Туҳфаҳои Президенти Тоҷикистон ба тарбиятгирандагони Мактаб-интернати шаҳри Конибодом тақдим карда шуд
ДУШАНБЕ, 30.12.2025 /АМИТ «Ховар»/. Ба 61 нафар тарбиятгирандагони Мактаб-интернати санатории №40-и шаҳри Конибодом туҳфаҳои Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон, ки аз шириниҳои гуногун, маҷмуи сару либос, пойафзол ва дигар лавозимоти зарурӣ иборат буданд, тақдим карда шуданд. Дар ин хусус ба АМИТ «Ховар» аз Мақомоти иҷроияи ҳокимияти давлатии шаҳри Конибодом иттилоъ доданд.
Ҳамчунин барои тарбиятгирандагони ин муассиса дастархони идона ороста шуд. Зимни он хонандагон даъват шуданд, ки бо ҳисси баланди ватандӯстӣ пайваста ба омӯзиш машғул шуда, дар оянда ҳамчун мутахассисони арзанда барои пешрафти Тоҷикистон хизмат намоянд.
Тарбиятгирандагони мактаб-интернат аз ин иқдоми башардӯстонаи Пешвои миллат муҳтарам Эмомалӣ Раҳмон хушнуд шуда, иброз доштанд, ки бо баҳои хубу аъло таҳсил намуда, дар оянда дар рушду пешрафти мамлакат саҳми назаррас мегузоранд.
Дар Мактаб-интернати санатории №40 кӯдакону наврасон аз шаҳру ноҳияҳои вилояти Суғд ба таълиму тарбия фаро гирифта шудаанд.
Омӯзгорону парасторон иброз доштанд, ки дар пайравӣ ба амалҳои хайрхоҳонаи Сарвари давлат муҳтарам Эмомалӣ Раҳмон имрӯзҳо ташкилоту муассисаҳо, соҳибкорону тоҷирон ва шахсони саховатпеша низ ба тарбиятгирандагони мактаб-интернат ғамхорӣ зоҳир карда, дар арафаи иду ҷашнҳо ба онҳо дасти хайру сахо дароз менамоянд.
Иброз гардид, ки бо назардошти ин ҳама ғамхориҳо онҳо тасмим гирифтаанд, ки ба раванди таълиму тарбия беҳбудӣ бахшида, фарзандони миллатро дар руҳияи ватандӯстӣ ва хештаншиносӣ ба камол расонанд.
АКС: Мақомоти иҷроияи ҳокимияти давлатии шаҳри Конибодом
ЗИМИСТОНГУЗАРОНӢ. Дар Сангвор ситоди ноҳиявӣ оид ба омодагии пурра ба фаслҳои тирамоҳу зимистон таъсис ёфтааст
Дар Москва конгресси 5-уми миллӣ дар соҳаи тиб доир гардид
Дар Ҳисор бахшида ба 32-солагии қабули Конститутсияи Ҷумҳурии Тоҷикистон конференсия доир шуд
Оид ба Конститутсия ва ҷойгоҳи он дар танзими муносибатҳои идоракунии давлатӣ ҳамоиши ҷумҳуриявӣ доир шуд
«КОНСТИТУТСИЯ-КАФИЛИ АДОЛАТИ СУДӢ». Дар Суди Олии иқтисодии Тоҷикистон ҳамоиш доир гардид
Муассисаи «Шабакаи гармидиҳии шаҳри Душанбе»: «Муштариён метавонанд барои ҳалли мушкилот ба рақами кӯтоҳи 14-44 занг зананд»
Доир ба саҳми академик Муҳаммадҷони Шакурӣ дар рушди илму адаб конференсияи илмӣ баргузор шуд
«КОНСТИТУТСИЯ–ПОЙДОРИИ ДАВЛАТИ ҲУҚУҚБУНЁД». Таҳти чунин унвон конференсияи ҷумҳуриявӣ доир гардид
Роҳҳои баланд бардоштани ҳосилнокии зироатро дар шаҳри Кӯлоб баррасӣ намуданд
Дар мавзуи «Конститутсия ва таъмини ҳуқуқ ба озодии эътиқод» конференсияи ҷумҳуриявӣ доир шуд
Дар ҷаласаи Шурои ҷамъиятии Ҷумҳурии Тоҷикистон механизмҳои нави ҳимояи ҳуқуқи муҳоҷирони меҳнатӣ баррасӣ гардид
Бахшида ба Рӯзи Конститутсия дар Кумитаи иҷроияи ҲХДТ дар вилояти Суғд ҳамоиш доир шуд
