Дар Душанбе якчанд созишномаи грантӣ бо Бонки Осиёии рушд ба имзо расид
ДУШАНБЕ, 02.12.2025 /АМИТ «Ховар»/. Имрӯз дар Вазорати молияи Ҷумҳурии Тоҷикистон якчанд созишномаи грантӣ бо Бонки Осиёии рушд ба имзо расонида шуд.
Тавре АМИТ «Ховар» бо истинод ба Вазорати молия хабар медиҳад, созишномаҳои грантӣ барои татбиқи лоиҳаҳои зербарномаи дуюми «Барномаи беҳтар намудани муҳити тиҷорат бо назардошти тағйирёбии иқлим ва афзоиши имконияти шуғли сабз» дар ҳаҷми 50 миллион доллар (барои дастгирии буҷет), «Барномаи рушди соҳаи молиявӣ барои вокуниш ба ҳолатҳои фавқулода бо назардошти равиши бисёрсатҳии идоракунии хавфҳо» дар ҳаҷми 28,2 миллион доллар, инчунин «Идоракунӣ ва рақамикунонии соҳаи кишоварзӣ бо мақсади таҳкими амнияти озуқаворӣ» дар ҳаҷми 17 миллион доллар ба имзо расонида шуд. Маблағи умумии созишномаҳо 95,2 миллион доллари амрикоиро ташкил медиҳад.
Мақсади асосии лоиҳаҳо- дастгирии рушди соҳибкории хусусӣ, бахусус корхонаҳои хурду миёна тавассути беҳтарсозии муҳити соҳибкорӣ, ҷалби сармоягузории мутобиқ ба иқлим, пешбурди рақамикунонӣ ва таҳкими идоракунии молиявӣ бо ҳадафи расидан ба рушди устувор ва коҳиши таъсири тағйирёбии иқлим, таҳкими устувории молиявӣ, пешбурди ислоҳоти молиявӣ, густариши бозори суғурта ва ҳифзи иҷтимоии аҳолӣ, инчунин беҳтарсозии идоракунии чарогоҳҳо бо назардошти устуворӣ ба тағйирёбии иқлим дар Тоҷикистон мебошад.
Созишномаҳоро Вазири молияи Ҷумҳурии Тоҷикистон Файзиддин Қаҳҳорзода ва намояндаи доимии Бонки Осиёии рушд дар Тоҷикистон Ко Сакамото имзо намуданд.
АКС: Вазорати молияи Ҷумҳурии Тоҷикистон
Лоиҳаи «Тақвияти иқтидори Тоҷикистон барои ҷалб ва истифодаи маблағгузории иқлимӣ» ҷамъбаст гардид
Рушди иқтисоди рақамӣ заминаи устувори пешрафти Тоҷикистон мебошад
Имрӯз дар Душанбе ҷаласаи 45-уми Шурои идоракунандагони Фонди иқлими сабз оғоз гардид
Дар Тоҷикистон наздик ба 50 ҳазор гектар кишти такрорӣ гузаронида шуд
Дар Душанбе ҷашни Тиргон бо баргузории иди зардолу ва намоиши «Хушкмеваҳои Тоҷикистон» таҷлил карда шуд
Ҷашни Тиргон асоси илмиву таърихӣ ва фарҳангиву маънавӣ дорад
Имрӯз дар «Боғи Ирам» ҷашни Тиргон, иди зардолу ва намоиши «Хушкмеваҳои Тоҷикистон» баргузор мешаванд
Дар Тоҷикистон боғи зардолу чанд гектарро ташкил медиҳад?
Дар Агентии назорати давлатии молиявӣ ва мубориза бо коррупсия Рӯзи Ваҳдати миллиро ботантана ҷашн гирифтанд
Пагоҳ дар Душанбе ҷашни Тиргон бо баргузории иди зардолу ва намоиши «Хушкмеваҳои Тоҷикистон» таҷлил мегардад
Дар Бизнес-форуми Бонки Авруосиёии рушд афзалиятҳои сармоягузории Тоҷикистон муаррифӣ карда шуд
Вилояти Хатлон дар шаҳри Алмаатои Қазоқистон намоиш-фурӯши маҳсулоти кишоварзӣ ва ҳунарҳои мардумӣ баргузор менамояд
