Дар Давлати Кувайт таҳти сарпарастии Тоҷикистон вохӯрии сафирони кишварҳои муқим баргузор гардид
ДУШАНБЕ, 18.12.2025 /АМИТ «Ховар»/. 17 декабр таҳти сарпарастии дуайени корпуси дипломатӣ, Сафири Фавқулода ва Мухтори Ҷумҳурии Тоҷикистон дар Давлати Кувайт Зубайдулло Зубайдзода ҷамъомади сафирон ва роҳбарони намояндагиҳои дипломатӣ дар Кувайт баргузор гардид. Дар ин хусус ба АМИТ «Ховар» аз Сафорати Ҷумҳурии Тоҷикистон дар Давлати Кувайт хабар доданд.
Дар чорабинӣ муовини вазири корҳои хориҷии Давлати Кувайт оид ба масъалаҳои ташрифотӣ Абдулмуҳсин Аз-Зайд, инчунин роҳбарони зиёда аз 130 намояндагии дипломатӣ иштирок намуданд.
Зубайдулло Зубайдзода зарурати таҳкими минбаъдаи ҳамкорӣ, ҳамоҳангсозӣ ва муносибатҳои созанда байни муассисаҳои дипломатӣ ва вазорату идораҳои дахлдори кишвари иқоматро таъкид намуд.
Зимни чорабинӣ дуайен фаъолияти ҳайати дипломатиро давоми соли 2025 ҷамъбаст намуда, таъкид кард, ки дар ин давра ҳамкорӣ ва фаъолияти созанда байни корпуси дипломатӣ бо ниҳодҳои давлатӣ ва ҷамъиятӣ ба роҳ монда шуд. Таъкид гардид, ки давоми сол корпуси дипломатии Давлати Кувайт дар ҷашнвораҳои муҳими байналмилалӣ, ташаббусҳои башардӯстона ва дигар чорабиниҳо фаъолона иштирок намуд, ки ба таҳкими ваҳдат, ҳамбастагӣ ва ҳузури дастҷамъонаи он мусоидат кард.
Чорабинӣ ҳамчун майдони муҳим барои тақвияти муколама, густариши ҳамдигарфаҳмӣ ва таҳкими муносибатҳои дӯстона, ҳамкорӣ ва мубодилаи фарҳангӣ байни намояндагиҳои дипломатӣ хизмат намуд. Ба ифтихори иштирокчиён зиёфати расмӣ баргузор гардид.
Дар ҳошияи чорабинӣ муовини вазири корҳои хориҷии Давлати Кувайт оид ба масъалаҳои ташрифотӣ Абдулмуҳсин Аз-Зайд барои ҳамкории судманд бо корпуси дипломатӣ бо сипосномаи хотиравӣ қадрдонӣ карда шуд.
Бояд таъкид намуд, ки ба уҳда доштани вазифаи дуайении ҳайати дипломатӣ таҳти роҳбарии Тоҷикистон барои ҳамоҳангии равобит байни намояндагиҳои кишварҳои мухталиф ба комёбиҳои назаррас расида, обрӯю эътибори ҷумҳуриро дар саросари кишвари маҳалли иқомат баланд бардоштааст.
АКС: Сафорати Ҷумҳурии Тоҷикистон дар Давлати Кувайт
Дар Миср ду китоб оид ба Тоҷикистон ба забони арабӣ ба нашр расид
Дар Душанбе машваратҳои сиёсӣ байни вазорати корҳои хориҷии Тоҷикистон ва Умон баргузор гардид
Сафири Тоҷикистон бо ҳамватанони бурунмарзии муқими Русия вохӯрӣ намуд
35-СОЛАГИИ ИСТИҚЛОЛИ ДАВЛАТӢ. Шаршараи Ниагара бо рангҳои Парчами давлатии Тоҷикистон фурӯзон мешавад
Сарвазири Тоҷикистон бо муовини Вазири корҳои хориҷии Салтанати Умон мулоқот намуд
Сафири Тоҷикистон дар Туркманистон бо директори Дафтари лоиҳавии Маркази минтақавии экологӣ барои Осиёи Марказӣ мулоқот намуд
Дар Теҳрон таҳти унвони «Робиаи Балхӣ: чеҳраи дурахшони назми аҳди Сомониён» ҳамоиши илмӣ доир гардид
Ҳайати Тоҷикистон дар Ҳафтаи ҷаҳонии оби Стокголм иштирок намуд
Сафири Тоҷикистон бо ноиби Президенти Корпоратсияи байналмилалии молиявии рушди Амрико мулоқот намуд
Дар Қоҳира бахшида ба 35-солагии Истиқлоли давлатии Тоҷикистон конфронс баргузор гардид
Сафири Тоҷикистон бо муовини Директори генералии Вазорати федералии иқтисод ва энергетикаи Олмон мулоқот намуд
Дар Москва дар мавзуи саҳми Абуалӣ ибни Сино дар ташаккули соҳаи тиб конфронси байналмилалии илмӣ доир шуд
