Агентии авиатсияи гражданӣ: «Тоҷикаэронавигатсия» соли 2025 ба зиёда аз 48 ҳазор киштии ҳавопаймоӣ хизмат расонид
ДУШАНБЕ, 28.01.2026 /АМИТ «Ховар»/. Корхонаи воҳиди давлатии «Тоҷикаэронавигатсия» соли 2025 ба 48 ҳазору 102 киштии ҳавопаймоӣ хизмат расонидааст. Дар ин хусус имрӯз зимни нишасти матбуотии Агентии авиатсияи гражданӣ ва корхонаҳои авиатсионӣ директори Корхонаи воҳиди давлатии «Тоҷикаэронавигатсия» Лоиқ Бегиҷонзода ба хабарнигорон иттилоъ дод.
Гуфта шуд, ки соли 2025 теъдоди парвозҳои транзитӣ дар маркази ноҳиявӣ ва маркази ноҳиявии ёрирасон 24 ҳазору 466 ададро ташкил дод.
Корхонаи воҳиди давлатии «Тоҷикаэронавигатсия» соли 2025 дар Тоҷикистон ҳамоиши сатҳи баланди ҷаласаи ҳамоҳангсозии солонаи гурӯҳи минтақавии ICAO оид ба такмили хатсайрҳои ҳавоии минтақаи Шарқ таҳти унвони «RDGE-SSM/2025»-ро баргузор намуд.
Дар сатҳи баланд баргузор намудани ин ҳамоиш аз ҷониби «Тоҷикаэронавигатсия» нуфузи Ҷумҳурии Тоҷикистонро дар соҳаи авиатсия ва аэронавигатсия баланд бардошта, талошҳои Ҳукумати Ҷумҳурии Тоҷикистонро оид ба мутобиқ намудани сатҳи хизматрасонии аэронавигатсионӣ ба талаботи мақомоти танзимкунандаи байналмилалии соҳа таъкид менамояд. Соли 2025 инчунин лоиҳаи PBN дар фурудгоҳҳои Душанбе, Хуҷанд, Бохтар ва Кӯлоб пурра татбиқ гардид, ки барои ба талаботи Ташкилоти байналмилалии авиатсияи гражданӣ (ICAO) мутобиқ намудани хизматрасонии аэронавигатсионӣ мусоидат намуд.
Ҳамчунин аз ҷониби корхона дар шаҳри Душанбе ҷаласаи фармоишгарони давлатии миллии кишварҳои аъзои Иттиҳоди Давлатҳои Мустақил (ИДМ) оид ба «Барномаи байнидавлатии радионавигатсионии кишварҳои аъзои ИДМ барои солҳои 2023–2026», ҷаласаи 64-уми Шурои байнидавлатии кишварҳои аъзои ИДМ таҳти унвони «Радионавигатсия» баргузор гардид. Ин афзоиши эътимоди шарикони соҳаро ба Корхонаи воҳиди давлатии «Тоҷикаэронавигатсия» ҳамчун таъминкунандаи хизматрасонии аэронавигатсионӣ таъкид намуд.
Дар доираи иқдоми роҳбарияти корхона вобаста ба дастгирии мутахассисони ҷавон, баланд бардоштани донишу малакаи соҳавии онҳо ва рушди ҳамкорӣ бо кишварҳои дуру наздик мутахассисони корхона дар Ҷумҳурии Мардумии Чин аз такмили ихтисос гузашта, соҳиби сертификатҳои соҳавӣ гардиданд.
Марзия САИДЗОДА,
АМИТ «Ховар»
АКС: АМИТ «Ховар»
Дар ноҳияи Ҷаббор Расулов нақшаи кишти чигит зиёда аз 86 фоиз иҷро гардид
Муовини Сарвазири Тоҷикистон бо нашъунамои чигити зери плёнка дар ҶДММ «Син-Силу»-и ноҳияи Ёвон шинос шуд
Душанбе моҳи август мизбони «Food industry Forum of Tajikistan-2026» мегардад
Намояндагони Тоҷикистон дар Форуми умумиҷаҳонии шаҳрҳо дар Боку иштирок намуданд
Ҳаҷми умумии ҳамлу нақл байни Тоҷикистон ва Қазоқистон 5,8 фоиз афзудааст
ТАВАҶҶУҲ! Интиқоли одии маблағ байни аъзои оила, дӯстон, наздикон ва дигар шаҳрвандон тавассути ҳамёнҳои электронӣ андозбандӣ намегардад!
Дар ҶДММ «Саноати Ашт» хатҳои нави истеҳсолӣ васлу насб гардиданд
СОЛИ БАЙНАЛМИЛАЛИИ ЗАНОНИ ХОҶАГИДОР. Дар Тоҷикистон беш аз 52 ҳазор хоҷагии деҳқониро занон роҳбарӣ менамоянд
Мулоқоти роҳбарони Комиссияи байниҳукуматӣ оид ба ҳамкории иқтисодӣ байни Тоҷикистон ва Русия баргузор шуд
Тоҷикистон ва Миср дар соҳаи авиатсияи гражданӣ Ёддошти тафоҳуми ҳамкорӣ ба имзо расониданд
Иштирокдорони Конфронси Созмони озуқаворӣ ва кишоварзӣ бо низоми кишоварзии нодири дараи Алмосӣ — гӯсфанди зоти ҳисорӣ ва ангури тоифӣ шинос шуданд
