Владимир Путин бо раисони парламентҳои давлатҳои аъзои Созмони Аҳдномаи амнияти дастҷамъӣ мулоқот намуд
ДУШАНБЕ, 09.12.2025 /АМИТ «Ховар»/. 8 декабр Президенти Федератсияи Русия Владимир Путин бо раисони парламентҳои давлатҳои аъзои Созмони Аҳдномаи амнияти дастҷамъӣ (СААД), ки барои иштирок дар ҷаласаи Ассамблеяи парламентии ин созмон ба шаҳри Москва омада буданд, мулоқот намуд. Дар мулоқот Раиси Маҷлиси намояндагони Маҷлиси Олии Ҷумҳурии Тоҷикистон Файзалӣ Идизода низ иштирок намуд. Дар ин хусус АМИТ «Ховар» бо истинод ба Маҷлиси намояндагон хабар медиҳад.
Дар вохӯрӣ масъалаҳои таҳкими ҳамкорӣ дар соҳаи амният ва рушди муносибатҳои байнипарламентӣ баррасӣ гардиданд.
Сарвари давлати Русия нақши калидии дипломатияи парламентиро дар амиқтар намудани равандҳои ҳамгироӣ дар доираи Созмони Аҳдномаи амнияти дастҷамъӣ таъкид кард.
Владимир Путин иброз намуд, ки Ассамблеяи парламентӣ қариб 20 сол пеш, соли 2006 таъсис ёфта, дар такмил ва ҳамгунсозии қонунгузории кишварҳои мо дар соҳаи мудофиа ва амният саҳми назаррас мегузорад.
«Хусусан мехоҳам Қонуни намунавӣ оид ба мубориза бо терроризмро иброз намоям. Ин яке аз унсурҳои муҳимми пойгоҳи меъёриест, ки бе он ба мо дар сатҳи амалӣ қабули ҳар гуна қарорҳо хеле душвор аст», -гуфт Владимир Путин.
Владимир Путин ба ҳайатҳои Ассамблеяи парламентии Созмони Аҳдномаи амнияти дастҷамъӣ барои иштирок дар ин ҷаласа изҳори сипос намуд.
Раисони парламентҳои давлатҳои Созмони Аҳдномаи амнияти дастҷамъӣ бобати имкони мубодилаи мустақими афкор бо роҳбарияти Русия изҳори миннатдорӣ карда, барои таҳкими ҳамкории минбаъда изҳори омодагӣ намуданд.
АКС: Маҷлиси намояндагони Маҷлиси Олии Ҷумҳурии Тоҷикистон
Вакили Маҷлиси намояндагон дар ҷаласаи ҳамоҳангсози Ассамблеяи парламентии Осиё иштирок намуд
Раиси Маҷлиси намояндагони Тоҷикистон бо Раиси Жогорку Кенеши Қирғизистон вохӯрӣ намуд
Ҳайати Тоҷикистон дар ҷаласаи 152-юми Иттиҳоди байнипарламентӣ ва иҷлосияи ҳамоҳангсози Ассамблеяи парламентии Осиё иштирок менамояд
Ҷаласаи навбатии иҷлосияи дуюми Маҷлиси намояндагони Маҷлиси Олӣ, даъвати ҳафтум баргузор гардид
ДУШАНБЕ — НИГИНИ КИШВАРИ ОФТОБИИ ТОҶИКОН. Ба Рӯзи пойтахти Тоҷикистон бахшида мешавад
Вакилони парлумонҳои кишварҳои аъзои ИДМ тарҳи таҳрири нави қонуни намунавии «Дар бораи мақоми ваколатдори ҳуқуқи инсон»-ро тасдиқ намуданд
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Дар Душанбе масъалаҳои таълиму тарбия, сифати таҳсил ва гузариш ба низоми 12-солаи таълим баррасӣ гардиданд
Ҳамкории Тоҷикистон ва Иттиҳоди Аврупо дар самти такмили низоми идоракунии молияи давлатӣ густариш меёбад
Дар Душанбе тавсияҳои Кумитаи СММ оид ба бартараф намудани ҳама гуна ҳуқуқпоймолкунӣ нисбат ба занон муҳокима гардид
Ҷаласаи навбатии иҷлосияи дуюми Маҷлиси намояндагони Маҷлиси Олии Ҷумҳурии Тоҷикистон баргузор гардид
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
