ҶАЛБИ БЕШТАРИ ХОНАНДАГОН БА ОМӮЗИШИ ФАНҲОИ ТАБИАТШИНОСӢ, ДАҚИҚ ВА РИЁЗӢ. Сессияи зимистонаи Академияи хурди илмҳои Тоҷикистон баргузор гардид
ДУШАНБЕ, 21.01.2026 /АМИТ «Ховар»/. 20 январ дар Академияи миллии илмҳои Тоҷикистон бо мақсади амалисозии «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф» (2020-2040) сессияи зимистонаи Академияи хурди илмҳо баргузор гардид.
Тавре АМИТ «Ховар» бо истинод ба Академияи миллии илмҳо хабар медиҳад, дар сессия зиёда аз 60 аъзои Академияи илмҳои хурд аз ҳисоби хонандагони муассисаҳои таҳсилоти миёнаи умумӣ иштирок намуданд. Ҳадафи асосии сессия бохабар шудан аз корҳои илмию навиштани мақолаҳои илмӣ на танҳо дар маҷаллаҳои оммавӣ, инчунин дар маҷаллаҳои тақризшаванда, дарёфти ҳуқуқи муаллифӣ, шаҳодатнома ва патент аз ҳисоби ихтироъкорӣ, навоварӣ ва дар сатҳи баланд маъруза намудани корҳои илмии хонандагони Академияи хурди илмҳо мебошад.
Ҳоло 15 бахши ихтисосии Академияи хурди илмҳо, аз ҷумла математика, технологияи иттилоотӣ, астрофизика, физика, химия, биология, иқтисодиёт, гидрохимия, тиб, ҳуқуқ, генетика, таърих ва бостоншиносӣ, география, экология ва забонҳои хориҷӣ фаъолият менамоянд.
Президенти Академияи миллии илмҳои Тоҷикистон Қобилҷон Хушвахтзода иброз намуд, ки рушди илм, махсусан илмҳои табиатшиносӣ ва дақиқ дар замони муосир бо суръати баланд рӯ ба тараққист. Аз ин рӯ Ҳукумати Тоҷикистон, хосатан Сарвари давлат муҳтарам Эмомалӣ Раҳмон ба масъалаи рушди илмҳои табиатшиносӣ, дақиқ ва риёзӣ таваҷҷуҳ зоҳир намуда, барои ба омӯзиш фаро гирифтани наврасону ҷавонон шароиту имконият фароҳам оварданд. Ҳадафи баргузории ин чорабинии илмӣ дар амал татбиқ намудани сиёсати илмии Ҳукумати мамлакат аз овони мактабхонӣ мебошад.
Дар фарҷоми сессия устодони ҳамаи бахшҳои Академияи хурди илмҳо ва маърузачиёни 15 бахш бо Сипоснома ва Ифтихорномаи Академияи миллии илмҳои Тоҷикистон ва шуъбаи кор бо мактаббачагони Раёсати Академия қадрдонӣ карда шуданд.
Бояд гуфт, ки Академияи хурди илмҳои ҷумҳурӣ дар оянда ба омода намудани мутахассисони моҳир, пурдон ва эҷодкор, инчунин такмил додани фаъолияти илмии муассисаҳои илмию таҳқиқотии Академияи илмҳо мусоидат намуда, имкон медиҳад, ки ба сафи Академияи хурди илмҳо аз ҳисоби ҷавонони болаёқат неруи нав ҷалб карда шавад.
АКС: Академияи миллии илмҳои Тоҷикистон
Дар Душанбе Рӯзи фарҳанги ноҳияи Ашт баргузор шуд
Имрӯз дар шаҳри Душанбе Рӯзи фарҳанги ноҳияи Восеъ баргузор шуд
Дар Рӯзи фарҳанги ноҳияи Вахш дастовардҳои давоми соҳибистиқлолӣ муаррифӣ гардид
Осорхонаи миллӣ дар Тоҷикобод намоиши сайёри осорхонавӣ ташкил намуд
БАРНОМАИ РУШДИ КИТОБХОНАҲОИ ДЕҲОТ. Он барои такмили фаъолияти китобхонаҳо ва беҳтар шудани хизматрасонии китобдорӣ замина фароҳам меорад
Дар Душанбе Рӯзҳои фарҳанги шаҳрҳои Гулистон, Бӯстон, Истиқлол ва ноҳияҳои Вахш, Восеъ ва Ашт доир мегардад
Дар Осорхонаи миллии Тоҷикистон маҳфили «Шоҳномахонӣ» баргузор гардид
Дар Китобхонаи миллии Тоҷикистон дар мавзуи «Дастнависҳо – мероси фарҳангии миллат» ҳамоиши илмӣ-маърифатӣ доир шуд
Раиси Кумитаи миллӣ оид ба ҳуқуқи инсони Давлати Қатар дар Осорхонаи миллӣ бо тамаддуни тоҷикон шинос гардид
Дар Тоҷикистон «Барномаи рушди китобхонаҳои деҳот барои солҳои 2027–2031» амалӣ мешавад
Дар Осорхонаи миллӣ бахшида ба Даҳсолаи байналмилалӣ оид ба таҳкими сулҳ барои наслҳои оянда ҳамоиш баргузор гардид
Дар Театри таҷрибавии тамошобини ҷавон намоишномаи «Бобоҷон Ғафуров» нахустин маротиба пешниҳод гардид
