Вазоратҳои молияи Тоҷикистон ва Подшоҳии Арабистони Саудӣ ҳамкориро рушд медиҳанд
ДУШАНБЕ, 11.12.2025 /АМИТ «Ховар»/. 10 декабр дар шаҳри Риёзи Подшоҳии Арабистони Саудӣ мулоқоти Вазири молияи Ҷумҳурии Тоҷикистон Файзиддин Қаҳҳорзода бо муовини якуми Вазири молияи Подшоҳии Арабистони Саудӣ Абдулмуҳсен бин Саад Ал-Халаф баргузор гардид.
Тавре ба АМИТ «Ховар» аз Вазорати молияи ҷумҳурӣ хабар доданд, дар мулоқот Файзиддин Қаҳҳорзода оид ба рушди устувори нишондиҳандаҳои макроиқтисодӣ, идоракунии қарзи давлатӣ, идомаи ислоҳоти иқтисодӣ дар ҷумҳурӣ, таъмини шаффофияти буҷетӣ, барориши қоғазҳои қиматноки давлатӣ, аз ҷумла «сабз», густариши ҳамкорӣ бо ташкилоти бонуфузи молиявии байналмилалӣ, аз қабили Бонки ҷаҳонӣ, Хазинаи байналмилалии асъор, Бонки исломии рушд, инчунин фондҳои Арабӣ маълумоти муфассал пешниҳод намуд.
Муовини якуми Вазири молияи Подшоҳии Арабистони Саудӣ Абдулмуҳсен бин Саад Ал-Халаф доир ба фаъолияти Фонди Саудии Рушд дар татбиқи лоиҳаҳои афзалиятноки Ҷумҳурии Тоҷикистон изҳори қаноатмандӣ намуда, омодагии Вазорати молияро барои идомаи мусоидат дар густариши фаъолияти фонд дар Тоҷикистон иброз намуд.
Ҳамзамон Абдулмуҳсен бин Саад Ал-Халаф омодагии Вазорати молияро барои ҷалби институтҳои молиявии Подшоҳии Арабистони Саудӣ, ба монанди Бонки содиротию воридотии Арабистони Саудӣ, Фонди давлатии сармоягузорӣ, Гурӯҳи ҳамоҳангсози Араб, инчунин намояндагони бахши хусусии ин давлатро барои иштирок дар татбиқи лоиҳаҳои давлатии сармоягузории Тоҷикистон баён намуд.
Ҳамсуҳбатон дар фарҷоми мулоқот барои густариши ҳамкории мутақобили судманд байни вазоратҳои молияи Ҷумҳурии Тоҷикистон ва Подшоҳии Арабистони Саудӣ изҳори омодагӣ намуданд.
АКС: Вазорати молияи Ҷумҳурии Тоҷикистон
Ҷашни Тиргон асоси илмиву таърихӣ ва фарҳангиву маънавӣ дорад
Имрӯз дар «Боғи Ирам» ҷашни Тиргон, иди зардолу ва намоиши «Хушкмеваҳои Тоҷикистон» баргузор мешаванд
Дар Тоҷикистон боғи зардолу чанд гектарро ташкил медиҳад?
Дар Агентии назорати давлатии молиявӣ ва мубориза бо коррупсия Рӯзи Ваҳдати миллиро ботантана ҷашн гирифтанд
Пагоҳ дар Душанбе ҷашни Тиргон бо баргузории иди зардолу ва намоиши «Хушкмеваҳои Тоҷикистон» таҷлил мегардад
Дар Бизнес-форуми Бонки Авруосиёии рушд афзалиятҳои сармоягузории Тоҷикистон муаррифӣ карда шуд
Вилояти Хатлон дар шаҳри Алмаатои Қазоқистон намоиш-фурӯши маҳсулоти кишоварзӣ ва ҳунарҳои мардумӣ баргузор менамояд
Дар Намоишгоҳи байналмилалии ЭКСПО-и «Чин — Авруосиё» гӯшаи Тоҷикистон ташкил карда шуд
Дар «Саноатсодиротбонк» Рӯзи Ваҳдати миллиро таҷлил намуданд
Дар Агентии авиатсияи гражданӣ бахшида ба Рӯзи Ваҳдати миллӣ ҳамоиши идона баргузор гардид
Ба ифтихори Рӯзи Ваҳдати миллӣ дар Кумитаи ҳифзи муҳити зист ҳамоиши тантанавӣ баргузор шуд
Дар Вена оид ба таъсиси низоми «Равзанаи ягона» барои минтақаҳои озоди иқтисодии Тоҷикистон санади грантӣ ба имзо расид
