ТАҚВИМИ АМИТ «ХОВАР»: имрӯз 14 декабр, якшанбе, 348-умин рӯзи соли 2025 аст

14 декабри соли 2010 Президенти Ҷумҳурии Тоҷикистон муҳтарам Эмомалӣ Раҳмон дар ҷамъомад бахшида ба муҳокимаи лоиҳаи Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд» суханронӣ намуданд.

***

14 декабри соли 2016 дар доираи сафари давлатӣ  ба Ҷумҳурии Демократии Сотсиалистии Шри-Ланка  Президенти Ҷумҳурии Тоҷикистон муҳтарам Эмомалӣ Раҳмон бо Сарвазири ин кишвар Ранил Викремесингҳ мулоқот намуданд.

***

14 декабри соли 2016   дар доираи сафари давлатӣ  ба Ҷумҳурии Демократии Сотсиалистии Шри-Ланка  Президенти Ҷумҳурии Тоҷикистон муҳтарам Эмомалӣ Раҳмон бо Раиси Парлумони Ҷумҳурии Демократии Сотсиалистии Шри-Ланка Кару Ҷаясурия мулоқот намуданд, ки зимни он масоили ба роҳ мондани муносибатҳои байнипарлумонии Тоҷикистон ва Шри-Ланка мавриди баррасӣ қарор гирифт.

***

14 декабри соли 2022  Президенти Ҷумҳурии Тоҷикистон муҳтарам Эмомалӣ Раҳмон бо сафари расмӣ вориди шаҳри Исломобод — пойтахти Ҷумҳурии Исломии Покистон шуданд.

***

Дар ин рӯзи соли 2023 Президенти Ҷумҳурии Тоҷикистон муҳтарам Эмомалӣ Раҳмон дар деҳоти «Файзи Истиқлол»-и ноҳияи Кӯшониён сардхонаи муосири Ҷамъияти дорои масъулияти маҳдуди «Сомон Агро Саноат»-ро мавриди истифода қарор доданд.

***

14 декабри соли 2020 Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ дар доираи маъракаи сабзу хуррамгардонӣ ҳамчун рамзи вусъат бахшидан ба маъракаи ниҳолшинонӣ дар пойтахт ва тадбирҳои вобаста ба иқдоми «Шаҳри сабз» дар кӯчаи Низомии Ганҷавии ноҳияи Сино дар маъракаи ниҳолшинонӣ иштирок намуданд.

14 ДЕКАБР ТАҶЛИЛ КАРДА МЕШАВАД:

Рӯзи табрики иштирокчиёни бартарафсозии оқибатҳои садамаи Неругоҳи атомии Чернобил.

***

Рӯзи забони бошқирӣ.

***

Рӯзи ҷаҳонии яхмолакбозӣ

***

Дар Ҳиндустон — Рӯзи сарфаи энергия

РӮЙДОДҲО:

Дар ин рӯзи соли 2015 дар ҷаласаи Шурои Маҷлиси намояндагони Маҷлиси Олии Ҷумҳурии Тоҷикистон масъалаи ворид кардани ислоҳот ба Қонуни Ҷумҳурии Тоҷикистон «Дар бораи буҷети давлатии Ҷумҳурии Тоҷикистон барои соли 2015» баррасӣ гардид.

***

14 декабри соли 1930 дар ҳайати Вилояти Мухтори Кӯҳистони Бадахшон ноҳияи Қалъаи Хумб (ҳоло Дарвоз) таъсис дода шуд.

***

14 декабри соли 2006 дар шаҳри Душанбе ҷаласаи навбатии Комиссияи байниҳукуматӣ оид ба тақсиму муайянкунии сарҳади Тоҷикистону Қирғизистон баргузор гардид.

***

Соли 1918 дар овоздиҳии интихоботи умумӣ дар Британияи Кабир аввалин маротиба занони аз 30-сола боло иштирок намуданд.

***

14 декабри соли 2004 дар Фаронса баландтарин пули нақлиётии ҷаҳон — Виадук Милло кушода шуд.

ДАР ИН РӮЗ ТАВАЛЛУД ШУДААНД:

Ширин Бунёд— соли 1941— Шоири халқии Тоҷикистон.