«Стратегияи нави шарикии Бонки Осиёии рушд бо Ҷумҳурии Тоҷикистон барои солҳои 2026–2030» муаррифӣ карда шуд
ДУШАНБЕ, 18.12.2025 /АМИТ «Ховар»/. Дар Кумитаи давлатии сармоягузорӣ ва идораи амволи давлатии Ҷумҳурии Тоҷикистон «Стратегияи нави шарикии Бонки Осиёии рушд бо Ҷумҳурии Тоҷикистон барои солҳои 2026–2030» бо роҳбарияти вазорату идораҳои дахлдор муҳокима гардид.
Тавре аз ин кумита ба АМИТ «Ховар» хабар доданд, зимни ҷаласа ҳадаф ва самтҳои асосии стратегия муаррифӣ гардида, афзалияти ҳамкории минбаъда барои рушди устувори иқтисоди миллӣ, тақвияти зерсохтор, рушди захираҳои инсонӣ, иқтисоди «сабз» ва рақамисозӣ шарҳ дода шуд.
Инчунин масъалаҳои тақвияти ҳамкории стратегӣ байни Ҳукумати Ҷумҳурии Тоҷикистон ва Бонки Осиёии рушд, механизмҳои татбиқи самараноки лоиҳаҳои рушд ва роҳҳои ҷалби бештари сармоягузориҳо баррасӣ гардид.
Иштирокчиёни ҷаласа аҳаммияти «Стратегияи нави шарикии Бонки Осиёии рушд бо Ҷумҳурии Тоҷикистон барои солҳои 2026–2030»-ро дар тақвияти ҳамкории давлатӣ ва рушдёбандаи Тоҷикистон бо Бонки Осиёии рушд таъкид намуданд.
Ёдовар мешавем, ки дар доираи ин стратегия маблағгузории лоиҳаҳои нави афзалиятноки сармоягузорӣ дар соҳаҳои энергетика, нақлиёт, сайёҳӣ, маориф, тандурустӣ, кишоварзӣ ва экология ба нақша гирифта шудааст.
Бонки Осиёии рушд яке аз шарикони асосии рушди Тоҷикистон буда, давоми солҳои ҳамкорӣ аз соли 1998 то инҷониб қариб 200 лоиҳаро ба маблағи беш аз 2,7 миллиард доллари амрикоӣ дар Ҷумҳурии Тоҷикистон маблағгузорӣ намудааст. Дар айни замон Бонки Осиёии рушд 19 лоиҳаро дар Тоҷикистон ба маблағи умумии беш аз 1,0 миллиард доллари амрикоӣ дастгирӣ менамояд.
АКС: Кумитаи давлатии сармоягузорӣ ва идораи амволи давлатии Ҷумҳурии Тоҷикистон
Пагоҳ дар Душанбе ҷашни Тиргон бо баргузории иди зардолу ва намоиши «Хушкмеваҳои Тоҷикистон» таҷлил мегардад
Дар Бизнес-форуми Бонки Авруосиёии рушд афзалиятҳои сармоягузории Тоҷикистон муаррифӣ карда шуд
Вилояти Хатлон дар шаҳри Алмаатои Қазоқистон намоиш-фурӯши маҳсулоти кишоварзӣ ва ҳунарҳои мардумӣ баргузор менамояд
Дар Намоишгоҳи байналмилалии ЭКСПО-и «Чин — Авруосиё» гӯшаи Тоҷикистон ташкил карда шуд
Дар «Саноатсодиротбонк» Рӯзи Ваҳдати миллиро таҷлил намуданд
Дар Агентии авиатсияи гражданӣ бахшида ба Рӯзи Ваҳдати миллӣ ҳамоиши идона баргузор гардид
Ба ифтихори Рӯзи Ваҳдати миллӣ дар Кумитаи ҳифзи муҳити зист ҳамоиши тантанавӣ баргузор шуд
Дар Вена оид ба таъсиси низоми «Равзанаи ягона» барои минтақаҳои озоди иқтисодии Тоҷикистон санади грантӣ ба имзо расид
Дар Фурудгоҳи байналмилалии Душанбе кӯшиши ворид намудани рақами қалбакии давлатии воситаи нақлиёт ошкор гардид
Намояндагони Хадамоти обуҳавошиносии Корея бо фаъолияти Агентии обуҳавошиносии Тоҷикистон шинос шуданд
Намояндаи Тоҷикистон дар ҷаласаи Раёсати Шурои соҳибкории СҲШ дар Бишкек иштирок намуд
Дар Форуми сармоягузории СҲШ имкониятҳои сармоягузории Тоҷикистон муаррифӣ гардид
