АСЪОР: 1 рубли русӣ аз 0.1190 то 0.1245 сомонӣ муқаррар шудааст
